Асноўны этап апрабацыі

Дата публикации: Dec 23, 2014 3:8:39 PM

З 15 мая па 22 мая мы з вамі будзем выконваць заданні асноўнага этапа праекта.

Ітак, план нашых дзеянняў:

Этап 1. “Людзей слухай, а свой розум май” (15-17 мая)

1) праводзім мазгавы штурм, вынікі размяшчаем на сайце каманды;

2) даследуем науковую и навукова-метадычную літаратуру па тэме праекта (правілы вывучэння літаратуры і складання літаратурнага агляду; тэхніка работы са спецыяльнай літаратурай), вынікі работы ў выглядзе прэзентацыі размяшчаем на сайце каманды;

3) распрацоўваем анкету для настаўнікаў І і ІІ ступені агульнай сярэдняй адукацыі і выкладчыкаў ВНУ з мэтай высвятлення цяжкіх і праблемных пытанняў па тэме праекта;

4) выконваем узаемаапрабацыю анкет;

5) арганізуем (17 мая) onlain-канферэнцыю (Як арганізаваць onlain-канферэнцыю без памылак; пяць правіл арганізацыі відэаканферэнцыі) для абмеркавання падрыхтаваных анкет і вынікаў узаемаапрабацыі;

6) адабраную анкету размяшчаем на сайце каманды;

7) падчас праходжання этапа запаўняем табліцу перамяшчэння, асабістага ўдзелу, праводзім самаадзнаку; афармляем дзённікі.

8) Рэфлексія.

Этап 2. “Разумная дачка” (18-19 мая)

1) праводзім мазгавы штурм пры дапамозе эсэ "Што я ведаю пра лінгвістычную казку?", якое размяшчаем на сайце каманды;

2) складаем дыдактычны матэрыял у выглядзе ментальных карт, пазлаў, крыжаванак і г.д., якія дапамогуць засвоіць тэарэтычны матэрыял тэмы "Галоўныя члены сказа", вынікі размяшчаем на сайце каманды;

3) складаем разгорнутыя канспекты (+ прэзентацыі да іх) па вывучэнні галоўных членаў сказа ў пачатковых класах і ВНУ;

4) падчас праходжання этапа запаўняем табліцу перамяшчэння каманды, асабістага ўдзелу, самаадзнакі; афармляем дзённікі.

5) Рэфлексія.

Этап 3. “1000 і адна казка” (20-22 мая)

1) кожная каманда піша лінгвістычныя казкі па пытаннях тэмы "Галоўныя члены сказа" і размяшчае іх на сайце каманды;

2) афармленне казак на сайце каманды праводзіцца пры дапамозе сервісаў Web 2.0;

3) падчас праходжання этапа запаўняем табліцу перамяшчэння каманды, асабістага ўдзелу, самаадзнакі; афармляем дзённікі.

4) Рэфлексія.

Завяршыўся падрыхтоўчы этап апрабацыі сеткавага праекта “Проста пра галоўнае!”

Да апрабацыі прыступілі 7 чалавек, якія аб’ядналіся ў дзве каманды:

“Буслы Беларусі” “Дзяўчаты”.

Заданні падрыхтоўчага этапа каманды выканалі.

1. Падпісалі правілы работы ў камандзе.

2. Выбралі платформу для ўзаемадзеяння (гутарка ў ВК "Удзельнікі апрабацыі праекта "Проста пра галоўнае!")

2. Паспяхова спрвіліся з уводным тэстам “Галоўныя члены сказа”.

3. Запоўнілі 1 і 2 слупкі табліцы В-Ц-Д.

У першым слупку ўдзельніцы абедзвюх каманд адзначылі ўсё, што яны ведаюць пра галоўныя члены сказа, каманда “Дзяўчаты” дала рагорнуты адказ, распісаўшы, што такое дзейнік і што такое выказнік.

Пры адказе на пытанне “Што нас цікавіць?” усе выказалі жаданне удасканаліць і праверыць свае веды, члены каманды “Буслы Беларусі” пажадалі яшчэ “трэніравацца правільна вызначаць галоўныя члены сказа ў складаных сказах”.

4. Капітаны каманд запоўнілі "Бланк самаадзнакі супрацоўніцтва ў камандзе": Буслы Беларусі - 22 балы; Дзяўчаты - 23 балы і "Бланк ацэньвання сумеснай работы": Буслы Беларусі - 6 балаў; Дзяўчаты - 5 балаў.