Рэпрэсіраваныя грамадзяне Рэчыцкага сельскага Савета

БАРЫСЕНКА Ягор Гаўралавіч, 1893 года нараджэння, нарадзіўся ў в.Губеншчына Чэрыкаўскага раёна, пражыў у в.Халоблін, калгаснік. 4 студзеня 1933 года рэпрэсіраваны, 5 год канцлагера. Месца адбывання пакарання і дата вызвалення невядомы. У 1989 годзе рэабілітаваны Магілёўскай абласной пракуратурай.

МУРАШКА Гаўрыла Давыдавіч, нарадзіўся і пражыў у в.Рэчыца. у 1935 годзе рэпрэсіраваны (раскулачванне). У 1993 годзе рэабілітаваны УУС Магілёўскага аблвыканкама. Другіх звестак няма.

ПЕТРАЧЭНКА Марк Сяргеевіч. Нарадзіўся ў в.Галоўчыцы ў 1881 годзе, беспартыйны, малапісьменны, земляроб, працаваў у асабістай гаспадарцы, пражыў у в.Галоўчыцы. Меў сям’ю з 7 чалавек, чатыры з іх да 18 год. 5 лютага 1930 года арыштаваны, 9 сакавіка 1930 года асуджаны пастановай тройкі пры ПП ОГПУ па БССР, высланы ў Паўночны край па 2-й катэгорыі. Характар абвінавачвання – антысавецкая агітацыя. 8 чэрвеня 1989 годзе рэабілітаваны заключэннем пракурора Магілёўскай вобласці.

ПЕТРАЧЭНКА Сцяпан Сяргеевіч. Нарадзіўся ў в.Галоўчыцы ў 1877 годзе, беспартыйны, малапісьменны, земляроб, працаваў у асабістай гаспадарцы, пражыў у в.Галоўчыцы. Меў сям’ю з 4 чалавек, адзін з іх да 18 год.

24 студзеня 1930 года арыштаваны, 9 сакавіка 1930 года асуджаны пастановай тройкі пры ПП ОГПУ па БВА, высланы ў Паўночны край па 2-й катэгорыі. Характар абвінавачвання – антысавецкая агітацыя. 8 чэрвеня 1989 годзе рэабілітаваны заключэннем пракурора Магілёўскай вобласці.

САРОКІН Лаўрэнцій Піліпавіч. Нарадзіўся ў в.Вусце, беспартыйны, адукацыя 7 класаў, настаўнік, пражыў у в.Вусце, меў жонку і чацвёра дзяцей. 2 лютага 1934 года арыштаваны, 26 сакавіка 1934 года асуджаны пастановай тройкі пры ПП ОГПУ па БССР, пяць год ВПЛ. Характар абвінавачвання – антысавецкая агітацыя. Месца адбывання пакарання і дата вызвалення невядомы. 16 студзеня 1984 года рэабілітаваны Пастановай Прэзідыума Вярхоўнага Савета СССР.

ЦЕРАХАЎ Сцяпан Барысавіч. 1892 года нараджэння, нарадзіўся і пражыў у в.Халоблін Чэрыкаўскага раёна, калгаснік. 4 студзеня 1933 года рэпрэсіраваны, 5 год канцлагера. У 1989 годзе рэабілітаваны Магілёўскай абласной пракуратурай.

ЦЕРАХАЎ Канстанцін Барысавіч. 1895 года нараджэння, нарадзіўся і пражыў у в. Халоблін Чэрыкаўскага раёна, калгаснік. 4 студзеня 1933 года рэпрэсіраваны, 5 год канцлагера. Месца адбывання пакарання і дата вызвалення невядомы. У 1989 годзе рэабілітаваны Магілёўскай абласной пракуратурай.

ШКУНДА Архіп Якаўлевіч. 1882 года нараджэння, нарадзіўся і пражыў у в.Камаровічы, селянін-аднаасобнік. 27 снежня 1932 года рэпрэсіраваны, 5 год канцлагера. Месца адбывання пакарання і дата вызвалення невядомы. У 1989 годзе рэабілітаваны Магілёўскай абласной пракуратурай.

ЯКІМЕНКА Феакціст Самуйлавіч. 1874 года нараджэння, нарадзіўся і пражыў у в. Камаровічы, селянін-аднаасобнік. 24 снежня 1932 года рэпрэсіраваны, 3 гады высылкі ў Паўночны край. Дата вызвалення невядома. У 1989 годзе рэабілітаваны Магілёўскай абласной пракуратурай.