RIME COMPANY LTD - Ubufasha mu kugira imitekerereze n'imyitwarire iboneye

Imibereho n'imibanire n'abandi

UBUFASHA MU KUGIRA IMITEKEREREZE N'IMYITWARIRE IBONEYE

UMUSOGONGERO

Buri muntu kuri iyi si dutuye afite imisusire ye yihariye. Nyamara iryo tandukaniro ntiribuza ko dufite ibindi byinshi duhuriyeho. Ibyo umuntu atandukaniyeho n'abandi iyo bihuye n'ibyo ahuriyeho na bo, ni byo bituma aba uwo ari we, akaba yagira imitekerereze cg imyitwarire inyuranye n'iy'abandi.

Umuntu rero yakwibaza igituma aba uwo ari we: igituma mu mitekerereze ye, mu myitwarire ye, mu migirire ye, atandukana n'umuvandimwe we, agatandukana n'inshuti ze, agatandukana n'abo babana mu matsinda abarizwamo mu buzima bwa buri munsi, agatandukana n'abo bareranywe. Yakwibaza no ku nkomoko y'iryo tandukaniro, ndetse n'ingaruka zaryo.

Ku rundi ruhande, hashobora kubaho kwibaza impamvu abantu runaka bahuza imitekerereze, imyitwarire cg imigirire.

Mu gihe runaka, umuntu ashobora kugira imitekerereze cg imyitwarire itari myiza, ishobora kumugiraho ingaruka, cg ikazigira ku bandi. Icyo gihe aba akeneye ubufasha bwihariye. Ubwo bufasha bushobora no gukenerwa ku babana n'umuntu runaka, inshuti ze, cg se umuryango we.

IBY'INGENZI BITUMA UMUNTU AGIRA IMITEKEREREZE CG IMYITWARIRE RUNAKA

Amateka ye yihariye
Umuryango avukamo n'umurage karemano yahawe n'abo akomokaho
Umuryango mugari yarerewemo: ababyara, ba nyirasenge, ba nyirarume, ba sekuru, n'abandi.
Abaturanyi n’andi matsinda yabayemo
Inshuti, ishuri, akazi
Itorero, Amakoraniro y'amasengesho, Imyemerere yabayemo
Amateka arebana n'umutekano, Imiyoborere, Uburenganzira no kurengerwa n'amategeko mu buzima bwe
Imikorere y'inzego z'ubuzima, uburezi, n'izindi zitanga serivisi
Ibikorwa remezo, imyidagaduro,....
Intumbero, ibitekerezo byerekeza ejo hazaza

ZIMWE MU MPAMVU ZISHOBORA GUTUMA UMUNTU AKENERA UBUFASHA KUGIRA NGO AGIRE IMITEKEREREZE N'IMYITWARIRE IBONEYE

Uburwayi bukomeye, cyane cyane ubushobora gutera kwiheba
Igihe wowe ubwawe cg umuntu wawe afite imitekerereze cg imyitwarire iteye impungenge: imitekerereze iganisha ku kwiyahura, ubwicanyi, kwiyahuza ibiyobyabwenge,....
Igihe bikugoye kugenzura ibyiyumviro n'amarangamutima: umujinya, agahinda, ubwoba, kwiheba ...
Amakimbirane n'imibanire mibi mu muryango, mu kazi cg ahandi
Ihungabana rituruka ku byakubayeho
Ibyago bitandukanye: gupfusha, igihombo, ibiza, ...
Akarengane
Guhindura ubuzima
Ibibazo bitunguranye

INZIRA YO GUHABWA UBUFASHA MU KUGIRA IMITEKEREREZE N'IMYITWARIRE IBONEYE MURI RIME COMPANY LTD

Kwandika ubutumwa bugufi bwoherezwa kuri rimecompany@gmail.com hagatangwa umwirondoro n'ibisobanuro by'ibanze ku miterere y'ikibazo
Kwishyura ikiguzi cy'ibanze cya serivisi igomba gutangwa. Mu kwishyura hifashishwa mobile money cg compte ya bank. Ibisobanuro birambuye ubihabwa mu butumwa bwihariye.
Kugirana amasezerano yihariye akubiyemo ibigomba gukorwa n'impande zombi (RIME COMPANY LTD n'uhabwa ubufasha).
Gushyira mu bikorwa ibyemeranyijweho.
Gusoza gahunda y'ubufasha.

Icyitonderwa:

Gahunda y'ubufasha mu kugira imitekerereze n'imyitwarire iboneye ikoranwa indangagaciro n'amahame bya kinyamwuga birimo kugirirwa ibanga, kubaha abatugana, kwirinda kubacira imanza, no kubaha agaciro uko bikwiye.

Page updated

Google Sites

Report abuse