Embedded Files
En 2º ESO estivemos estudando as variables que inflúen no comportamento dos gases e quixemos plasmalo nunha serie de experimentos moi sinxelos para que todas e todos poidades comprender ese comportamento.
Sabedes que todo o aire que nos rodea exerce unha forza sobre nós? Esa forza chámase presión. E a presión atmosférica é o peso que o aire exerce sobre a superficie terrestre. Aquí tedes unha presentación e un vídeo para que vexades mellor eses conceptos.
O experimento do ovo (1).pdfSegundo a teoría cinética, as moléculas que forman un gas están en movemento continuo en todas as direccións. A velocidade á que se moven depende da temperatura. Canto maior sexa a temperatura, maior será a velocidade e canto menor sexa a temperatura, as moléculas móvense máis lentamente. Se o gas está nun recipiente pechado, a presión no interior aumenta coa velocidade porque máis moléculas chocan coas súas paredes. Se a velocidade diminúe, hai menos golpes contra as paredes e a presión baixa.Agora vexamos o que ocorre no noso experimento:O aire do interior da botella quéntase pola chama e polo tanto a velocidade das súas moléculas aumenta. Dado que a botella está aberta, o aire pode escapar libremente.Tapamos a boca da botella co ovo e cando se apaga a chama o aire comeza a arrefriar. A velocidade das súas moléculas diminúe e a presión baixa. Agora a presión fóra da botella é maior que dentro. Como consecuencia da alta presión do aire no exterior (en comparación coa presión que exerce o aire no interior), o ovo é empuxado na botella.
Ley de Boyle-Mariotte (1).pptxContinuamos coa lei de Boyle-Mariotte
Continuamos coa lei de Boyle-Mariotte
Con este experimento pretendemos demostrar que a presión dun gas é inversamente proporcional ao volume que ocupa.
Se seguimos indagando nas leis dos gases, atopámonos coa Lei de Charles.
Un exemplo claro da Lei de Charles é o funcionamento dos globos aerostáticos
Segundo a lei de Charles, se un globo se enche cun gas quente, o seu volume debe expandirse. A un volume elevado, o globo ocupa un volume maior có mesmo peso que o aire circundante; a súa densidade é agora menor que a do aire frío e, en consecuencia, o globo comeza a subir.
Aquí tedes outro experimento que tamén o demostra.
XEO SECO FYQ (1).pptxRematamos coa lei de Gay -Lussac
Rematamos coa lei de Gay -Lussac
O experimento do Xeo Seco explica perfectamente esta lei
Agardamos que vos divertísedes e aprendésedes moito co noso traballo.
Page updated
Google Sites
Report abuse