Berreketa bat biderketa errepikakor bat adierazteko modu sinple bat baino ez da, biderkagai berbera errepikatzen denean.

Esaterako, 3⁵ berreketa bat da. Aurreko adierazpen hori "hiru ber bost" irakurtzen da eta 3 zenbakia besre buruarekin bost aldiz biderkatzen dela adierazten du: 3·3·3·3·3. Berreketa batek bi atal ditu: oinarria -edo berrekizuna- errepikatzen den zenbakia da (gure adibidean, 3) eta berretzailea oinarria errepikatzen den aldi kopurua da (gure adibidean, 5).

Berreketarik errazenak 1 eta 10 oinarri dutenak dira.

Kasu bereziak:

• 3² horrela irakurtzen da:

  • • • Hiru ber bi

      • Hiru karratu

      • Hiru koadro

      • Ohikoena: hiru karratu

• 5³ horrela irakurtzen da:

  • • • Bost ber hiru

      • Bost kubo

      • Ohikoena: bost kubo

Berreketak agertzen diren adierazpenekin lan egiteko zenbait erregela erabiltzen dira, berretzaileen arauak, alegia:

• Biderketa: Oinarri bereko bi berreketa biderkatzen direnean, oinarria mantentzen da eta berretzaileak batu egiten dira: a^m·aⁿ=a^m+n . Adibidea: 6⁷ · 6⁴ = 6⁷⁺⁴ =6¹¹

• Zatiketa: Oinarri bereko bi berreketa zatitzen direnean, oinarria mantentzen da eta berretzaileak kendu egiten dira: a^m:aⁿ=a^m-n . Example: 6⁷ : 6⁴ = 6^7-4 =6³

• Berreketa baten berreketa: Berretzaileak biderkatu egiten dira: (aⁿ)^m= a^n·m. Adibidea: (6⁷)⁴ = 6^7·4 = 6²⁸

• Berretzaile bereko biderketa: Berretzaile bereko berreketak biderkatzen direnean, berretzailea mantentzen da eta oinarriak biderkatu egiten dira: aⁿ · bⁿ= (a·b)ⁿ . Adibidea: 2⁵·7⁵ = (2·7)⁵ = 14⁵.

• Berretzaile bereko zatiketa: Berretzaile bereko berreketak biderkatzen direnean, berretzailea mantentzen da eta oinarriak zatitu egiten dira: aⁿ : bⁿ = (a:b)ⁿ . Adibidea: 6⁴ : 2⁴ = (6 : 2)⁴= 3⁴

• a⁰=1. Adibidea: 2⁰ = 2^4-4 = 2⁴ : 2⁴= 16 : 16 = 1.

• a¹=a

Erro karratua zenbaki bat karratura egitearen alderantzizko eragiketa da. Esaterako, 16ren erro karratua 4 da, izan ere, 4²=16, eta hori horrela idazten da: √ 16 = 4. √ zeinuari erro zeinua deritzo eta erroaren barruko zenbakiari, berriz, errokizuna (gure adibidean, 16).

√a = b adierazpenak honako hau esan nahi du: b² = a

Badira zenbaki batzuk beste batzuren karratuak ez direnak, esaterako, 9 eta 16ren arteko edozein zenbaki. Izan ere, 9 zenbakia 3ren karratua da eta 16 zenbakia 4ren karratua; eta ez dago 3 eta 4ren arteko zenbaki oso gehiagorik.

Horrela, badakigu 9 eta 16ren arteko zenbakien erro karratuak 3 eta 4ren artean egongo direla eta horrek balioko digu haien estimazio bat emateko. Esaterako, 3 < √10 < 4, eta horrela √10 estimatzen da.

Erro karratu bat estimatzean, 3 < √10 < 4 bezala, honako hau esan dezakegu: "10en erro karratua 3 da eta hondarra 1 da". Izan ere, 10= 3² + 1.