CBGD

CBGD/CBD – Corticobasal Ganglionic Degeneration eða Corticobasal Degeneration

CBGD er sjaldgæfur taugahrörnunarsjúkdómur sem veldur Parkinson-líkum einkennum sem versna hratt og batna lítið við hefðbundna Parkinson lyfjameðferð.
Einkennin verða venjulega áberandi meiri öðru megin í líkamanum, stundum þannig að einstaklingurinn á erfitt með að beita hendinni þeim megin.
Sumir fá verkstol og skynbreytingu í þann útlim sem er með verstu einkennin
Stundum fá sjúklingarnir svokallað “alien limb” heilkenni þar sem útlimurinn virðist hreyfa sig án þess að einstaklingurinn gefi boð um það.
Jafnvægisleysi er algengt og taltruflanir geta ágerst.
Stífni í útlim og verki vegna stífni er oft hægt að meðhöndla með lyfjum eða botulinum toxin inndælingum í vöðva.
Oft fylgja sjúkdómnum minnisbreytingar eða heilabilun með tímanum.
Horfur sjúklinga með CBGD eru almennt verri en í hefðbundnum Parkinson sjúkdómi.

Fræðsla á ensku