Ausazko-gertaera bat emaitza zoriaren mende dagoen ekintza (gertaera) da. Ausazko esperimentu bateko emaitza posible bakoitzari kasu edo oinarrizko gertaera deitzen zaio.

Bestalde, gertaera-konposatuak oinarrizko gertaera bat baino gehiagoz osatutako gertaera da.

Adibideak:

• Ausazko gertaerak dira:

  • • Karta jokoan lortzen dituzun karten balioak 

    • Txanpon bat botatzean aterako den balioa (aurpegia ala gurutzea) 

    • Jaio barri den ume baten sexua

• Ez dira ausazko gertaerak

  • • Esne brick batek duen bolumena

    • Zure klasean dauden ikasle kopurua

• Gertaera-konposatua:

  • • Dado bat botatzean "bikoitia ateratzea"

    • Karta-sorta batetik "kopa eta irudia ateratzea"

Lagin-espazioa

Gertaera posible guztien multzoari lagin-espazioa edo gertaera ziurra deitzen zaio. Lagin-espazio osoa ᘯ sinboloaz adierazten dugu, eta bere balio denak giltzen artean adieraziko ditugu. 

Adibidea:

• Txanpon bat botatzea eta ateratko balioa begiratzea: ᘯ = {aurpegia, gurutzea}

• Dado bat botatzea eta ateratako balioa begiratzea: ᘯ = {1, 2, 3, 4, 5, 6}

Gertaera bakoitzari probabilitate bat, 0 eta 1 arteko balioa duena, egotzi dakioke. Gertaera bat jazotzeko aukerak handiagoak diren heinean dagokion probabilitatea 1etik hurbilago egongo da; bestalde, gertaera hori  jazotzeko aukerak urriak badira, orduan probabilitatea 0tik hurbil egongo da.

Adibidea:  Dado bat botako dugu eta ateratako balioa apuntatu

• S = 3 ateratzea ={3}, hau da, aldeko kasu kopurua 1 da.

• Bere Lagin-espazioa = ᘯ = {1,2,3,4,5,6} da, hau da,  kasu posible kopurua 6 da.

Beraz: P(3 ateratzea)= 1/6 da