Cwricwlwm

Defnyddiwyd prosesau arferol yr ysgol i ddod i farn am natur a chyd-destun yr ysgol fel sail i adnabod cwricwlwm addas. Defnyddiwyd y trefniadau isod i ymgysylltu’n effeithiol hefo prif rhanddeiliaid, sef â dysgwyr, rhieni, gofalwyr, llywodraethwyr, y gymuned broffesiynol a`r gymuned ehangach:

• Fforwm disgyblion.

• Holiadur disgyblion.

• Fforwm rhieni a holiadur rhieni.

• Trafodaethau corff llywodraethol.

• Holiadur ysgolion iach cenedlaethol.

• Trefniadau craffu ar waith ac effaith addysgeg ar safonau dysgwyr.

• Trefniadau myfyrio ar ddysgu gan gynnwys arsylwadau gwersi, teithiau dysgu ac effaith addysgeg ar safonau dysgwyr.

• Adborth Gwe a sylwadau cyn benaethiaid.

Mae trefniadau arfarnu`r ysgol wedi eu haddasu ers cyfnod o ddwy flynedd gan ddefnyddio `r pedwar diben fel prif sail. Bydd y cwricwlwm yn cael ei adolygu'n barhaus, gan ddefnyddio`r prosesau uchod fel sail gadarn ar gyfer adnabod diwygiadau angenrheidiol. Effaith y ddarpariaeth ar ddysgu a chynnydd sydd yn mesur y llwyddiant.

Mae syniadaeth megis ysgolion sy’n annog, meddylfryd twf, Shirley Clarke, Tom Sherrington, Barrack Rosenshine a chydweithio hefo`r sector gynradd wedi dylanwadu’n arwyddocaol ar ein llwybr fel ysgol fel sefydliad sy`n dysgu yn ystod ein llwybr ar y daith i gyflwyno Cwricwlwm i Gymru.

Gweler ddogfen sy'n amlinellu Cwricwlwm Ysgol Y Moelwyn isod: