Semana das Ciencias 2022

A VI Edición da Semana das Ciencias celebrouse en Ponteareas do 18 ao 23 de marzo de 2022.

No marco deste evento tivo lugar unha actividade en tódolos centros de Primaria do Concello, na cal o alumnado de 5º e 6º puido xogar a variantes do xogo 3-en-raia en dimensións diferentes (1-d, 2-d, 3-d, 4-d).

A actividade foi posible grazas á cesión por parte das escolas dos xogos 11Torres que tiñan recibido como agasallo do Concello nunha edición anterior da Semana das Ciencias.

En cada unha destas escolas fíxose unha presentación das modalidades de xogo ao 3-en-raia en diferentes dimensións.

Estes xogos tamén foron presentados na Feira da Ciencia organizada nas rúas da vila.

Nos seguintes videos podes observar algunhas explicacións sobre as dimensións e as relacións entre elas.

Hai unha páxina para cada unha das visualizacións explicadas no video anterior. En cada caso, procura usar só o cursor vertical, pois os outros cursores presentan outras rotacións que poden despistarte ao principio.