Explicación

De novo se cruzan os nosos camiños, aventureiros! Despois de superar os perigos das Dunas Escuras, agora chegan ás misteriosas Illas de Brétema, un arquipélago oculto entre a néboa onde antigas lendas falan de mares encantados, criaturas míticas e obxectos máxicos agochados en templos esquecidos

Nesta aventura, todos os grupos poderán conseguir os seis obxectos máxicos, para facelo teredes que demostrar a vosa intelixencia e a vosa valentía

Cada obxecto está oculto nalgún lugar das illas, pero para descubrir a súa localización deberedes resolver unha serie de problemas matemáticos

• Cada vez que resolvedes un problema correctamente, recibiredes a pista sobre a situación dun dos obxectos máxicos

• Polo tanto si resolvedes todos os problemas, poderedes buscar todos os obxecto!

Os problemas serán desafiantes, pero podedes usar a vosa intelixencia e traballar en equipo para resolvelos!

Unha vez descuberta a localización dun obxecto máxico, teredes que recuperalo... pero, lembra, non estades sós nestas illas!

Cada obxecto está protexido por unha criatura mítica que non vos deixará levar o seu tesouro sen loitar

Para cada combate, tirades, cada membro do grupo, un dado para determinar a forza, destreza ou intelixencia

Poderedes usar algunha das características, armas ou obxectos especiais que a vosa raza ou clase vos dá

Cada raza ou clase ten unha habilidade especial que pode axudarvos na batalla. Pensade ben como usalas!

Exemplo:

Un dracónico pode usar o seu alento de lume para debilitar ao inimigo antes de tirar o dado

Un felínido pode usar a súa axilidade felina para atacar dúas veces no combate

Un explorador pode achegarse en silencio ao inimigo e sorprendelo

Pensade ben antes de actuar, pois cada criatura terá tamén as súas propias habilidades!

RÚBRICA DE AVALIACIÓN