NEGES GAN LYWODRAETH CYMRU 21 Hydref 2025

Annwyl gyfaill

Dyma roi gwybod i chi bod Ysgrifennydd y Cabinet dros Addysg wedi cyhoeddi datganiad ysgrifenedig heddiw yn cyhoeddi adolygiad o gyrff llywodraethu  ysgolion yng Nghymru.

Mae’r Cylch Gwaith ar gyfer yr adolygiad wedi ei atodi i’r datganiad.

Datganiad Ysgrifenedig: Adolygiad o gyrff llywodraethu ysgolion (21 Hydref 2025) | LLYW.CYMRU

Os oes gennych gwestiynau am hyn, e-bostiwch SGOA@llyw.cymru.

Cofion gorau

Gwisg Ysgol  

Ar 2 Mai 2023, cyhoeddwyd canllawiau diwygiedig ar bolisïau gwisg ysgol ac edrychiad ar gyfer cyrff llywodraethu.

Mae’r canllawiau newydd yn nodi y dylai ysgolion sicrhau bod trefniadau ar waith fel bod gwisgoedd ysgol ail-law ar gael i rieni a gofalwyr eu caffael.

Gall cynlluniau ailgylchu a chyfnewid gwisgoedd amrywio. Dyma ddolen i wahanol fathau o gynlluniau y gallai ysgolion ddewis eu gweithredu.

https://www.llyw.cymru/cynlluniau-cyfnewid-ac-ailgylchu-gwisg-ysgol

Thematig Estyn – "Llywodraethwyr Ysgol – Gweithredu fel ffrindiau beirniadol ac effaith hyfforddiant llywodraethwyr”

Gweithdrefnau cwyno ysgolion: Canllawiau i lywodraethwyr ar sut i ddelio â chwynion. 

(Wedi'i ddiweddaru Rhagfyr 1, 2022)

Camau i’w cymryd

Mae hi’n ofynnol yn ôl y gyfraith i gyrff llywodraethu sefydlu gweithdrefn gwyno. Argymhellir bod cyrff llywodraethu yn adolygu eu gweithdrefnau cwyno yng ngoleuni’r canllawiau hyn sydd wedi’u hailwampio ac sy’n disodli’r canllawiau blaenorol. Gall cyrff llywodraethu roi gweithdrefn gwyno o’u dewis ar waith, ond argymhellir y dylent fabwysiadu’r weithdrefn gwyno enghreifftiol sydd yn Atodiad 1.

Byddwn yn ychwanegu hyn fel eitem safonol ar agendâu drafft ar gyfer Tymor y Gwanwyn 2023, ynghyd â fersiwn ddogfen Word o'r polisi model LlC.

Beth sydd wedi newid ers y canllawiau diwethaf?

• • Mae cyfeiriadau at Lywodraethwyr Cymru wedi'u dileu drwyddi draw.

  • Mae adran newydd ar ymdrin â chwynion am fwlio wedi’i chynnwys.

  • Mae datganiad newydd ynghylch dim goddefgarwch ar gyfer bwlio ac aflonyddu wedi ei gynnwys yn y polisi enghreifftiol.

  • Mae canllawiau ychwanegol wedi’u darparu ar gyfer achosion o ymchwiliadau annibynnol i gwynion am yr holl gorff llywodraethu.

Darllen mwy >

Sector: Uwchradd

Disgybl-lywodraethwyr cyswllt

Yn ddiweddar rydym wedi cael ein hatgoffa bod disgwyl i Ysgolion Uwchradd benodi Disgybl-lywodraethwyr Cyswllt. Rydym yn gwybod y bydd llawer ohonoch wedi bod yn gweithredu hyn cyn-COVID, ond dyma'ch atgoffa o Ganllawiau Llywodraeth Cymru efallai fydd yn ddefnyddiol i chi:

“Disgybl-lywodraethwyr cyswllt – mae Rheoliadau Cynghorau Ysgol (Cymru) 2005 yn diwygio Rheoliadau Llywodraethu Ysgolion a Gynhelir (Cymru) 2005 fel y gellir penodi disgybl-lywodraethwyr cyswllt ar gorff llywodraethu pob ysgol uwchradd a gynhelir. Mae’n rhaid i bennaeth ysgol sicrhau bod gan y cyngor ysgol gyfle i enwebu hyd at ddau ddisgybl blwyddyn 11 i 13 i fod yn aelodau o’r corff llywodraethu.”

Darllen mwy > (Tudalen 6)