Lankidetza

Ikerketa-lanak egiten dituzten hurbileko erakundeekin lankidetza ezartzeko proposatzen den tresna bikoitza da:

1. Esparru Hitzarmen bat sinatzen da, lankidetzaren oinarriak eta garatuko den esparrua ezartzeko. 

2. Esparru Hitzarmen horretan oinarrituta, bi erakundeen arteko baterako jarduerak zehazten dituzten unean-uneko Programak edo Gauzatze Planak sinatuko dira, zehaztapenak ezarriz (parte-hartzaileak, iraupena, jarduerak, helburuak, etab.).

Honakoak dira Esparru Hitzarmenak eta bi alderdiek sinatutako Programa zehatzek jasotzen dituzten helburuak:

1. Erakunde laguntzailearen instalazioetan (laborategiak, ikasgela tematikoak, baliabide bibliografikoen gunea, etab.) ikasleen ikerketa-lanak erraztea. Baliabide horiek erakunde honek ezartzen dituen baldintzetan erabili ahal izango dira, eta baimendutako langileek ikuskatuko dituzte.

2. Irakasleen eta kanpoko profesionalen arteko lankidetza eta harremana ezartzeko, bi erakundeen artean hezkuntzako ikerketa- eta berrikuntza-proiektu bateratuak bultzatzea.

3. Ikasleek egindako ikerketa-proiektuaren garapena eta emaitzak ebaluatzeko prozesuan parte hartzea. Parte-hartze hori zuzenean (epaimahaietan) edota zeharka (aholkua eta kontsulta) gauzatuko da, beti ere erakunde laguntzailearen baliabideen eta eskuragarritasunaren arabera.

4. Bi erakundeen artean egiten diren baterako jardueren zabalkundea eta ezagutza publikoa sustatzea.

5. Erakunde laguntzaileak beharrezko baliabideak baldin baditu, ekainean 15 eta 30 egun arteko egonaldiak antolatzea, erakunde laguntzaileak ezarritako ordutegiaren, prestasunaren eta baldintzen arabera.

6. Sektore Publikoaren Araubide Juridikoa ezartzen duen urriak 1eko 40/2015 Legearen 49. artikuluari arabera, hitzarmen honen jarraipen-batzorde bat eratu behar da. Batzorde hori erakunde sinatzaile bakoitzaren ordezkari batek edo gehiagok osatuko dute. Jarraipenaren helburua hitzarmena zaintzea eta kontrolatzea da. Jarraipena bileren edo harreman erregularren bidez egingo da. Hitzarmenaren garapenari eragiten dion edozein gorabehera bi erakundeetako ordezkari gaitu eta baimendu horiek konponduko dute.

Hitzarmen hau administrazio barrukoa da, eta aipatutako 40/2015 Legean jasotako hizpaketek arautuko dute.