CYFFREDINOL
Drwy barhau i ddefnyddio'r wefan hon neu unrhyw rai o'r is-wefannau sy'n gysylltiedig â hi, rydych yn cadarnhau eich bod yn derbyn y telerau ac amodau defnydd a nodir isod. Os nad ydych yn derbyn y telerau ac amodau, mae'n rhaid i chi adael y wefan hon ar unwaith.
Mae'r wefan hon yn cynnwys nifer o is-wefannau (Is-wefannau) sy'n cael eu gweinyddu gan glybiau a sefydliadau eraill sy'n gysylltiedig ag Elusen Hamdden Creigiau.
EIN CEFNDIR
Elusen Hamdden Creigiau (EHC), Rhif Elusen 1184914, sy'n rheoli Ardal Creigiau (y Rec) sy'n berchen ar y wefan hon.
Os oes angen unrhyw wybodaeth arnoch, neu os oes gennych gŵyn am wefan EHC, cysylltwch â ni.
E-bost - Info@creigiaurec.com
Cyfeiriad post: D/O Yr Ysgrifennydd, EHC Creigiau, 36 Parc Castell-y-Mynach, Creigiau, Cardiff CF15 9NW
PREIFATRWYDD
Ewch i Bolisi Preifatrwydd yr Is-wefannau am fanylion ynghylch pa wybodaeth bersonol sy'n cael ei chasglu a sut y caiff ei defnyddio a'i diogelu.
DEFNYDDWYR Y WEFAN
Mae 2 gategori defnyddwyr ar gyfer gwefan EHC:
Gweinyddydd y Brif Wefan EHC, sy'n meddu ar reolaeth gyffredinol dros wefan gyfan EHC a'i chynnwys.
Gweinyddydd Is-wefan Person a enwebir gan y Sefydliad sy'n darparu Is-wefan ac sy'n gweinyddu'r Is-wefan honno ar ei ran
TELERAU YCHWANEGOL
Mae telerau ychwanegol, sy'n rhan o'r telerau ac amodau hyn, yn berthnasol i gyrchu a defnyddio rhai o wasanaethau gwefan EHC. Mae'n bwysig eich bod yn deall ac yn fodlon ar y telerau hyn cyn defnyddio'r gwasanaeth hwn. Cysylltwch â'r Ysgrifennydd am fanylion pellach ynghylch:
Perchnogaeth deunyddiau
Telerau trwydded
Caniateir i chi arddangos deunyddiau gwefan EHC ar sgrîn cyfrifiadur, ac eithrio yn achos dogfennau mynediad cyfyngedig, lawrlwytho ac argraffu copi caled at eich defnydd personol eich hun neu er mwyn cael cynnyrch neu wasanaethau gennym ni neu unrhyw rai o'r is-wefannau a ddarperir, ar yr amod nad ydych yn newid na dileu unrhyw gynnwys nac unrhyw ran o wefan EHC nac unrhyw Is-wefan heb ein caniatâd ysgrifenedig i wneud hynny, ac ar yr amod nad ydych yn newid nac yn dileu unrhyw hawlfraint, nod masnach na rhybuddion perchnogol.
Dolenni
Caniateir i chi sefydlu dolen i wefan EHC o wefannau eraill ar yr amod y byddwch yn dileu'r ddolen ar unwaith os gofynnwn i chi wneud hynny, os credwn y gallai beri niwed i EHC neu unrhyw Sefydliad neu Bartner cysylltiedig mewn unrhyw ffordd, neu y gallai fel arall beri niwed i enw da EHC.
Rydych yn cytuno i beidio â:
Chopïo, atgynhyrchu, storio (ar unrhyw gyfrwng neu ffurf), dosbarthu, trosglwyddo, addasu, creu gwaith deilliadol o unrhyw ran o wefan EHC na'r wefan gyfan, na'r deunyddiau na’r meddalwedd a gynhwysir arni, nac a ddarperir i chi drwyddi, heb ein caniatâd ysgrifenedig ymlaen llaw (y gellid ei roi neu ei ddal yn ôl yn unol â'n disgresiwn absoliwt). Ni chewch ddefnyddio gwefan EHC nac unrhyw rai o'r deunyddiau na'r meddalwedd a gynhwysir arni, nac a ddarperir i chi drwyddi:
§ At unrhyw ddiben anghyfreithlon neu'n groes i gyfraith berthnasol neu am fantais fasnachol heb ein caniatâd ysgrifenedig ymlaen llaw
§ At ddiben unrhyw hysbysebu anghyfreithlon neu amhriodol
§ At unrhyw ddiben neu mewn unrhyw fodd a allai greu argraff anghywir neu gamarweiniol neu negyddol o EHC.
§ Defnyddio, lanlwytho neu drosglwyddo unrhyw ddeunydd sy'n ddifenwol, sarhaus, anweddus, ag iddo ogwydd rhywiol, hiliol, bygythiol, brawychus, anghywir, camarweiniol neu anghyfreithlon mewn unrhyw ffordd arall, neu a allai beri sarhad neu drallod neu a allai effeithio ar hawliau unrhyw berson arall neu eu tramgwyddo.
§ Defnyddio unrhyw ddyfais, meddalwedd, ffeil neu fecanwaith a allai ymyrryd â gweithrediad priodol gwefan EHC.
§ Dadgrynhoi, dadosod neu ddadsaernïo (neu geisio gwneud unrhyw un o'r rhain) mewn perthynas ag unrhyw feddalwedd neu ddeunyddiau eraill a ddarperir ar wefan EHC neu drwyddi.
§ Gwneud unrhyw beth a allai ymyrryd â gwefan EHC neu ei hamharu.
§ Annog neu ganiatáu i eraill wneud unrhyw rai o'r uchod.
Os digwydd i chi beidio â chydymffurfio â'r cyfyngiadau uchod, gallai unrhyw berson yr effeithir arno/arni yn sgil eich gweithrediadau ddwyn achos yn eich erbyn. Bydd EHC a/neu sefydliadau cysylltiedig yn mynd ar drywydd achos yn eich erbyn am unrhyw achos o golled a chostau (gan gynnwys costau cyfreithiol) a ddioddefir gan bob un o ganlyniad i'ch gweithredoedd.
Addasrwydd deunyddiau a ddarperir drwy wefan EHC
Ni roddir unrhyw sicrwydd bod y deunyddiau a ddarperir neu sydd ar gael i chi ar neu drwy wefan EHC yn addas at eich gofynion nac y byddant yn ddiogel, yn rhydd o gamgymeriadau neu feirysau ac ni fydd EHC na sefydliad unrhyw is-wefan yn cymryd unrhyw gyfrifoldeb mewn perthynas â'r deunyddiau hynny.
Deunyddiau a gyflwynir i wefan EHC
Rydych yn cadarnhau eich bod yn berchen ar neu'n meddu ar hawliau, caniatadau a chydsyniadau trwyddedau digonol i allu darparu i EHC, at y defnydd a ragwelir gan y Telerau ac Amodau hyn, yr holl ddeunyddiau (bod y rheiny'n ddata, yn ffotograffau, yn ddelweddau neu fel arall) a gyflwynwch ar wefan EHC neu iddi (Deunyddiau Cyflwynedig).
Lle bydd Deunyddiau Cyflwynedig yn cynnwys delwedd o berson sydd o dan 18 oed (Plentyn), rydych yn cadarnhau eich bod wedi cael cydsyniad rhiant neu warcheidwad y Plentyn hwnnw a hefyd cydsyniad y plentyn.
Mae'n rhaid i chi beidio â chynnwys unrhyw wybodaeth bersonol am Blant mewn unrhyw Ddeunyddiau Cyflwynedig. Rydych yn cadarnhau bod y Deunyddiau Cyflwynedig yn gywir ac nad ydynt yn gamarweiniol. Rydych drwy hyn yn caniatáu trwydded ddiwrthdro, fyd-eang, anunigryw, heb freindaliadau am byth i EHC i gopïo, cyhoeddi a dosbarthu'r Deunyddiau Cyflwynedig mewn unrhyw gyfrwng a ffurf mewn unrhyw le bynnag yn y byd ac at unrhyw ddiben.
Argaeledd
Darperir gwefan EHC am ddim fel y mae ac fel y mae ar gael.
Ni roddwn unrhyw warant y bydd yn ddi-dor nac yn rhydd o unrhyw wallau.
Cadwn yr hawl i addasu, atal neu dynnu'n ôl unrhyw ran o wefan neu wefan gyfan EHC neu unrhyw ran o'i chynnwys ar unrhyw adeg a hynny heb rybudd a heb unrhyw rwymedigaeth.
Cyfyngiadau mynediad
Mae gan EHC yr hawl, yn unol â'i disgresiwn absoliwt, i ddileu unrhyw Ddeunyddiau Cyflwynedig.
Bydd gan EHC yr hawl i atal neu derfynu eich mynediad at wefan EHC a bydd gan Brif Weinyddydd pob Is-wefan yr hawl i atal neu derfynu eich mynediad at ei Is-wefan ar unrhyw adeg heb reswm a heb rwymedigaeth.
Dolenni o wefan EHC a hysbysebion arni
O bryd i'w gilydd, gellid darparu dolenni i wefannau eraill a / neu hysbysebion ar wefan EHC sy'n eiddo i drydydd partïon neu'n cael eu darparu a / neu eu rheoli ganddynt.
Darperir y dolenni a'r hysbysebion hyn i chi er hwylustod a diddordeb i chi ac nid oes gan EHC unrhyw reolaeth drostynt ac na fydd gan EHC unrhyw rwymedigaeth mewn perthynas ag unrhyw rai ohonynt.
Monitro
Gallai EHC fonitro gweithgarwch a chynnwys gwefan EHC a’r is-wefannau a gallai gymryd unrhyw gamau y tybiwn eu bod yn briodol os amheuir eich bod yn yn torri unrhyw rai o'r Telerau ac Amodau hyn gan gynnwys atal, pennu amodau neu derfynu eich mynediad a/neu hysbysu'r awdurdodau neu reoleiddwyr perthnasol o'ch gweithgareddau.
Diogelwch
Nid yw trosglwyddiadau ar y rhyngrwyd byth yn gyfan gwbl breifat na diogel ac mae risg, felly, y gallai unrhyw neges neu wybodaeth a anfonwch i unrhyw ran o wefan EHC gael ei chipio a'i darllen o bosibl gan eraill.
Ni fydd gan EHC unrhyw rwymedigaeth mewn perthynas ag unrhyw drosglwyddiadau a anfonwch a'ch risg chi yn gyfan gwbl fydd gwneud hynny.
Cywirdeb gwybodaeth
Gofalwn i sicrhau bod yr holl wybodaeth sydd ar gael ar wefan EHC yn gywir.
Fodd bynnag, mae'r wefan a'i his-wefannau'n cael eu datblygu'n barhaus ac, o bryd i'w gilydd, gallai'r wybodaeth fod wedi dyddio.
Os digwydd i chi beidio â chydymffurfio â'r cyfyngiadau uchod, gallai unrhyw berson yr effeithir arno/arni yn sgil eich gweithrediadau ddwyn achos yn eich erbyn. Bydd EHC a/neu sefydliadau cysylltiedig yn mynd ar drywydd achos yn eich erbyn am unrhyw achos o golled a chostau (gan gynnwys costau cyfreithiol) a ddioddefir gan bob un o ganlyniad i'ch gweithredoedd.
Os digwydd i chi fod o'r farn bod defnyddiwr arall wedi postio deunyddiau nad ydynt yn cydymffurfio â'r cymal hwn, gofynnir i chi hysbysu Gweinyddydd y Brif Wefan, a fydd yn cymryd camau priodol (a allai gynnwys dileu postiadau tramgwyddus, atal, pennu amodau neu derfynu mynediad y defnyddiwr a/neu hysbysu'r awdurdodau neu'r rheoleiddwyr perthnasol o'r gweithgareddau tramgwyddus), cyn gynted ag sy'n rhesymol ymarferol.
Ymwadiad
Er y gofalwn i sicrhau bod yr holl ddeunydd ar wefan EHC yn gywir ac yn addas i'w ddefnyddio, gallai fod gwallau, o bryd i'w gilydd, ac nid yw EHC yn rhoi unrhyw sicrwydd i chi bod y deunydd ar y wefan hon nac ar unrhyw rai o'r is-wefannau'n gywir, yn gyflawn nac yn gyfredol nac y bydd y wefan neu'r is-wefannau'n rhydd o ddiffygion neu feirysau.
Ni ddylid tybio bod unrhyw beth a nodir ar dudalennau gwefan EHC yn gyngor masnachol, cyfreithiol nac yn unrhyw gyngor proffesiynol arall. Dylid ceisio cyngor proffesiynol manwl cyn cymryd unrhyw gamau neu ymatal rhag cymryd unrhyw gamau ar sail unrhyw ran o'r deunydd sydd wedi'i gynnwys ar wefan EHC neu unrhyw rai o'r is-wefannau.
Cadwn yr hawl i newid y telerau ac amodau hyn ar unrhyw adeg.
Caiff y fersiwn newydd ei bostio ar y wefan hon a bydd yn weithredol yn syth ar ôl iddo gael ei bostio.
Os ydych yn defnyddio gwefan EHC ar ôl i'r telerau ac amodau newydd ddod i rym, byddwch yn nodi eich cytundeb i fod yn rhwym wrth y telerau ac amodau newydd.
