Ljós og lýsing

Ljósahönnun er verkefni sem er hægt að nálgast á ýmsan hátt. Það er hægt að vinna með lampahönnun með perustæði, LED perur eða LED borða. Það er líka hægt að kynna þessa möguleika og hvaða möguleika hver aðferð felur í sér. Í þessu verkefni er gott að vinna hugflæði og þegar hugmyndin er að myndast er gott að vinna líkan úr pappa til þess að átta sig á hlutföllum og hvort hugmyndin virki. Hér er tilvalið að láta nemendur teikna vinnuteikningu í réttum hlutföllum. Þau velja efni og yfirborðsmeðferð og ákveða samsetningaraðferð. Þetta verkefni reynir á margþætta hæfni og hentar fyrir eldri nemendur. Sýnishornin hér fyrir neðan eru unnin af 7. bekk. og má nýta sem fyrirmyndarverkefni og skapa umræðu um hönnunina.

Lampar með perustæði

Lampi úr listum

Einfaldur og fallegur lampi, rauf söguð í listana til þess að smella við botninn. Bæsað og lakkað.

Lampi með tiffany´s aðferð

Framhlið úr lituðu gleri lóðað saman með koparlímbandi og tini. Annars er lampinn úr 9 mm krossvið.

Lamði úr afgangs spýtum

Afsagsbútar af timbur útihellum.

Lampar skornir með geislaskera

Teiknaður í Inkscape

Tveir nemendur teiknuðu allar hliðar í Inkscape teikniforritinu og skáru út í geislaskera. Þeir smíðuðu svo tvo eins lampa.

Teiknað á blað og skannað inn

Hér var mynstrið á hliðunum teiknað á blað og skannað í geislaskeranum og skorið eftir teikningunni. Lampinn smíðaður og glærar glerplötur límdar inn á hliðarnar.