Грамадзянін і чалавек

Канверт датаваны 26 снежня 1948 г.

Вялікаму Беларускаму пісьменніку –Якубу Коласуад сялян вёскі Люсіна, Ганцэвічскага раёна Пінскай вобласці.

Паважаны Канстанцін Міхайлавіч!

Мы, сяляне вёскі Люсіна, калектыў настаўнікаў Люсінскай пачатковай школы і ўся інтэлігенцыя Люсінскага с/совета шлем Вам, паважаны Канстанцін Міхайлавіч, большэвіцкае прывітанне! Прайшло многа год з таго часу, калі Вы, Канстанцін Міхайлавіч, жылі і працавалі ў нашай вёсцы настаўнікам. Многія Вашы вучні цяпер ужо сталі старыкамі. Школа, у якой Вы працавалі яшчэ стаіць, але ўжо непрыгодная для вучобы. Дзеці нашы вучацца ў наёмных непрыгод-ных пад школу памяшканнях і ў дзве змены (звыш 200 вучняў у школе). Выконваючы рашэнні партыі і ўрада аб аднаўленні і развіцці народнай гаспадаркі нашай Беларусі, мы поўнасцю разлічыліся з дзяржавай па ўсіх відах налогаў, – і ўсе як адзін дастойна сустрэнем 30-ю гадавіну нашай Беларусі. Паважаны Канстанцін Міхайлавіч! Мы яшчэ раз звяртаемся да Вас, а таксама да партыі і ўрада з просьбай: пабудаваць у 1949 – 50 г.г. васьмігадовую школу ў в. Люсіна, якую з вялікай пашанаю назавём Вашым іменем. Мы не пашкадуем ні сіл, ні здароўя на заканчэнне сталінскай пяцігодкі ў 4 гады і хутчэйшаму пераходу да комунізма.

Жадаем Вам, Канстанцін Міхайлавіч, добрага здароўя і лепшых поспехаў у працы на карысць нашай Радзімы!

Старшыня выканкома Люсінскага с/совета дэпутатаў працоўных /Жалезны/

Загадчык Люсінскай пач. Школы /Санько/

Настаўнікі.

Сяляне ад сялян в. Люсіна

2 сакратар Комсамольскай арганізацыі (Занько)

3 сакратар с/с выканкома (Телушко)

Вучні 3 і 4 класаў. (усяго 65 чалавек)