Lewy sjúkdómur og heilabilun í Parkinson sjúkdómi

Lewy sjúkdómur

• Er heilabilun með parkinson-líkum einkennum

• Parkinson-lík einkenni eru

  • stífleiki í vöðvum (e. rigidity)

  • Hæging í hreyfingum (e. bradykinesia)

  • stundum skjálfti

  • stundum jafnvægisleysi

• Önnur einkenni Lewy sjúkdóms eru

  • Heilabilun, breyting á minni og vitrænni færni

    • Erfiðara að rata 

    • Erfiðarar að sinna flóknum málum eins og að sjá um fjármálin sín, skipuleggja sig eða að taka flóknar ákvarðanir

  • Ofskynjanir, einungis ofsýnir þar sem einstaklingurinn sér oft fólk eða dýr í kringum sig og gerir sér grein fyrir að verurnar eru ekki raunverulegar (hefur gott innsæi).

  • REM-svefntruflun: Einstaklingurinn fer að hreyfa sig óeðlilega mikið í svefni, leika draumana sína og jafnvel kalla upp úr svefni

  • Réttstöðublóðþrýstingsfall sem getur valdið svima og jafnvægisleysi

  • Breytt dægursveifla

• Hreyfieinkenni í Lewy sjúkdómi svara almennt Parkinson-lyfjum verr heldur en einkennin í hefðbundnum Parkinson sjúkdómi. 

• Parkinson lyf geta valdið auknum ofskynjunum, þess vegna er ráðlegt að prófa sig hægt áfram og minnka skammtinn af Parkinson lyfjunum ef það fer að bera á ofskynjunum

Heilabilun í Parkinson sjúkdómi

• Lýsir sér nánast eins og Lewy sjúkdómur nema að heilabilunin kemur jafnan fram mörgum árum eftir að hreyfieinkenna Parkinson sjúkdóms verður vart

Frekari upplýsingar á ensku

• National Institute of Aging fræðsla

• Evrópsku sjúklingasamtökin

• Amerísku sjúklingasamtökin

© Anna Björnsdóttir 2023