定定咧想講我是當時變做大人的？我定定按呢想，頭殼內就有彼畫面浮出來：
佇咧嘉義高中後壁門的牆圍仔外，我心情鬱卒，就共冊包仔揹咧，騎跤踏車就蹁出去矣。
畫面是真簡單，袂輸 光批遐料小，就幾沿仔殕殕的色抹過去，散淡無啥光彩，宛然新浪潮電影——長鏡頭內底，干焦學校邊仔角的牆圍，和瘦瘦掛憂愁的高中生。
是按怎想著轉大人，我就會想起十七歲彼時的畫面？
佇學校外，佇人陣外，佇這个世界之外。
定定 tiānn-tiānn
1.靜止不動。例：伊徛定定毋敢烏白振動。I khiā tiānn-tiānn m̄-kánn oo-pe̍h tín-tāng. (他站定不敢亂動。)
2.常常、經常。例：伊定定無佇咧。I tiānn-tiānn bô tī--leh. (他經常不在。) 時常、常在、常常、捷捷罕得
當時 tang-sî
何時。例：毋知影伊當時才會來。M̄ tsai-iánn i tang-sî tsiah ē lâi. (不知道他什麼時候才會來。)
大人 tuā-lâng
成年人。例：大人儉一喙，囡仔食甲飫。Tuā-lâng khiām tsi̍t tshuì, gín-á tsia̍h kah uì. (大人少吃一口，小孩子就可以吃得飽，甚至吃到膩了。)
牆圍 tshiûnn-uî
圍牆。
冊包 tsheh-pau
書包。學生上學時用來裝書本的背包。
跤踏車 kha-ta̍h-tshia
腳踏車。一種利用雙腳踩踏板前進的兩輪車。 孔明車、自轉車、鐵馬
揹 phāinn
1.用肩膀或背部來負載物品。例：伊揹一袋米欲去換一隻雞。I phāinn tsi̍t tē bí beh khì uānn tsi̍t tsiah ke. (他背著一袋米，想去換一隻雞。)；揹冊包 phāinn tsheh-pau(背書包)。
2.承受、負擔。例：揹一大堆債務。Phāinn tsi̍t-tuā-tui tsè-bū. (承擔一大堆債務。)
3.過肩摔。從肩膀將人摔倒在地。例：逃犯予警察對肩胛頭揹過。Tô-huān hōo kíng-tshat tuì king-kah-thâu phāinn--kuè. (逃犯被警察由肩膀摔過去。)
蹁 phîn 又唸作phiân
因暈眩、貧血、醉酒等因素而走路不穩。例：伊人無爽快，行路會蹁。I lâng bô sóng-khuài, kiânn-lōo ē phîn. (他人不舒服，走路有點晃。)
袂輸 bē-su/buē-su
好比、好像。例：伊看著我袂輸看著鬼咧。I khuànn-tio̍h guá bē-su khuànn-tio̍h kuí--leh. (他看到我好像見到鬼一樣。)
批 phue
1.信件、書信。例：一張批 tsi̍t tiunn phue(一封信)、寄批 kià-phue(寄信)。批信、信
2.上級對下級的核定許可或閱覽改正。例：批示 phue sī。
3.評判、評論。例：批評 phue-phîng。
4.用刀子將物品削成片狀。例：批豬肉 phue ti-bah(削豬肉)、批竹篾仔 phue tik-bi̍h-á(削竹篾)。𠞭
5.大量買賣物品。例：批發 phue-huat。
6.計算成群的人或物品的單位。例：一批貨 tsi̍t phue huè。
料小 liāu-siáu
1.不牢靠、不結實、單薄。例：你做這个架仔傷料小，物件囥濟囥重就會崩去。Lí tsò tsit-ê kè-á siunn liāu-siáu, mi̍h-kiānn khǹg-tsē khǹg-tāng tō ē pang--khì. (你做這個架子過於單薄，東西一放多或一放重就會垮掉。)
2.不起眼、不大方。例：送彼做禮物傷料小，恐驚無夠看。Sàng he tsò lé-bu̍t siunn liāu-siáu, khióng-kiann bô-kàu-khuànn. (送那個當禮物太不起眼，恐怕不夠看。)
殕殕 phú-phú
1.模糊、灰暗或不鮮明顏色。
2.灰色。
抹 buah
1.塗抹、擦。例：抹藥仔 buah io̍h-á(擦藥)、抹粉 buah-hún(擦粉)。
2.塗掉、銷除。例：抹銷 buah-siau(塗銷)。
宛然 uán-jiân/uán-liân
好像、儼然。例：宛然失光明。Uán-jiân sit kong-bîng. (好像失去了光亮一般。)
干焦 kan-na 又唸作kan-tann、kan-ta
只有、僅僅。例：干焦賰遮的菜爾爾，你欲無？Kan-na tshun tsia-ê tshài niā-niā, lí beh--bô? (只剩這些菜而已，你要嗎？)
彼時 hit-sî
那時、當時。例：伊出代誌彼時，我佇厝裡。I tshut-tāi-tsì hit-sî, guá tī tshù--lí. (他出事的那個時候，我正在家裡。)
古名號做桃城（Thô-siânn）的嘉義市，天氣不三時仔清和，閣是熟甲過爛，愛到年尾冬節，飽圓的亞熱帶才有寒凊的冬風破出來。
我感覺鬱卒，心肝頭結規毬的鬱卒，總是咧開破彼鬱卒，走揣鬱卒按（àn）佗位來……。散學了，無轉厝，跤踏車騎咧就佇桃城的街仔路遨，遨遨輾，掃街路。
諸羅 平洋這上大的城市，有街仔路嘛常在無人，閣莫講學校所徛的所在，勻勻仔咧(足百)崎、號做「山仔頂」，樹仔拄茂茂（ōm-ōm），愈入山愈厚，和我十七歲時的心境真成，人愈少愈好，生荒孤𣮈是所向。
號做 hō-tsò/hō-tsuè
叫做、稱為。例：我袂記得伊號做啥物名。Guá bē kì-tit i hō-tsò siánn-mih miâ. (我忘記他叫做什麼名子。)
冬節 tang-tseh/tang-tsueh
亦為傳統民俗節日。約當國曆十二月二十二或二十三日。這一天黑夜最長，白天最短。在民間習俗上，這一天要搓湯圓，並祭祀祖先和神明。
熱帶 jia̍t-tài/lia̍t-tài
地球表面位在赤道與南北回歸線之間的地帶。此地帶受到太陽照射能量最多，全年溫度高且變化不大。
凊 tshìn
1.冷的、涼掉的、冷漠的。例：面凊凊 bīn tshìn-tshìn(表情冷淡)、凊汗 tshìn-kuānn(冷汗)、凊飯 tshìn-pn̄g(剩飯、冷飯)。冷燒
2.隨便、馬虎。例：凊凊彩彩 tshìn-tshìn-tshái-tshái(隨隨便便)。
心肝頭 sim-kuann-thâu
心裡頭。 心肝窟仔
拍結毬 phah-kat-kiû 又唸作phah-kat-khiû
1.線條纏繞。例：索仔拍結毬，敨袂開矣。Soh-á phah-kat-kiû, tháu bē khui--ah. (繩索糾纏在一起，解不開了。)
2.心情鬱悶不解。例：想著彼項代誌，我心肝頭規个拍結毬。Siūnn tio̍h hit hāng tāi-tsì, guá sim-kuann-thâu kui-ê phah-kat-kiû. (想到那件事，我的心情就鬱悶不解。)
開破 khui-phuà
解釋。用言語啟發他人，使人悟出道理或訣竅。例：這道理較深，你就勻勻仔共伊開破。Tse tō-lí khah tshim, lí tō ûn-ûn-á kā-i khui-phuà. (這道理比較難，你就慢慢開導他。)
走揣 tsáu-tshuē/tsáu-tshē
到處尋找。例：伊一直咧走揣當年失散去的查某囝。I it-ti̍t teh tsáu-tshuē tong-nî sit-suànn--khì-ê tsa-bóo-kiánn. (他一直到處尋找當年失散的女兒。) 四界揣
散學 suànn-o̍h
放學、下課。例：你今仔日幾點散學？Lí kin-á-ji̍t kuí tiám suànn-o̍h?(你今天幾點放學？)
遨 gô
1.轉動、原地打轉。例：遨石磨 gô tsio̍h-bō(轉動石磨)、干樂咧遨 kan-lo̍k teh gô(陀螺在轉動)。
2.閒蕩。例：四界遨 sì-kè gô(四處遊玩)、遨遨輾 gô-gô-liàn(轉動不停)。
輾 liàn 又唸作lìn
1.滾動。例：你的銀角仔輾落去矣。Lí ê gîn-kak-á liàn--lo̍h-khì--ah. (你的銅板滾下去了。)
2.計算轉動的圈數。例：踅兩輾 se̍h nn̄g liàn(轉兩圈)。
諸羅山 Tsu-lô-san
嘉義(附錄－地名－舊地名)
平洋 pênn-iûnn/pînn-iûnn
平原、平地。平坦廣闊的原野。例：山頂一蕊花，毋值平洋一枝草。Suann-tíng tsi̍t luí hue, m̄ ta̍t pênn-iûnn tsi̍t ki tsháu. (山上的一朵花，比不上平地的一根草。俗語，比喻人懷才不遇。)
常在 tshiâng-tsāi
經常、時常。例：我佮伊常在佇路頭相拄。Guá kah i tshiâng-tsāi tī lōo-thâu sio-tú. (他和他常在路口相遇。)
莫講 mài-kóng
不要說、不用說。例：莫講大人，這个道理連囡仔都知影。Mài-kóng tuā-lâng, tsit ê tō-lí liân gín-á to tsai-iánn. (不要說大人了，這個道理連小孩子都知道。)
徛 khiā
1.站立。例：你徛佇遐創啥物？Lí khiā tī hia tshòng siánn-mih? (你站在那裡做什麼？)
2.住、居住。例：你徛佗位？Lí khiā tó-uī? (你住哪裡？)
3.豎立。例：頭前徛一枝電火柱仔。Thâu-tsîng khiā tsi̍t ki tiān-hué-thiāu-á. (前面豎立了一根電線桿。)
4.登記、注明。例：這間厝徛我的名。Tsit king tshù khiā guá ê miâ. (這間房子登記我的名字。)
5.建立、設置。例：徛館 khiā kuán(建館)、徛冊店 khiā tsheh-tiàm(開書店)。
6.分設。例：徛股 khiā kóo(分立股份)。
7.位居。例：徛頭 khiā-thâu(居首位的人)。
8.物體中能起支撐作用的部分，多是直立形狀。例：門徛 mn̂g khiā(門框兩邊的直木)。
9.計算豎立物品的單位。例：一徛石條 tsi̍t khiā tsio̍h liâu(一根石柱)。
勻勻仔 ûn-ûn-á
慢慢地、謹慎小心地。例：這條路真歹行，你著勻勻仔行。Tsit tiâu lōo tsin pháinn kiânn, lí tio̍h ûn-ûn-á kiânn. (這條路很難走，你要慢慢地走。)
(足百) peh
爬。攀登。例：(足百)樓梯 peh lâu-thui(爬樓梯)、(足百)山 peh-suann(爬山)。
崎 kiā
1.斜坡。例：落崎 lo̍h-kiā(下坡)。
2.陡峭。例：山壁真崎。Suann piah tsin kiā. (山壁很陡峭。)
茂 ōm 又唸作ām
草木繁盛的樣子。例：這欉樹仔葉仔真茂。Tsit tsâng tshiū-á hio̍h-á tsin ōm. (這棵樹木的葉子很茂密。)
成 sîng
1.完成。例：成功 sîng-kong。
2.相似。例：伊佮𪜶老爸生做誠成。I kah in lāu-pē senn-tsò tsiânn sîng. (他和他爸爸長得很像。)
孤𣮈 koo-khu̍t
1.無父無母無兄弟姊妹、親戚的光棍。例：孤𣮈絕種 koo-khu̍t-tse̍h-tsíng(孤獨一人絕子又絕孫。咒詛罵人的話。)
2.孤僻。不喜歡交際。例：孤𣮈人 koo-khu̍t lâng(不喜歡交際的人)。
向 ǹg
1.面對、趨向。例：向東 ǹg tang。
2.期望。例：今年收成䆀，只好向後冬。Kin nî siu-sîng bái, tsí-hó ǹg āu-tang. (今年收成不好，只能期待明年。)
囡仔時和轉大人上大的精差，是現實。
囡仔搪著現實，通哭、通吼，通用譀想、糝想、亂亂想來轉踅；大人就無仝矣，磅著現實，無通轉踅，定著硬拄硬，挵甲頭青目腫，無就愛來順時勢、捒倒牆。
囡仔 gín-á
小孩子。例：伊的囡仔真古錐。I ê gín-á tsin kóo-tsui. (他的小孩真可愛。)
精差 tsing-tsha
1.相差。二者之間的差異。例：價數精差無偌濟。Kè-siàu tsing-tsha bô guā tsē. (價錢差不了多少。)
2.差別。例：這兩種有啥物精差？Tsit nn̄g tsióng ū siánn-mih tsing-tsha？ (這兩種有什麼差別？)
吼 háu
1.哭泣。通常指哭出聲音來。例：恬恬！毋通吼！Tiām-tiām! M̄-thang háu! (安靜！不可以哭！) 哭
2.風刮得很大聲。例：風咧吼。Hong teh háu. (風在哭。意指風聲很大。)
3.鳥獸啼叫。例：樹仔頂的鳥仔咧吼。Tshiū-á-tíng ê tsiáu-á teh háu. (樹上的小鳥在啼叫。)
搪著 tn̄g-tio̍h
遇到。語氣完結時唸作tn̄g--tio̍h。例：伊定定來遮，我不時佇路裡搪著。I tiānn-tiānn lâi tsia, guá put-sî tī lōo--lí tn̄g--tio̍h. (他常來這裡，我也常在路上遇到他。)
譀 hàm
1.虛幻的、空泛的。例：人生譀譀矣 jîn-sing hàm-hàm--ah(人生不過爾爾)。
2.誇張不實的。例：你按呢傷譀啦！Lí án-ne siunn hàm--lah! (你這樣太誇張啦！)；譀古 hàm-kóo(無稽之談)。
3.浮腫的。例：面仔譀譀 bīn-á hàm-hàm(臉腫腫的)。
濫糝 lām-sám
隨便、胡亂來。例：你定定按呢濫糝開，莫怪會喝無錢。Lí tiānn-tiānn án-ne lām-sám khai, bo̍k-kuài ē huah bô tsînn. (你常常這樣胡亂花費，難怪會喊沒錢。)
轉踅 tńg-se̍h
1.轉身、轉圜。例：這个所在誠狹，真歹轉踅，你轉踅的時陣著細膩。Tsit ê sóo-tsāi tsiânn e̍h, tsin phái tńg-se̍h, lí tńg-se̍h ê sî-tsūn tio̍h sè-jī. (這個地方很窄，很難轉身，你轉身的時候要小心。)
2.周轉。資金的運轉。例：最近手頭真絚，愛去揣朋友轉踅一下。Tsuè-kīn tshiú-thâu tsin ân, ài khì tshuē pîng-iú tńg-se̍h--tsi̍t-ē. (最近手頭很緊，要去找朋友周轉一下。)
無通 bô-thong
不可行、不妥切。例：我感覺按呢做無通。Guá kám-kak án-ne tsò bô-thong. (我覺得這樣做不可行。)
定著 tiānn-tio̍h
1.一定。例：你定著愛行一逝。Lí tiānn-tio̍h ài kiânn--tsi̍t-tsuā. (你少不了要走一趟。) 絕對、穩當
2.定、決定。例：代誌猶未定著 tāi-tsì iáu-buē tiānn-tio̍h(事情尚未確定)。
3.穩重。例：恁大漢後生較定著。Lín tuā-hàn hāu-senn khah tiānn-tio̍h. (你大兒子比較穩重。)
挵 lòng
1.碰撞。例：伊無細膩去挵著電火柱。I bô sè-jī khì lòng-tio̍h tiān-hué-thiāu. (他不小心撞到電線桿。)
2.敲打。例：挵大鼓 lòng tuā-kóo(打大鼓)。
時勢 sî-sè
時代的潮流、趨向。
捒 sak
1.推。例：順風捒倒牆。Sūn-hong sak-tó tshiûnn. (順著風勢將牆推倒。比喻順著局勢推翻政權或在位的人。)；捒車 sak tshia(推車子)。
2.推卸、推拖給別人。例：這件代誌你莫捒予我。Tsit kiānn tāi-tsì lí mài sak hōo--guá. (這件事情你不要推拖給我。) 攄
3.棄。例：挕捒 hìnn-sak(丟棄)、放捒 pàng-sak(遺棄)。
我正正去磅著現實佇喙空內啖著血 sai-sai的味，喙齒根咬絚嘛愛共吞落去，家己一个人去面對，有厝內人有同學朋友嘛毋共央，我逼我目睭 褫金 煏 目箍出血絲，硬拄硬來面對。
喙空 tshuì-khang
口腔、嘴巴。例：補冬補喙空。Póo-tang póo tshuì-khang. (立冬名義上要進補，主要是為了滿足口腹之慾。)
啖 tam
嚐味道。例：你啖看按呢敢有夠鹹？Lí tam khuànn án-ne kám ū-kàu kiâm? (你嚐嚐看這樣夠鹹嗎？)
血 sai-sai
血淋淋。
喙齒根 tshuì-khí-kin/tshuì-khí-kun
牙根。牙齒藏在齒槽內的部分。
絚 ân
1.緊。嚴密，不放鬆。例：縛較絚咧。Pa̍k khah ân--leh. (綁緊一點。)
2.形容生活困窘，不寬裕。例：手頭絚 tshiú-thâu ân(手頭不方便，拿不出錢來。)
央 iang
請求、懇求。例：央人寫批 iang lâng siá phue(拜託別人代為寫信)。
目睭 ba̍k-tsiu
眼睛。例：伊目睭真大蕊。I ba̍k-tsiu tsin tuā luí. (他眼睛很大顆。)
褫 thí
張開、展開。例：落雨矣，緊共雨傘褫開。Lo̍h-hōo--ah, kín kā hōo-suànn thí--khui. (下雨了，快把雨傘張開。)；目睭褫袂開。Ba̍k-tsiu thí bē khui. (眼睛睜不開。)
金 kim
1.礦物名。金屬元素之一，質地柔軟，延展性極大，可與銀、銅等合金製成貨幣或是裝飾品。由於色澤黃澄，俗稱為黃金。例：金手指 kim-tshiú-tsí。金仔
2.金屬道具材料的通稱。例：五金 ngóo-kim。
3.年節、廟會等祭祀活動時為了祭拜神佛所特地準備的一種貼有金箔的粗紙，燒之以奉獻給神祇。例：燒金 sio-kim(燒紙錢)、天公金 Thinn-kong kim(祭拜玉皇大帝專用的紙錢)。
4.形容物體的顏色澄黃或是閃閃發亮。例：金鑠鑠 kim-siak-siak(金光閃閃)。
5.金黃色的。例：金頭鬃 kim-thâu-tsang(金頭髮)、金色 kim-sik。
6.形容眼睛明亮，或是視力好。例：結婚進前，目睭愛擘予伊金。Kiat-hun tsìn-tsîng, ba̍k-tsiu ài peh hōo i kim. (結婚之前，眼睛要睜亮一點。)
7.錢。例：現金 hiān-kim、金錢 kim-tsînn。
8.珍貴的。例：金孫 kim-sun、金言 kim-giân。
9.姓。例：伊姓金。I sènn kim. (他姓金。)
煏 piak
1.裂開、斷裂、迸裂。指物體因受熱、拉扯或數量過多等因素，膨脹起來超過限度而爆裂。例：竹管予火燒甲煏開。Tik-kóng hōo hué sio kah piak--khui. (竹管被火燒得爆開。)
2.用火炸出油或香味。例：肉先落去煏較芳。Bah sing lo̍h-khì piak khah phang. (肉先炸出油比較香。)
目箍 ba̍k-khoo
眼眶。例：目箍紅紅 ba̍k-khoo âng-âng(眼眶紅紅的)。
現實就是彼堵牆，無佇學校內底面，我著愛去面對煞無才調面對，就來共畫面挩予長長長，我閃過，毋是飄撇 聳鬚，人是真荏無腳數無勇氣，就𢯾（mooh）壁來行，順牆來旋，我有跤踏車通騎，猶有時間來走，走做一款散淡敢若帶文學味的畫面。
才調 tsâi-tiāu
本事、能力。例：伊真有才調，律師牌一擺就考過！I tsin ū tsâi-tiāu, lu̍t-su pâi tsi̍t pái tō khó--kuè! (他很有本事，律師牌照一次就考到了！)
挩 thuah
拖、拉。例：共屜仔挩開。Kā thuah-á thuah--khui. (把抽屜拉開。)；挩起來 thuah--khí-lâi(拉起來)。
飄撇 phiau-phiat
瀟灑、帥氣，多半用指年輕男性帥氣灑脫。例：彼个少年的看著誠飄撇。Hit ê siàu-liân--ê khuànn tio̍h tsiânn phiau-phiat. (那個年輕人看起來很瀟灑。)
聳鬚 tshàng-tshiu
1.鬍鬚聳起來或蓬亂。
2.引申為囂張、逞威風。例：你免聳鬚，連鞭警察就來矣。Lí bián tshàng-tshiu, liâm-mi kíng-tshat tō lâi--ah. (你別囂張，警察馬上就來了。) 風神、臭煬、囂俳
荏 lám
1.形容人的身體虛弱，沒有元氣。例：你的身體傷荏。Lí ê sin-thé siunn lám. (你身體太虛弱了。)
2.形容某事物的質地不夠紮實、堅固。例：這塊桌仔足荏的。Tsit tè toh-á tsiok lám--ê. (這張桌子真不牢固。)
荏懶 lám-nuā
形容人懶惰成性，骯髒邋遢又不梳洗整理。例：伊有夠荏懶，規禮拜攏無洗身軀。I ū-kàu lám-nuā, kui lé-pài lóng bô sé-sin-khu. (他非常懶散邋遢，整個星期都沒洗澡。)
腳數 kioh-siàu
1.指戲臺上演戲的角色，也表示某種身分地位的角色。例：好腳數 hó kioh-siàu(好角色)。
2.引申為指人的膽識。例：伊腳數袂䆀，有代誌攏伊咧出頭。I kioh-siàu bē-bái, ū tāi-tsì lóng i teh tshut-thâu. (他膽識不錯，有事情都是他出面解決。)
𢯾 mooh
緊抱、緊貼。例：兩个人𢯾做伙。Nn̄g ê lâng mooh tsò-hué. (二個人抱在一起。)；𢯾物件 mooh mi̍h-kiānn(抱東西)。
𢯾壁鬼 mooh-piah-kuí
指人像是緊靠牆壁行走的鬼，突然出現，使人嚇一跳。例：伊徛佇遐無聲無說，袂輸𢯾壁鬼咧。I khiā tī hia bô-siann-bô-sueh, bē-su mooh-piah-kuí--leh. (他站在那裡無聲無息的，好像靠在牆壁上的鬼。)
旋 suan
反轉回繞，也引申為逃跑，即溜。例：一尾蛇旋過去。Tsi̍t bué tsuâ suan--kuè-khì. (一條蛇溜過去。)；緊旋！Kín suan! (快溜！快逃！)
敢若 kánn-ná 又唸作kán-ná、ká-ná
好像、似乎。例：敢若是伊，閣敢若毋是。Kánn-ná sī i, koh kánn-ná m̄ sī. (好像是他，又好像不是。)
就按呢，佇我的人生之路捙拚、失途、撞突、相搩的時，這个畫面就會自頭殼內浮出來。
我無想欲面對，煞愛來面對。
面對現實，就是會疼會艱苦，橫直十七歲就按呢過矣！鬱卒的源頭猶原揣無，血絲吞落腹，喙齒根咬閣較絚。
捙拚 tshia-piànn
指兩方人馬彼此之間的拚鬥較勁，多半帶有挑釁的意味。例：你這馬是一定欲佮我捙拚是無？Lí tsit-má sī it-tīng beh kah guá tshia-piànn sī--bô? (你現在是一定要跟我拚鬥嗎？)
撞突 tōng-tu̍t
出差錯、挫折。例：代誌若有小可撞突，伊就袂食袂睏矣。Tāi-tsì nā ū sió-khuá tōng-tu̍t, i tō bē-tsia̍h-bē-khùn--ah. (事情稍微有不順，他就坐立不安了。)
搩 kiat
1.砸。用力丟擲。例：提石頭共伊搩落去。The̍h tsio̍h-thâu kā i kiat--lo̍h-khì. (拿石頭砸他。)
2.比喻為打架。例：講無兩句就搩起來矣。Kóng bô nn̄g kù tō kiat--khí-lâi--ah. (講不到兩句話就打起來了。)
3.吃掉、快速吞嚥。例：跤手遮緊，隨予你搩幾若塊去。Kha-tshiú tsiah kín, suî hōo lí kiat kuí-nā tè--khì. (動作這麼快，馬上就被你吃掉好幾塊。) 囫
艱苦 kan-khóo
1.艱難、痛苦。例：我心肝內的艱苦啥人知？Guá sim-kuann-lāi ê kan-khóo siánn-lâng tsai? (我心裡的痛苦有誰知道？) 辛苦、困難
2.難過、生病不舒服。例：伊今仔日人艱苦，無去上課。I kin-á-ji̍t lâng kan-khóo, bô-khì siōng-khò. (他今天生病不舒服，沒去上課。)
橫直 huâinn-ti̍t/huînn-ti̍t
橫豎、反正。無論如何。例：毋管你按怎講，橫直我毋信。M̄-kuán lí án-tsuánn kóng, huâinn-ti̍t guá m̄ sìn. (不管你怎麼說，反正我不相信。)
就順學校後壁門的牆圍騎跤踏車蹁出去，就入我的頭殼內釘根矣，見若 拄著 毋願 和硬篤的代誌，可比電影畫面，就佇心肝頭按呢紡一改。
紲來，就好禮仔來面對現實，有十七歲的畫面拍底，袂輸 出珠，我就按呢來轉大人款矣。
釘根 tìng-kin/tìng-kun
1.表示樹根深植入土，也用來比喻基礎穩固不易動搖。例：阮搬來下港二十年矣，早就釘根矣。Guán puann lâi ē-káng jī-tsa̍p nî--ah, tsá-tō tìng-kin--ah. (我家搬來南部二十年了，早已經落地生根了。)
2.一個人動也不動。例：你是釘根矣是無？坐規晡攏無徙位。Lí sī tìng-kin--ah sī--bô? tsē kui-poo lóng bô suá-uī. (你生根了嗎？做了半天也沒移動位置。)
見若 kiàn-nā 又唸作kìnn-nā
凡是、只要。例：見若拄著王的，伊攏會請我食飯。Kiàn-nā tú-tio̍h Ông--ê, i lóng ē tshiánn guá tsia̍h-pn̄g. (只要碰到老王，他都會請我吃飯。)
拄著 tú-tio̍h
1.碰到、遭遇。語氣完結時唸作tú--tio̍h。例：伊近來定定去拄著麻煩。I kīn-lâi tiānn-tiānn khì tú-tio̍h mâ-huân. (他最近遭遇到了麻煩的事。) 遭遇
2.相遇、碰面。語氣完結時唸作tú--tio̍h。例：阮兩个是佇街仔路拄著的。Guán nn̄g ê sī tī ke-á-lōo tú--tio̍h--ê. (我們兩個人是在街上遇見的。)
毋願 m̄-guān
1.不願意。不希望、不肯。例：伊毋願共你鬥相共，你就揣別人嘛。I m̄-guān kā lí tàu-sann-kāng, lí tō tshuē pa̍t-lâng--mah. (他不願意幫你，你就找別人嘛。)
2.不甘心。心裡不服氣，不情願。例：伊連一點仔機會都毋予我，我誠毋願。I liân tsi̍t-tiám-á ki-huē to m̄ hōo--guá, guá tsiânn m̄-guān. (他連一點機會都不給我，我真不甘心。)
硬篤 ngē-táu/ngī-táu
困難、艱鉅。例：這項工課真硬篤。Tsit hāng khang-khuè tsin ngē-táu. (這項工作真是困難。)
紡 pháng
1.將絲、麻、棉的纖維或羊毛、牛毛等材質抽成線紗。例：紡紗 pháng-se。
2.由紡紗的動作引申為轉動的意思。例：電風紡足緊。Tiān-hong pháng tsiok kín. (電風扇轉動得很快。)
3.引申為處理，通常用在負面情境，表示事情難以處理。例：這聲代誌歹紡矣。Tsit-siann tāi-tsì pháinn pháng--ah. (這下子事情難處理了。)
好禮 hó-lé
親切有禮，設想周到。例：彼个查某囡仔真好禮，叫我坐佇遮。Hit ê tsa-bóo gín-á tsin hó-lé, kiò guá tsē tī tsia. (那個女孩真有禮貌，讓我坐在這。)
拍底 phah-té
作為基礎。
袂輸 bē-su/buē-su
好比、好像。例：伊看著我袂輸看著鬼咧。I khuànn-tio̍h guá bē-su khuànn-tio̍h kuí--leh. (他看到我好像見到鬼一樣。)
出珠 tshut-tsu
長水痘、出天花。例：出珠的人毋通四界走，才袂去共人穢著。Tshut-tsu ê lâng m̄-thang sì-kè tsáu, tsiah bē khì kā lâng uè--tio̍h. (長水痘的人不要到處跑，才不會傳染給別人。)