Embedded Files
TANGRAMA
Deskribapena
Jatorri txinatarra duen aspaldiko jokoa dugu eta honetan datza: osatzen duten zazpi piezekin figura geometriko desberdinen soslaiak osatzean. Zazpi pieza horiekin, Tans izenekoak, karratu bat osa dezakegu eta hori izaten da hasierako kokapena.
Piezak honakoak dira:
- 5 triangelu tamaina ezberdinetakoak
- Karratu 1
- Paralelogramo erronboide 1
Tangrama erakartzen duen puzzle zoragarria da eta tipo askotako pertsonek erabili ohi dute.
Aldaerak: Badira beste zenbait tangram tipo ezberdin pieza kopuru eta forma desberdinetik abiatzen direnak:
TANGRAM PITAGORIKOA
4 PIEZETAKO TANGRAMA
FLETCHER-EN TANGRAMa
BIHOTZ FORMAKO TANGRAMA
Saia zaitez honako atazei aurre egiten:
- Tangramaren bi pieza elkartu eta sorturiko forma geometriko berri hori izendatu eta sailkatu ezazu.
- Gauza bera egin ezazu hiru piezekin.
- Tangramaren 7 piezekin osa ezazu karratu bat.
- Tangramaren 7 piezekin osa ezazu triangelu zuzen bat.
- Tangramaren 7 piezekin osa itzazu lauki posible guztiak.
- Tangramaren 7 piezekin osa itzazu figura ganbil posible guztiak (aldez aurretik iker ezazu ia zer den figura ganbil bat).
- Erregela eta konpasaz baliaturik dezimetro karratuko tangrama marra ezazu.
- Erlaziona ezazu tangrama osatzen duten 7 zatien azalerak hasierako karratukoarekin.
- Tangram pitagorikoa eraikitzerakoan ez dugu jokatzen ohiko txinatarrarekin bezala. Izan ere, oinarri /altuera= 4/5 proportzioa duen lauki zuzen batetik abiatuko gara eta, nahiz eta 7 pieza izan kasu honetan ere, 4 trapezio zuzen 3 tamainu desberdinetakoak, 2 triangelu isoszele zuzen eta 3 angelu zuzen duen pentagono 1 osatuko dute. Marratzen gai izango al zinateke?
- Geoplano digitalean alboko irudia moduko bat marratzen gai izango al zinateke?
Google Sites
Report abuse