Samræðuhlutverk

Hlutverk í umræðuhópum
virkja og dýpka samræðu

Til að styðja við kennslu í ábyrgri samræðu er hægt að nota samræðuhlutverk. Hlutverkin hjálpa nemendum að festa samtalsvenjur í sessi, þjálfa nemendur í að gegna mismunandi hlutverkum í samræðu og hjálpa þeim að æfa bæði virka hlustun og tjáningu. Með því að gefa nemendum hlutverk fá þeir skýrari ábyrgð í hópnum.

Hlutverkin hjálpa til við að:

stýra flæði samræðunnar,
tryggja að allir taki þátt,
þjálfa mismunandi tegundir hugsunar og tjáningar.

Dæmi um samræðuhlutverk

Sögumaður

Segir frá því sem á að ræða, dregur upp mynd af umræðuefninu.

„Það sem ræða á um er... og það helsta sem snýr að því...?“

Röksnillingur

Útskýrir, færir rök fyrir því sem rætt er og styður hugmyndir með gögnum eða röksemdum.

„Ég held þetta vegna þess að…“

Gagnrýnandi

Spyr gagnrýnna spurninga, setur fram mótrök til að dýpka umræðuna.

„En hvað ef við hugsum þetta öðruvísi?“

Ritari

Skráir niður helstu hugmyndir, rök og niðurstöður hópsins.

„Ég skal skrá niður lykilatriðin.“

Hugsanasmiður

Tengir umræðuefnið við fyrra nám, bakgrunnsþekkingu og reynslu.

„Þetta minnir mig á það sem við lærðum í síðustu viku.“

Kynnir

Kynnir helstu niðurstöður samræðunnar.

„Við ræddum um... og komumst að...“

Kennsluleiðbeiningar

Byrjað er á að kenna nemendum hlutverkin með einföldum dæmum og æfingum. Því næst er nemendum skipt í hópa og þeim úthlutað hlutverki, hægt er að skipast á að sinna hlutverkunum.

Gott er að skoða samræðustofnana með nemendum áður en umræðan hefst og skoða hvaða stofna er hægt að nota með hvaða hlutverki til að koma samræðum af stað og halda þeim gangandi.

Með tímanum verða hlutverkin óformleg og nemendur taka sjálfir að sér hlutverk eftir þörfum umræðunnar.

Page updated

Google Sites

Report abuse