Como crear o teu territorio?

Cada membro do grupo traballará nun destes catro territorios, xa definidos polo mestre do xogo:

VALTARIA. O BOSQUE SECRETO 🌳

DUNAS OSCURAS. O DESERTO PROHIBIDO 🐫

ILLAS DA BRÉTEMA. O ARQUIPÉLAGO ENCANTADO ☁️

MONTES DE LUME ETERNO. O REINO DAS CINZAS 🌋

Creación do mapa

Cada membro do grupo deberá debuxar o mapa dun dos territorios, incluíndo os seguintes elementos:

• Fronteiras naturais: montañas, ríos, lagos, desertos, bosques, etc.

• Lugares destacados: pobos, castelos, templos, ruínas antigas, covas ou calquera punto de interes

• Camiños e rutas que conecten diferentes puntos do territorio

• Posibles zonas perigosas, indicar áreas misteriosas que poderían agochar segredos, aínda que non se saiba exactamente onde están os obxectos máxicos

NOTA IMPORTANTE: Sabedes que hai 6 obxectos máxicos en cada territorio, pero non coñecedes a súa localización exacta. O mestre do xogo revelará pistas durante a aventura para atopalos.

Descrición do territorio

Cada alumno deberá escribir unha descrición detallada do territorio, tendo en conta:

• relevo: montañas, vales, chairas...

• corpos de auga: ríos, lagos, mares...

• clima: temperatura, humedade, tormentas, néboas ou outros fenómenos naturais

• puntos perigosos: zonas con fenómenos naturais extremos como volcáns, pantanos...

• flora: árbores, plantas, flores ou vexetación máxica. Pódense crear árbores que falan, plantas carnívoras, flores que resplandecen na escuridade...

• fauna: animais salvaxes, criaturas mitolóxicas ou seres máxicos. Pódense inventar criaturas únicas

• pobos que habitan o territorio

• relacións no territorio: como afectan os animais e plantas á vida no territorio

Presentación do territorio

Cada alumno presentará o seu territorio ao resto da clase e debuxará o mapa do mesmo