Khyung-sprul’s Chronology
Bon Chronology by Khyung-sprul, Dated 1924.
Version: Nov. 10, 1997
Has been proofread against the Tibetan text once.
Input by Dan Martin, Jerusalem
This item corresponds to entry no 436 in Tibetan Histories, Serindia (London 1997).
Source: Khyung-sprul ’Jigs-med-nam-mkha’i-rdo-rje (1897-1956), Dpyad Gsum Dag Rtsis Bskal Srid Dus-kyi ’Khor-lo-las: Zhag Gsum Rtsis Gzhung Nam-mkha’i Gter-mdzod, contained in: Khyung-sprul ’Jigs-med-nam-mkha’i-rdo-rje on Calendrical Calculations and Astrology, Tenzin Namdak (Dolanji 1972), vol. 1, pp. 54-71. As Per Kværne has noted, this was composed in 1924 (shing byi), but nevertheless contains some dated entries up to the year 1936. A chronology of Bon history. Ref.: P. Kværne, “Chronological Tables (bstan-rcis) of the Bon Religion,” contained in: A. Wezler, et al., eds., Proceedings of the XXXII International Congress for Asian and North African Studies, Franz Steiner Verlag (Stuttgart 1992).
Note: This chronology is full of words that stand in place of numbers, and the 'numeric' words are in "reverse" order. Example: ri ro zla ba. Ri ('mountain') = 7, ro ('flavor') = 6, and zla ba ('moon') = 1. The entire number therefore is to be read as 167. This text uses quite a number of words to express the notion of 'subtraction' (zhu, phri, dman, sbyang, etc.).
The numbers given here in curved brackets { } are found in the text, generally directly above the verb if this is possible, with bracket-shaped arches over them. These numbers generally express the number of years separating the particular event from the 1924 date of composition of the chronology. The numbers of years to be subtracted (and all other numbers not marked by the arch) are given in square brackets [ ]. The Arabic page numbers of the reprint publication (our Mother Copy) are also given in square brackets, but in order to distinguish them they are preceded by an asterisk [* ].
Note: Khyung-sprul calculates Lord Shenrab's birth as being 17,940 years before the 1924 CE year of composition, which places his birth in a date corresponding to 16,015 BCE. He accepts that Mu-zi had an 800 year period of suspended animation. He places Gshen-chen's excavations in the year 1017 CE, and his death in 1035 CE. Kun-grol-grags-pa is born in 1700 CE.
Although not especially relevant here, we would still like to note that a Bstan rtsis type of text is embedded in the biography of Mkhan-chen Nyi-ma as found in 3rd edition of Bon Kanjur, vol. 90, p. 356 ff. This includes Phyi-dar chronology following the Terma excavations of Gshen-chen Klu-dga', as well as some Chos historical events. It is quite long and detailed, and may or may not correspond in content to the chronology by this author published by Per Kvaerne; this requires study.
•
[*54]
mu rgyung bskal bzang bde skyid lha lam khyon /
rnam 'dren thabs shes [1002] mkha' stobs sgrol byed dbus /
ga pur rdul 'dzin brgya pa'i dpal mgon che'i /
gsang gsum sgyu 'phrul bstan rtsis 'god la spro /
lo dag don du rgyal ba sras bcas kyi /
bstan rtsis dri med dbyig gi do shal 'chad / [*55]
de yang gdod nas dag pa gnyis ltar mkhar /
lhun grub zhi dang khro bo'i gar sna tshogs /
gdul bya'i dag snang dwangs mar cir yang ngos [ngoms?] /
thabs mkhas don gyis 'khor ba dong nas sprugs /
lugs 'byung bon sku'i klong nas gzugs skur bzhengs /
thugs gsung sku yon phrin las phan bde'i ma /
mi zad 'gro khams srid du de snyed khyab /
lugs las ldog ste bde klong 'byams su klas /
mi 'dab 'bad med zhing rdul grangs snyed kyi /
'gro 'dul snang brnyan bye brag brgya brgya sogs /
'char sdud ngo mtshar dpag med bkod pa'i mtha' /
brtsi dang gzhal ba'i yul 'dus nges don gshis /
ma rtogs rtag blo'i rang gzugs bkrid drangs phyir /
mdzad pa mtha' klas ya mtshan sgyu ma'i 'phrul /
mdo rgyud bka' gsang 'phrul ngag rab 'byams bon /
shar ba'i drang don dgongs pa 'ub kyis bsdus /
snying po yar slog ri mo'i gom stabs kyis /
som nyi the tshoms brgya yi 'phrang brgal te /
tshad gsum rtags kyis 'khrul med bden tshig gleng /
'byor ba'i tshul nyid bgo skal bzhag snyams bgyid /
de yang ston mchog rgyal ba gshen rab mchog /
brtse chen 'gro 'dul go cha ches dpa' ste /
brtsod 'dus lus can srid pa klong sdud phyir /
mtha' bral thugs nyid gzhi las ma g.yos kyang /
longs sku'i zhing bkod brjod 'das lhun gyis grub /
gzugs sku'i mtshan dpe dkyil 'khor ngoms pa'i phyir /
gzigs dgongs rnam lngas rtag gzigs 'ol gling du /
chu phag sa zla'i tshes brgyad phur bu'i nyin /
byams ma'i rang gzugs rgyal bzhad ma yi lhums /
zhugs nas nyin zla dgu zhag gsum rdzogs tshe /
lo rgyal 'byung ldan dang po shing byi yi /
dpyid ra me stag zla ba'i tshes bco lngar /
nyin zhag res gza' lha yi bla ma ste / [50000]
zla skar rta pa [xxxxx][1] nyi skar mon dre dang [xxxxx]
sbyor ba shin skrangs [xxxxx] byed pa byis pa can / [*56]
don khyim bum pa'i 'das zhag rjes 'brang bcas / [xxxxx]
tarkâl karta rgyal gyi ru gong ngam /
rkang pa thog mar shar ba'i skad cig mar /
mngon par mtshan dpe'i sku mchog bltams pa nas /
'byung ldan nyis brgya go dgu 'di man [299] 'das /
de nyid mkha' [60] ros bsgyur ba'i lo rkyang grangs /
mkha' mtsho gter ri zla ba'i lo tshogs la [17940] /
da lta 'byung ldan sum brgya'i [300] thog ma yi /
shing byi la sogs 'das pa'i lo bsres pas /
thog mar bltams nas {17940} da bar 'das lo 'char /
de la gzugs [1] phri rdzogs pa shing glang lor /
bsti gnas dmu rigs rgyal po'i rgyal sar phebs /
rig pa'i gnas chen lnga las sangs rgyas kyi /
bstan pa chags gzhi bzo rig bstan nas lo {16934} /
de la klu gter drag sbyangs [1198] gshen lo ni /
bcu gnyis bzhes par theg dgu'i bon sde dang /
skad 'gyur so so'i bon bstan gdul dka'i 'gro /
btul nas chu phag nag zla'i nya tshes su /
dbang chen sa bdag rgyal po'i pho brang cher /
phyi nang gsang gsum dus kyi 'khor lo'i rgyud /
le'u stong phrag brgyad gsungs de yan du /
lo mdzod bcu gnyis mdzad pa rdzogs nas lo {16741} /
de nas gzugs [1] phri 'byung ldan nyer gcig gi /
thog ma'i shing byir srid gsum 'jig rten khams /
bsgrag pa rnam gsum dpe rtse bsam 'das bstan {16740} /
de la thig phyogs [100] sbyangs pa'i shing 'brug lor /
'dzam gling bye ba phrag brgyar sprul pa'i sku /
bye brag brgya dang rigs drug 'dul gshen drug /
gling bzhir 'gro 'dul gshen bzhi g.yen 'dul gshen /
sum cu rtsa gsum la sogs brjod 'das kyi /
'gro 'dul snang brnyan phyogs bcur rab spros lo {16640}
de la mkha' thig mig [200] gis sbyangs pa yi /
'thung ldan ['byung ldan?] nyer drug thog mar gshen lo ni /
bco lnga bzhes bar gto bu dod de dang /
khri shi dbang rgyal ha la ra dza dang /
gu wer rgyal po gu ling ma ti sogs /
rim bzhin gti mug zhe sdang phrag dog dang / [*57]
nga rgyal 'dod chags dbang gyur 'gro ba rnams /
bde chen sar bkod lha dbang brgya byin gyis /
gsol btab ngor dang rab chad ma ning sogs /
mngal bcag phyir na sum brgya drug cu yi /
lha mo'i sprul pa de snyed khab kyi dpal /
mngon par bzhes te bde stong rol rtsed mdzad {16440} /
de la ris [7] phri lcags lug dbyar ra'i nyar /
gshen rab gto bu 'bum sangs sku 'khrungs lo {16433} /
'dod [13] phri shing sprel ston ra'i nya tshes su /
dpyad rgyud nyi khrir dbang sgyur sems dpa' che /
dpyad bu khri shes bltams {16420} tshun mkha klus [80] sbyangs /
gshen lo bcu drug bzhes pa'i shing 'brug bar /
gsas chen ru bzhi spyan drangs sgo bzhi mdzod /
bon bstan spel zhing gling bzhir mchod pa'i gnas /
re rer skyob pa'i lha dang mthu stobs skabs [khams?] /
'dren pa'i gshen dang 'dul ba'i bon la sogs //
so sor bsko gzhag gnang ste dpo rgyal gyi /
'gro don dug lnga kha tshang mi dgu dang /
sum stong la sogs srid khams stongs pa tsam /
mngon sangs rgyas {16340} mdzad de la khro bos [10] dman /
shing stag dpyid ra'i nya tshes rgyal ba'i sras /
lung 'dren gsal ba {16330} bltams so 'dod pas [13] 'phrog /
me yos dbyar ra'i nya tshes sems dpa' che /
rgyud 'dren sgron ma {16317} 'khrungs lo thub ri gzas [777] /
sbyangs pa'i gshen lo nyer bzhi 'byung ldan grangs /
zhe gcig thog mar shing byi'i lo bar du /
lha klu mi yi zhing phebs bon 'khor bskor /
glag lta bdud kyi dpung tshogs rnam par bcom /
gsang gsum bstan pa'i bar chad dbyings su bsal [bdal?] /
dpyid ra'i nya tshes mi rje'i gdung 'dzin mchog /
rgyal sras g.yung drung dbang ldan bltams pa {15540} tshun /
de la thig phyogs [100] dman pa'i shing 'brug ste /
gshen lo nyer lnga'i bar du theg dgu yi /
bstan dang sku gdung bla mdo go 'phang gi /
sgrub thabs theg pa chen po'i bon sde sogs /
rjes su bzhag {15440} mdzad de la mkha' mig [20] phri /
'byung ldan zhe gsum [43] thog mar sangs rgyas kyi /
bstan pa ma 'ongs rjes bzhag bya ba'i phyir /
rgya rgyal kong tse 'phrul gyi rgyal po yi /
gsas khang dkar nag bkra gsal bgegs bskrad dang / [*58]
rab gnas mnga' gsol rgod rje rgya'i 'gro don /
mdzad {15420} pa'i lo ste de la mkha' klu [580] mdas /
dman pa'i gshen lo so gcig shing 'brug bar /
bstan pa rnam gsum rjes bzhag grub pa nas /
gsas mkhar khri smon rgyal bzhad phyogs bzhi ru /
skye rga na 'chi'i chu bzhis nges 'byung gi /
rkyen bskul mchod rten rnam dag dkar po'i drung /
khyim spang rab tu byung {14840} tshun mkha' stong mes [300] /
sbyangs pa'i gshen lo so bzhi'i shing 'brug bar /
'gro la dper bstan dka' ba rnam pa gsum /
spyad nas seng ge rnam brtse'i ting 'dzin gyis /
srod la bdud bzhi bcom ste khyab pa yang /
rang grol phyir mi ldog bkod nam gyi gung /
nam mkha' lta bu'i ting 'dzin mngon byas te /
tho rangs rgyal rnga brdung ba'i thog ma ru /
mngon par rdzogs sangs rgyas tshul bstan nas lo {14540} /
de la mkha' phyogs chus [4100] sbyangs gshen lo ni /
bdun cu rtsa lnga'i bar du 'khor rnams kun /
rab tu byung mdzad tshul dang khrims gnyis kyi /
dbye shan 'khor spangs dgon par gnas pa dang /
gnyis med phyag chen bla med rdzogs chen bon /
mthar phyin dge ldan mdzad de 'das ma 'ongs /
'byung tshul skye rabs lung bstan rtsod spangs sogs /
dpag med brjod 'das 'gro don grub mdzad nas /
'byung ldan [126] dus nyi'i dpyid rar phyi yi 'khor /
bye ba dung phyur bar 'khor 'bum phrag ni /
nyi shu nang 'khor chig khri drug stong dang /
gsang 'khor brgya phrag so lnga rtag par du /
sku 'khor sems dpa' lnga stong lnga brgya dang /
ye gshen sum brgya drug cu sku sprul gyi /
sras brgyad sogs dang 'jig rten mnga' dbang tshogs /
ma 'ongs 'gro don mthar phyin bya ba'i phyir /
brjod 'das bon rnams gtad gnyer mdzad pa {10440} tshun /
de la bug gter ros [699] dman 'byung ldan yang /
ri 'dod nang [137] tshan chu yos dgun ra yi /
gnam stong tho rengs rdzogs mthar rtag 'dzin 'gror / [*59]
mi rtag dper mtshon gzugs sku'i rta ljang nyid /
mi snang myang 'das nub ri'i phag tu gzhol /
sa steng mi shes smag gi sa bzung nas {9741} lo /
de la gzugs [1] sbyangs gshen lo gya gnyis 'das /
shing 'brug 'khor tshogs bye ba grangs 'das kyi /
mchog gyur sdud 'khor sems dpa' bcu gsum gyis /
gsung gsang dri med bka' bsdu {9740} mdzad pa tshun /
de la bug gter ri zlas [1799] phri ba yi /
'byung ldan ri ro [167] zla ba'i nang tshan du /
chu yos sku bstan chig khri rdzogs pa {7941} tshun /
de la gzugs [1] dman shing 'brug ston tha la /
gdung sob mu cho ldem drug dog la phebs /
rgyal ba'i gsung bstan nyi ma dbu zug {7940} tshun /
rtsa gter zung [299] phri chu yos gdung sob mchog /
slar yang lha yi ston par gshegs {7641} nas lo /
gzugs klu dbyings rtses [3081] zhus pa'i 'byung ldan grangs /
mtsho mig lag pa'i [224] shing byir tsi na'i yul /
hu'ang gsum dang rdhi lnga di ring rgyal /
brgya phrag rim byon de kun thog ma ru /
hu'ang dang ngo bdud rtsi'i thig le'i gzugs /
phyogs kun yid kyi dpal du shar ba'i dus /
'byung rtsis thog mar rtsis 'og zug pa {4560} tshun /
de la rtsa gzugs dbang pos [519] sbyangs pa yi /
chu yos thugs sras gsang ba mdo sdud dang /
'ol drug thang po rma lo g.yu lo dang /
gtsug gshen rgyal ba gto bu 'bum sangs dang /
dpyad bu khri shes lung 'dren gsal ba dang /
rgyud 'dren sgron ma g.yung drung dbang ldan dang /
kong tsha 'phrul bu tshangs pa gtsug phud te /
bsdu ba bcu gnyis rim bzhin re re yis /
gshen lo gsum rer bon bstan bde gnas gshegs /
slar yang tshangs pa gtsug phud sems dpa' che /
dkar nag bkra gsal gnas su rgyal tshabs {4041} mdzad /
de la klu mig [28] phri ba'i lcags lug lor /
zab lam gsang sngags bon mchog rgyas 'bring bsdus /
bcas te lha klu rgyal gyi gshen gsum gyi / [*60]
rtag gzigs yul du spyan drangs {4013} lo de la /
lha rtse mes [338] sbyangs sa bya dpyid ra'i nyar /
'chi med sku sprul li shu stag ring rje /
ngo mtshar rang 'byung pad sdong rtser 'khrungs {3675} shing /
de la 'byung mda' dbang [555] sbyangs 'byung ldan grangs /
klu yul [248] thog mar rdzu 'phrul ye shes kyis /
grub rtsal thogs med 'phrul gyi rtag gzigs nas /
zhang zhung yul phebs {3120} de la thig dus [60] dman /
'byung ldan bug yul [249] thog ma'i shing byi lor /
bod 'bangs mi srun 'gro ba dger 'god phyir /
phya rje yab lha gdal drug sku gshen bcas /
dgung nas dog babs gnya' khri btsad por {3060} gsol /
de la mkha' ros [60] sbyangs pa'i 'byung ldan ni /
mkhas dbang mtshe ma'i [250] thog mar shing byi la /
smra ba'i seng ge 'jam dbyangs rgya nag gi /
ri bo rtse lngar triksha'i lba ba las /
rang byung rdzus skyes byis pa'i tshul bstan cing /
'byung rtsis rgyud sde thog mar gsungs pa {3000} tshun /
mig [2] phri me stag gdung rgyud rgyal gshen che /
mu khri btsad po bltams {2998} tshun klu gter [98] zhu /
shing 'brug rig 'dzin stong rgyung mthu chen {2900} 'khrungs /
de la srin pos [9] sbyangs pa'i chu glang lor /
ding khri btsad po skur bltams {2891} bzang pos [6] sbyangs /
sa lug dbyar 'bring nya tshes gshen rab kyi /
nye sras brgyad las dam pa tog dkar de /
dga' ldan gnas na tshe 'phos gzigs dgongs kyis /
rgya gar grong khyer ser skyar shâkya'i rigs /
rgyal po zas gtsang yum ni sgyu 'phrul ma'i /
lhums su zhugs {2885} tshun de la gzugs [1] kyis 'phrog /
lcags sprel sa zla'i tshes bdun rgyal gyi dus /
lumbi'i tshal du mngon par skur bltams {2884} lo /
klu mig [28] sbyangs pa'i sa byir khab spangs te /
rab tu byung {2856} lo de la rgyan [6] gyis dman /
shing rta'i sa nyar rdo rje gdan drung du /
mngon sangs rgyas shing sras dang kun dga' bltams /
lo de'i chu stod tshes bzhir lnga sde la /
wa ra na sir chos 'khor thog mar {2850} bskor /
de la khyim [12] phri 'byung ldan mig dbang lag [252] / [*61]
nang tshan me rta'i dbyar 'bring tshes bcu la /
rgyal kun spyi gzugs bla chen dran pa {2838} bltams /
de la mes [3] sbyangs sa byar rgyal po ni /
mu la mu sangs dus su 'dul bstan yang /
nang 'khrugs kyis nyams mu zi gsal bzang nyid /
mdo smad rma ri del la 'gog par {2835} bzhugs /
de la me mig [23] phri ba'i chu sprel lo'i /
ston ra'i tshes bcur gsang 'dus dngos byon gshen /
'chi med tshe la dbang sgyur rig 'dzin dang /
stag la'i rnam rol padma mthong grol {2812} bltams /
de la klus [8] dman lcags 'brug nag pa'i nyar /
thub pas dus 'khor rgyud gsungs lo de yi /
sa zla'i bco lngar rtswa mchog grong dag tu /
mya ngan las 'das bka' bsdu byas pa'i [2804} lo /
de la mtshos [4] sbyangs shing sprel pad 'byung rje /
sindhu'i mtsho gling pad sdong dang bcas te /
rgyal po intra bo dhis rnyed pa {2800} tshun /
rtse gter zlas [193] phri me byar srin smon 'phro /
thel rgyal gri gum btsad pos bstan snub skabs /
gter gyi rgyal lnga blon bzhi zab gter grangs /
sum brgya drug cu gter phran grangs med {2607} sbas /
de la mes [3] sbyangs lcags byir thel rgyal yang /
lo ngom rgyal gyis gri mdas bsgral ba dang /
lo ngom bod rgyal {2604} mdzad de 'dod pas [13] sbyangs /
chu glang rgyal sras spu lde gung rgyal gyis /
bon la skyabs zhus lo ngom 'das pa'i rjes /
bod rgyal {2591} byas te de la tshes zlas [115] sbyangs /
sa sprel snya chen li shus rtag gzigs nas /
bon sde khri phrag gcig zhus rdzu 'phrul gyis /
bod du phebs so {2476} de la ri zlas [17] 'phrog /
shing glang sprul sku dga' rab rdo rje {2459} 'khrungs /
de la mda' dbang [55] dman pa'i lcags sprel lor /
'phags pa klu sgrub rgya gar bhe dhar {2404} 'khrungs /
mtsho mkha' mig [204] sbyangs shing sprel sham bha lar /
rigs ldan grags pas man ngag bsdus rgyud {2200} bstan /
bug zla lag [219] dman chu phag bi karma'i /
'das lo zhes brjod {1981} de la ri dbang [57] 'phrog / [*62]
lcags sprel dbyin ci ye shu'i 'das {1924} lo song /
de la mkha' mtshes [20] sbyangs pa'i lcags 'brug lor /
rgya gar yul du 'phags pa thogs med {1904} 'khrungs /
klu dbang [58] zhus pa'i sa pho stag gi lo /
nim pa la yi shâkya'i 'das lor {1846} grags /
dus ri zlas [176] 'phrog shing pho khyi yi lor /
rgyal po tho ri gnyan btsan bltams pa {1670} tshun /
de la tshes mes [315] sbyangs pa'i sa glang lor /
srong btsan sgam po skur bltams {1355} 'byung mdas [55] dman /
shing sprel ma gar mu stegs byed pa'i rtsis /
'go zug me mkha' [403] rgya mtsho thog mar {1300} 'dren /
de la mtsho thug [94] sbyangs pa'i sa rta lor /
khri srong lde btsan 'khrungs {1206} shing mkha' lag [20] sbyangs /
sa stag lo la pad 'byung bod du phebs /
bsam yas rmang bting {1186} de la drag pos [11] phri /
sa glang bdud srin log smon dbang sgyur te /
bstan pa'i nyi ma chu 'dzin phag tu gzhol /
de tshe rig 'dzin mkha' 'gro rgya mtsho'i tshogs /
tshad med snying rjes ma 'ongs 'gro ba'i don /
gsang gter lnga dang gter phran stong bdun brgya /
yang gter grangs med sprul pa bsam 'das thugs kyis /
'dzam gling gnas chen gnas phran ji snyed la /
gter du gzhugs shing grub rtsal thogs med kyi /
rig 'dzin phal cher dngos snang mkha' spyod {1175} gshegs /
de la mda' 'byung [55] dman pa'i shing sprel lor /
pad 'byung srin yul kha gnon gshegs pa {1120} tshun /
de la mig [2] sbyangs me khyir sham bha lar /
rigs ldan rgyal dkas bsdus rgyud rtsis gzhi {1118} mdzad /
lha rtses [38] 'phrog pa'i shing byir ban rnying ma'i /
gnubs ban sangs rgyas ye shes {1080} sku bltams lo /
de la mtsho chus [44] dman pa'i sa sprel lor /
mu zi gsal bzang bsam gtan las bzhengs te /
khri 'bar tshul khrims drang srong gcig rdzogs kyi /
sdom pa gnang dang 'dul ba rgyud drug gsung /
slar yang phung po lhag med bde chen gshegs /
'dul bstan phyi dar thog mar {1036} dbu zug tshun / [*63]
de la 'dod [13] phri lcags byar bod kyi rgyal /
dar mas dam chos bstan pa bsnubs {1023} nas lo /
de la zla 'byung [51] phri ba'i chu byi lor /
bla chen mu thur bltams {972} lo chus [4] sbyangs pas /
me 'brug rje btsun khro tshang 'brug lha {968} bltams /
mig [2] zhu sa rtar lo tsa rin bzang {966} 'khrungs /
de la bug [9] phri me yos sham bha lar /
dus 'khor rgyud 'grel rgya gar yul du {957} bsgyur /
dus kyis [6] phri ba'i chu byar dam pa'i chos /
phyi dar thog mar bu ston dag gi {951} bzhed /
mdas [5] sbyangs sa stag khyung po rnal 'byor {946} 'khrungs /
lag [2] phri lcags 'brug zar gyi stag sna'i gter /
zhal {944} phyes yid [14] phri shing rtar bru chen rje /
nam mkha' g.yung drung {930} bltams shing mig [2] gis sbyangs /
me sprel gter ston brgya rtsa'i thu bo ste /
sprul sku gshen chen klu dga' {928} 'khrungs nas lo /
dus [6] dman chu stag zhu g.yas legs po {922} bltams /
mtshes [2] sbyangs shing 'brug 'brom ston rgyal 'byung {920} 'khrungs /
mda' [5] phri sa byar dbus gtsang ban de bcus /
bla chen dag las sdom blang phyi dar du /
'khrul med sa skya khu dbon dag gis {915} bzhed /
mes [3] sbyangs chu byir mar pa lo tsâ {912} 'khrungs /
lag [2] zhu shing stag spa ston dpal mchog dang /
chos rnying zur chung shes rab grags pa {910} bzhad /
rtses [3] sbyangs me sbrul stong rgyung dngos byon pa'i /
gshen chen klu dgas 'brig mtshams mtha' dkar nas /
zab gter bzhes pas phyi dar thog ma'i {907} lo /
thub [7] phri shing byir khu tsha zla 'od dang /
rme'u sgom ston pa lha ri gnyang po {900} 'khrungs /
de la mes [3] sbyangs 'byung ldan mda' klu [285] lor /
nang tshan me yos me mkha' [403] rgya mtsho yi /
'das lo rdzogs shing dus 'khor rgyud 'grel zung /
bod du bsgyur zhing rab byung dang por {897} 'dren /
gdengs [8] phri shing phag gshen chen klu dga' {889} gshegs /
mes [3] phri sa stag khu tsha zla 'od kyis /
spa gro phug gcal zab gter bzhes pa dang /
tshad med 'od sprul dam pa dgongs mdzad {886} 'khrungs / [*64]
mig [2] phri lcags 'brug bru sha rje btsun dang /
dkar rgyud mi la ras pa {884} bzhad nas lo /
de la khyim [12] phri chu 'brug rme'u ston mchog /
mkhas dbang tshul khrims dpal chen {872} 'khrungs nas lo /
dus [6] phri sa khyir me ston sher 'od {866} bltams /
'byung [5] phri chu yos mar ston rgyal legs {861} bzhad /
bug [9] dor chu byir bru rjes dben dgon {852} btab /
thub [7] phri sa lug dag[s] po lha rje {845} bzhad /
lo der rma ston srol 'dzin chen po 'khrungs /
ris [7] phri me stag khye'u gnyan 'thing gi /
gtsang 'phrang nu ma'i bon gter {838} bzhes nas lo /
zlas [1] sbyangs rab byung gnyis pa'i me yos {837} shar /
mtshos [4] 'phrog lcags lug dam pa ding rir {833} phebs /
de la gzugs [1] phri chu sprel sa chen {832} bltams /
mtshes [2] sbyangs shing khyir gshen ston nam mkha' {830} 'khrungs /
lag [2] dman me byir dam pa ri khrod {828} gshegs /
thub [7] dman chu lug bon zhig khyung nag {821} bltams /
mdas [5] sbyangs sa byir gyer mi nyi 'od kyis /
dwang ra khyung rdzong gter bzhes zung [2] dman pa'i /
lcags stag 'brug pa phag mo gru pa dang /
karma dus gsum mkhyen {814} 'khrungs mig [2] gis sbyangs /
chu 'brug gzhod ston dngos grub grags 'bar gyis /
khams mthing rnam snang sku rgyab bla med kyi /
bon sde rdzogs pa chen po'i zab gter bzhes /
sprul sku lung bon lha gnyen {812} bltams nas lo /
de la drag pos [11] phri ba'i chu yos lor /
sangs rgyas zhu chen ye shes rin chen {801} 'khrungs /
drag [11] sbyangs shing stag g.yor po me dpal {790} bltams /
gzugs [1] sbyangs shing yos sum ston lha 'bum {789} 'khrungs /
bug [9] dor 'byung ldan thub klu lag pa [287] yi /
thog ma'i shing byir gnyos ston tshul rgyan {780} bltams /
mes [3] 'phrog me yos rab byung gsum pa 'o {777} /
de la klu lag [28] sbyangs pa'i shing lug lor /
rig 'dzin rgod ldem dbyil ston khyung rgod {749} bltams /
ris [7] sbyangs chu stag sa skya pan chen {742} bltams / [*65]
mi bdag [16] phri ba'i sa rtar khyung rgod rtsal /
zhal zang brag nas gter kha bcu gsum gyi /
thog mar bzhes dang 'gro mgon blo gros {726} bltams /
bug [9] sbyangs me yos rab byung {717} bzhi pa 'o /
de la dus mig [26] zhus pa'i chu sbrul lor /
kun mkhyen ye blos dar lding gtsug lag khang /
gser sgo lha khang rmang bting bzhengs pa {691} tshun /
ros [6] phri sa phag bru ston 'dul ba {685} 'khrungs /
mes [3] sbyangs chu stag mkhas btsun rgyal g.yung {682} bltams /
klus [8] dman lcags khyir bon zhig g.yung gling gis /
spa gro stag tshang zab gter bzhes pa'i {674} lo /
mes [3] zhu chu glang bla chen sa skya pa /
bod khams yongs kyi rje bor gyur pa {671} yin /
phyogs [10] phri chu phag 'gro mgon blo gros {661} gshegs /
mtshos [4] dman me yos rab byung {657} lnga pa 'o /
de la zla [1] phri sa 'brug bru ston mchog /
mtha' bral bsod nams rgyal mtshan bltams {656} nas lo /
bug [9] dman me glang mtshungs med bsod blo {647} 'khrungs /
'dod [13] phri lcags stag bru rje rgyal ba gshegs /
lo der rtogs ldan ri pa 'brug gsas dang /
chos lugs kun mkhyen bu ston 'khrungs {634} nas lo /
lag [2] dman chu 'brug dol bu kun mkhyen {632} 'khrungs /
bug [9] sbyangs lcags glang khod po blo gros kyis /
sbas zhabs brag nas zab gter bzhes pa'i {623} lo /
ris [7] 'phrog sa sprel bden gnyis mkhas grub gtso /
kun mkhyen klong chen rab 'byams {616} 'khrungs pa tshun /
bug zlas [19] phri bas rab byung drug pa'i {597} thog /
shar te de la zlas [1] phri sa 'brug lor /
rang grol bla ma rgyal mtshan bltams {596} nas 'das /
mig [2] 'phrog lcags rtar gnas chen brgya nyer lnga'i /
mchog gyur bon ri chen po'i gnas {594} sgo phyes /
drag [11] sbyangs lcags sbrul mtshungs med bsod blo {583} gshegs /
mtshos [4] dor shing byar shes bya kun rig {579} bltams /
gzugs [1] 'phrog me khyir rdo rje gling pa {578} bzhad /
phyogs [10] phri me sprel klu rgyal rin chen sman / [*66]
gnyis sras lha mchog smra ba'i seng ge nyid /
mi yi thob (??) bstan mdo sngags rgya mtsho'i mdzod /
kun mkhyen mnyam med shes rab rgyal mtshan {568} bltams /
gzugs [1] phri me byar blo bzang grags pa {567} 'khrungs /
mes [3] phri lcags byir mchog sprul yongs kyi gtso /
blo ldan snying po dmu dbang nyi ma rgyal /
rgyal tshabs rin chen rgyal mtshan thogs {564} bltams lo /
skar [27] sbyangs me yos rab byung bdun pa {537} tshugs /
de la skyon [18] gyis dor ba'i shing bya lor /
mnyam med bla mas sman ri'i dgon sde {519} btab /
mtshos [4] phri sa glang blo bzang grags pa yis /
dga' ldan dgon btabs lha ldan smon lam {515} btsug /
ros [6] dman shing lug mnyam med bla ma'i khrir /
thugs sras rin rgyal bkod nas lo de yi /
dbyar tha'i tshes lngar 'dir snang bkod pa bsdus /
rtag gzigs rgyal ba'i rgyal tshabs gshegs nas {509} lo /
zlas [1] phri me sprel dge ldan {508} 'bras spungs dang /
srid pas [3] 'phrog pa'i sa phag ser ra {505} btab /
mtshos [4] dman chu yos mkhas dbang phug pa ba /
nor bzang rgya mtsho {501} bzhad tshun dus kyis [6] dman /
sa byar ngor dgon {495} chag btab skyon [18] gyis phri /
rab brgyad pan chen dge 'dun grub pa yis /
bkra shis lhun po'i chos sde {477} btab pa dang /
phug pas padma dkar po'i zhal lung brtsams /
mkha' mtshos [40] phri ba'i me lug o rgyan yul /
rgyal mkhar ba chod a mrit sar du /
sig gi ston pa gu ru na na ka /
zhes pa skur {437} 'khrungs de yi bla rabs 'dren /
mkha' mig [20] phri bas rab byung dgu pa {417} shar /
dbyings mig [20] sbyangs pa'i me phag kun mkhyen rje /
'brug pa pad ma dkar po {397} 'khrungs pa tshun /
de la dus mes [36] sbyangs pa'i chu phag lor /
bya dur 'gru sgom nyi ma 'od zer {361} bzhad /
chus [4] phri rab byung bcu pa'i thog mar {357} zin /
de la mkha' mig [20] sbyangs pa'i me phag la /
ban tsa rgyal ba 'od zer {337} bltams pa dang /
de la thub pas [7] sbyangs pa'i shing rta lor /
'brug pa ngag dbang rnam rgyal sku {330} 'khrungs tshun /
me lag [23] sbyangs pa'i me sbrul rgyal dbang mchog / [*67]
gong sa lnga ba chen po {307} bltams pa nas /
phyogs [10] sbyangs rab byung drag po'i 'go bo {297} zin /
de la ma nus [14] sbyangs pa'i lcags sbrul la /
go shri bstan 'dzin chos rgyal dmag dpung gis /
bod khams dbang {283} bsdus gzugs [1] phri chu rta lor /
rgyal dbang lnga ba chen por {282} phul ba tshun /
drag [11] sbyangs chu sbrul lugs 'dir zla bral ba /
mi dbang mkhas mchog bhuddha sa ra {271} bltams /
zlas [1] 'phrog shing rtar dharma shrî {270} 'khrungs /
drag pos [11] phri ba'i shing sbrul rtogs ldan che /
rnal 'byor dbang phyug nam mkha' lhun grub {259} bltams /
lag mig [22] sbyangs pa rab nyi'i me yos thog /
sa ras sngon med baidûr dkar po {237} brtsams /
mtshos [4] phri lcags lug snam zhig nyi lhun {233} 'khrungs /
bug [9] phri lcags 'brug kun sgrol grags pa [224] 'khrungs /
mes [3] phri chu 'lug lhun grub dbang ldan {221} 'khrungs /
lag [2] dman shing byar gter ston sangs gling {219} bltams /
bug [9] dor shing rtar nyin byed snang ba {210} brtsams /
tshes kyis [15] dor ba'i sa byar 'jigs gling {195} bzhad /
mes [3] zhu chu byir dpal spungs mkhas ming gis /
rtsis gzhung nyer mkho bum bzang {192} brtsams nas lo /
dbang zla [15] phri bas rab 'dod thog ma {177} shar /
de la gzugs [1] sbyangs sa 'brug lo gang der /
lhun grub dbang des sog dgon hor gling {176} btab /
gter gyis [9] 'phrog pa'i me glang dmu rigs gdung /
mi 'gyur gtsug phud dbang rgyal {167} bltams nas lo /
'dod [13] phral lcags stag rkyang sprul nam rgyal [154] 'khrungs /
'dod [13] dor chu yos shî la dhwa dza {141} bzhad /
bse rus [1] zhus pa'i shing 'brug stong rgyung gar /
mkhan chen bsod nams blo gros bltams pa'i [140} lo /
khyim [12] phri me 'brug gyer bstan rgyal mtshan che /
srid rtser bsgreng mdzad snang ston zla rgyan {128} bltams /
mdas [5] sbyangs lcags byar rnal 'byor yongs kyi gtso /
khyung dkar grub dbang bstan 'dzin rin rgyan {123} 'khrungs /
mes [3] phri 'byung ldan klu gter lag pa [298] yi /
thog mar shing byir shrî la dhwa dza yis /
gshen gyi rtsis gsar rnam dag {120} mdzad nas lo / [*68]
mes [3] sbyangs rab byung ma nu'i thog mar {117} slebs /
gzugs [1] sbyangs sa 'brug khyung nag rje btsun la /
shes rab bzang mos g.yu lung dgon {116} chags btab /
zlas [1] dman sa sbrul padma bdud 'dul {115} bltams /
mtshos [4] sbyangs chu byar mkhas dbang gtsug gi rgyan /
sgo rgyal mkhan chen nyi ma bstan 'dzin dang /
kong sprul bstan gnyis g.yung drung gling pa {111} 'khrungs /
zla bas [1] dman pa'i shing khyir nges don dpal /
zhu g.yas btsun pa rgyal mtshan nyi ma dang /
bla khri rgyal ba g.yung drung skur {110} bltams lo /
gzugs [1] dman shing phag mkhan chen bsod blo yis /
rtsis gzhung rta bdun dbang po'i rtsis 'go {109} bzung /
bse ru [1] zhus pa'i me byir grub chen rje /
me ston mtshams chen nyi ma rgyal mtshan {108} 'khrungs /
chus [4] 'phrog lcags 'brug 'jam dbyangs mkhyen brtse 'am /
mi shig g.yung drung 'byung gnas {104} skur bltams tshun /
khyim [12] 'phrog chu 'brug dbal 'bar stag slag {92} bltams /
gzugs [1] zhu chu sbrul bde chen gling pa {91} 'khrungs /
zla bas [1] phri ba'i shing rtar bsod blo yis /
lung bskul gyer mi nyi 'od rjes chags khar /
'gran bral snang zhig zla ba rgyal mtshan gyis /
gyer bstan mi nub mtha' rgyas bstan pa'i phyir /
gshen bstan sman ri'i srol 'dzin ra lag tu /
g.yung drung gling gi dgon sde {90} btab pa tshun /
gzugs [1] phral shing lug pad 'byung dngos byon sku /
gter chen bdud 'joms gling pa {89} skur 'khrungs so /
mtshes [2] phri me byar dran pa'i thugs sprul te /
lha bla bstan pa phun tshogs mchog sprul dbang /
bstan 'dzin dbang grags khri phebs dga' ston du /
mkhan chen nyi ma bstan 'dzin dbang rgyal gyis /
g.yung drung bde chen gling gi dgon sde {87} btab /
lo der mkhas grub kun bzang rgyal mtshan bzhad /
zlas [1] phri sa khyir 'gro mgon sher g.yung bltams /
rtses [3] sbyangs lcags glang skal bzang bstan nyi {83} 'khrungs /
gzugs [1] sbyangs chu stag nyi ri shel bzhin des / [*69]
sngon med rtsis gzhung ngo mtshar 'od 'bum dang /
bstan rtsis nor bu'i phreng ba dog bsal bcas /
gtsug lag rtsis skor gzhan yang rig phrag ste /
legs bshad bstan bcos mtha' yas brtsams pa dang /
grub dbang chen po smon lam rgyal mtshan dang /
a 'jam 'brug pa 'gro 'dul dpa' bo {82} 'khrungs /
chus [4] dor me rtar mkhas dbang mi pham {78} bzhad /
zla [1] dor me lug spa ston nam bzang gis /
lha sde g.yung drung rab brtan {77} chags btab 'das /
dus [6] phri chu glang sa gsum 'gro ba'i dpyid /
bka' drin 'bum ldan kho bo'i rtsa bla ste /
don slad mtshan smos 'khor ba mthar bsdud pa'i /
skyabs mchog 'gro mgon nyi ma grags pa dang /
bshes gnyen drang srong wer ya tshul mi {71} bltams /
gzugs [1] kyis sbyangs pa'i shing stag lo gang der /
snang srid dbang sgyur skyes mchog snyigs 'gro'i mgon /
rtsa bla spa ston nyi ma 'bum gsal {70} bltams /
de la mdas [5] sbyangs sa lug sde dge'i khul /
dbra btsun bla khri rgyal ba g.yung drung gis /
lha sde bsam gtan smin gling chags btab cing /
lo der snyigs 'gro'i skyabs gcig 'ja' lus sku /
shar rdza bkra shis rgyal mtshan {65} skur bltams tshun /
mig [2] dman lcags byar mtshams chen g.yung dga' {63} 'khrungs /
lag [2] phral chu phag klu sprul bstan rgyal {61} bltams /
bse rus [1] zhus pa'i 'byung ldan bug gter lag [299] /
thog ma'i shing byir sngags 'chang bsod g.yung gis /
phur dgon g.yung drung 'od tshal gling btab cing /
nyag gter chen po gsang sngags gling pa {60} 'khrungs /
de la bgrod [2] sbyangs me stag rnal 'byor mchog /
rtsa bla khyung dkar bzod pa rgyal mtshan {58} bltams /
zlas [1] sbyangs rab tshes 'og zin gzugs [1] phri ba'i /
sa 'brug rtsa bla drang srong g.yung tshul {56} bzhad /
lo der khyung nag rgyal ba bstan 'dzin gyis / [*70]
lung mkhar gshen bstan rin chen gling chags btab /
nyag gter mkha' 'gro bde chen dbang mo {56} bltams /
'byung [5] dman chu byar rtsa bla bde rgyal {51} 'khrungs /
rtse mos [3] zhu ba'i me byir gsang sems mdzod /
rtsa bla mkhan chen phun tshogs blo gros {48} bltams /
gzugs [1] phri me glang 'gro ba'i dpal mgon chen /
rtsa bla skam zhig nyi ma rgyal mtshan {47} 'khrungs /
mdas [5] dman chu rtar mkhan chen bstan pa'i gtsug /
shes rab blo ldan dbang gi rgyal po {42} 'khrungs /
'byung [5] phrog me phag g.yung drung 'gyur med {37} bltams /
dbang pos [5] phri ba'i chu 'brug spa yi gdung /
mkhas mchog g.yung drung bstan pa 'brug grags {32} 'khrungs /
gzugs [1] dman chu sbrul shel zhig g.yung rgyal dang /
slob dpon tshul khrims rgyal mtshan bzhad pa {31} tshun /
mtshos [4] sbyangs me byar lugs brgya'i dpal brnyes pa /
bya btang 'jigs med nam mkha'i rdo rje {27} bzhad /
chus [4] phri lcags glang thugs rje nyi ma dang /
kun sgrol hûm chen 'gro 'dul gling pa {23} 'khrungs /
mes [3] dor shing 'brug dmu rigs gshen gyi gdung /
rtsa bla 'dzam gling 'brug grags {20} bzhad pa tshun /
bzang pos [6] 'phrog pa'i lcags khyir smon rgyal gdung /
mkhas grub zung ldan nam mkha' grags pa {14} bzhad /
'byung [5] dor shing yos blo gros rgya mtsho {9} bltams /
sde pas [4] zhus pa'i sa lug ga btsun bdag /
tshe 'di'i snang ba rmi lam rdzun ris la /
ma chags pha yul gnyen longs rgyab skyur te /
phyogs med rgyal khams dben tshal snyegs pa {5} tshun /
'byung bas [5] dman pa'i 'byung ldan res 'khor grangs /
mkha' thig srid pa'i [300] thog mar shing byi 'dir /
rgyal ba'i sku gsung thugs bstan sum khri {30,000} las /
sku bstan khri {10,000} gsung bstan bdun stong dang /
dgu brgya nyag ma bzhi bcu {6940} 'das pa'i mtshams /
dpyad gsum dag rtsis bskal srid dus 'khor zhes /
legs bshad 'di yi rtsis 'go thob pa yin / [*71]
de la drag [11] sbyangs shing phag rgyal dbang mchog /
sku phreng bcu bzhi bstan 'dzin rgya mtsho {0} bltams /
'od dkar can [1] zhu me byir zhang zhung sgo /
sgrub gnas sum cu rtsa bdun gtso bo ste /
gnas chen khyung lung gus su dpal rgyas su /
gyer bstan me ro slar gso'i sa bon du /
sngon smon rkyen bskul 'jigs med nam mkha' des /
thugs bstan mdo sngags grags rgyas gling {0} btab bo /
mtshams 'dir ma 'ongs bstan rtsis rim par spro /
'byung 'gyur mkha ro thig zung [2060] thugs bstan la /
chig khri [10,000] dang bcas bstan pa'i nyi ma brtan /
chos lugs mdo bstan lnga brgya phrag bcur [5000] gzungs /
dang por dgra bcom gnyis par phyir mi 'ong /
gsum par rgyun zhugs 'bras bu'i bstan pa gsum /
bzhi par lhag mthong lnga par ting nge 'dzin /
drug par tshul khrims sgrub pa'i dus gsum zhes /
bdun par mngon pa brgyad par mdo sde dang /
dgu par 'dul ba lung gi dus gsum brjod /
bcu par rtags tsam 'dzin bcas bcu dag las /
'di man lnga brgya phrag lnga tshul khrims khongs /
mtsho mkha' srid pa [304] ma 'ongs dus bug zla [196] /
lung dus phrag gsum rtags 'dzin dang bcas lus /
sngags lugs rdzogs chen gnas tshad khri gsum zhes /
brjod tshul phal cher rang lugs dang mthun 'gyur /
dpyad gsum dag rtsis bskal srid dus 'khor las /
sangs rgyas mdzad pa mdor bshad bstan gnas tshad /
bstan 'dzin skyes bu byon tshul rags thor tsam /
bshad pa'i skabs te sa bcad bzhi pa 'o // + //
[1]In these places marked with 'x's, there are large groups of numbers stacked on top of each other.