Asesu a Chynnydd

Mae asesu yn cyfrannu mewn tri dull at y broses o alluogi cynnydd dysgwyr:

Yn ôl y Ddeddf Cwricwlwm ac Asesu 2021 mae’n rhaid i’r Cod datganiadau o’r hyn sy’n bwysig a’r Cod Cynnydd fod yn sail i’r cwricwlwm a’r trefniadau asesu ym mhob ysgol. Rydym yn defnyddio’r Disgrifiadau Dysgu ar gyfer bob Datganiad o’r Hyn sy’n Bwysig ar gyfer asesu a chynllunio ar gyfer cynnydd dysgwyr. Mae’r rhain yn cyfateb yn fras i ddisgwyliadau ar gyfer oedrannau 11, 14 a 16 ac yn cynnig arweiniad ar sut y dylai ein dysgwyr ddangos cynnydd o fewn pob Datganiad. Ni ddefnyddir rhain fel rhestr o flychau i’w ticio, ond fel ystyriaethau i’w hystyried wrth gynllunio ar gyfer cynnydd ein dysgwyr.

Bydd yr ysgol yn cyflawni Dibenion Asesu‘r Cwricwlwm fel a ganlyn:

• Rydym fel ysgol wedi buddsoddi`n drwm ers blynyddoedd ym meysydd asesu ar gyfer dysgu ac asesu ffurfiannol ac mae rhain bellach wedi gwreiddio`n gadarn. Mae asesu ffurfiannol o ansawdd cyson uchel ar lawr dosbarth o ddydd i ddydd yn rhoi darlun clir o gyrhaeddiad a chamau nesaf i ddysgwyr ac ymarferwyr. Byddwn yn parhau i sicrhau fod yr asesu hwn yn llywio cyflymder a chyfeiriad y dysgu yn effeithiol.

• Cefnogi dysgwyr unigol yn barhaus o ddydd i ddydd. Mae’r ysgol wedi gwneud gwaith sylweddol i sicrhau fod adborth ysgrifenedig a llafar yn adeiladol a phenodol a bob yr arweiniad dilynol ar sut i wella yn glir ac yn ddefnyddiol i`r dysgwr. Ceir polisi ac arweiniad ffurfiol a gweithredol asesu ar gyfer dysgu.

• Rhown bwyslais ar bwysigrwydd sicrhau cyd-ddealltwriaeth o gynnydd ar draws ymarferwyr yr ysgol ac ar drafodaethau rheolaidd gyda rhieni a gofalwyr i drafod cynnydd eu plant.