Hvað er Fab Lab?
Fab Lab kemur af ensku orðunum Fabrication Laboratory, eins konar framleiðslu tilraunastofa.
Fab Lab á rætur sínar að rekja til Center for Bits and Atoms hjá MIT háskólanum í Massachusetts í Bandaríkjunum. Þeirri stofnun stýrir prófessor Neil Gershenfeld sem auk þess að stunda miklar rannsóknir á þessu sviði kennir hann áfanga hjá MIT sem heitir How to Make (Almost) Anything.
Fab Lab (Fabrication Laboratory) er smiðja með tækjum og tólum til að búa til nánast hvað sem er. Fab Lab smiðjan gefur ungum sem öldnum, einstaklingum og fyrirtækjum, tækifæri til að þjálfa sköpunargáfuna og hrinda hugmyndum sínum í framkvæmd með því að hanna, móta og framleiða hluti með aðstoð stafrænnar tækni.
Hvaða búnaður er í Fab Lab smiðjum?
Fab Lab smiðja Stapaskóla er búin ýmiskonar búnaði til þess að framkalla hvers konar hugmyndir.
Við erum með laserskera, stóra fræsivél, þrívíddarprentara, rafeindaverkstæði, búnað til hönnunar tvívídd og þrívídd ásamt búnaði til forritunar.
Á þessari síðu er farið yfir hvernig hægt er að nota þennan búnað.
Tækjabúnaður í Fab Lab eru valinn með aðgengileika að leiðarljósi og í mörgum tilvikum eru er hægt að notast við PDF skrár til að koma hönnuninni á framleiðslustig. Teikningar að hlut sem gerður er í Fab Lab má gera í nánast hvaða teikniforriti sem er. Í Fab Lab smiðjunni er m.a. notast við Inkscape ( www.inkscape.org ) fyrir tvívíddar hönnun og Tinkercad fyrir þrívíddarhönnun.
Epilog Mini er með vinnuborð að stærð 30 sinnum 60 sentimetrar. Við getum skorið flest mjúk efni eins og akrílplast, timbur og pappír. Meira um leserinn hér
Roland GX-24 vínilskerinn sker vínilfilmur allt að 60 sentimerta breiðum. Vínilskerinn er hentugur í skiltagerð, merkingar og límmiðagerð.
Roland MDX-50 er tölvustýrð fræsivél og getur yfirborðfræst hluti allt að 30 sinnum 40 sentimetra stórum.
Flashforge 3D prentararnir eru með vinsælustu tækjunum okkar og formum við flesta hluti með þeim.
Inkscape teikniforritið er mikið notað til að teikna fyrir laserskurð og vínilskurð.
Gimp er ókeypis myndvinnsluforrit og mikið notað til að teikna myndir í vectorformi.
