• Måndag 12. oktober kl 22:50

Olav Ludvig var einaste aktøren av potensielt 40 kvamma- og vossaspelarar i kveldens bedrifts- og lokalligarunder, så Frank sine turneringssprell går nok mot ein ende. Men kva så med Olav Ludvig, fekk han det til? Nei, diverre vart det ein elendig start som øydela, men dei to siste seriane var bra - berre ikkje bra nok til å retta opp feilen frå serie 1.

• Onsdag 7. oktober kl 16:40

Martin gjorde eit forsøk på Voss i dag, men det virkar å vera utfordrande forhold på Vangen. Uansett så var starten parkert med 158 allereie i førsteserien. Men hr. Istad skal ha for forsøket, og plutseleg er godstarten der 👍

• Måndag 5. oktober kl 21:30

Tore hoppa på quarten under kveldens klubbtrening i Øystese. Ein bra start på 198 vart øydelagt med 156 i serie 2, men han kjem nok sterkare attende. Og så er det jo som vår kjære formann Terje sa: du er i alle fall på lista 😂

• Sundag 4. oktober kl 20:00

Vossingane som gjesta oss i Hardangercideren i dag var noko pysete og hadde dårleg tru på seg sjølve, så dei valgte å ikkje spela oktoberkvarten. Hadde dei kasta seg med og brukt dei tre siste seriane, hadde Tom fått 624, Trond hadde fått 653 medan Martin hadde stått med 731! Min tidlegare makker på mange bowlingarenaer; Ove Fonn, hadde notert 676 på dagens siste tre seriar. 

Men kvemmingane lot det stå til og både Olav, Olav Ludvig og eg kombinerte dagens sider med quart. Olavane fekk ikkje løfta seg heilt opp i skyene, men for meg vart det vel såpass bra at når ikkje vossingane våga seg frampå før spelet mitt i dag, så kjem dei vel ikkje på bana etterpå heller. Så kanskje vert dette den siste quarten eg arrangerer.
- Maksscore: 705 (Frank)