Nola egingo dugu? Zoruan zein horman antolatu dezakegu. Paperean planifikatu dezakegu, aurrediseinu bat eginez. Horretarako eredu desberdinez baliatu gaitezke.

Zer behar dugu? Nahi dugun materiala erabili dezakegu: koloretako zinta itsasgarria, artileak, kartulinak, saskiak, goma eva, tutuak, gometsak, kutxak, puxikak, aroak, ehundura desberdinetako material sentsoriala…

Zer landuko dugu? Motrizitatea, zentzumenak, erritmoak, geometria (formak), neurriak, espazio zein denbora nozioak, emozioak, hizkuntza, zenbakikuntza, lateralitatea...

Nola jolastuko gara? Bakarka zein familia kideekin aritu gaitezke, betiere txandak errespetatuz. Arauak ezarri ditzakegu.

Nori zuzenduta dago? Edozein mailara egokitu dezakegu, zailtasun-maila moldatuz.