第3課 種電

敢毋是 kám m̄ sī
難道不是嗎？可不是嗎？ 

趕緊 kuánn-kín
1.加快動作的速度。例：救人的代誌就愛趕緊處理。Kiù-lâng ê tāi-tsì tō ài kuánn-kín tshú-lí. (救人的事情必須趕緊處理。)　
2.急迫、匆忙。例：沓沓仔來，免趕緊。Ta̍uh-ta̍uh-á lâi, bián kuánn-kín. (慢慢來，不必那麼匆忙。)　 

煞 suah

1.結束、停止。例：煞戲　suah-hì(戲散場)。

2.罷休、放手。例：煞煞去　suah-suah--khì(算了)。

3.怎麼、哪有。表反詰語氣。例：我煞有講彼句話？Guá suah ū kóng hit kù uē? (我哪有講那句話？)；煞無　suah bô(怎麼沒有)。

4.竟然，表意外的意思。例：氣象報告講會好天煞咧落雨。Khì-siōng pò-kò kóng ē hó-thinn suah teh lo̍h-hōo. (氣象報告說會晴天卻下了雨。)　

5.抑制、阻止。例：煞癢　suah tsiūnn(止癢)。

6.為凶神所傷。例：煞著　suah--tio̍h(被鬼神傷到)。

7.凶神。例：凶神惡煞　hiong sîn ok suah。

袂記得 bē-kì-tit/buē-kì-tit　又唸作bē-kì-tsit/buē-kì-tsit、bē-kì-lit/buē-kì-lit、bē-kì-eh/buē-kì-eh
忘記、遺忘。語氣完結時唸作bē kì--tit。例：有誠濟較早的代誌，我攏袂記得矣。Ū tsiânn tsē khah-tsá ê tāi-tsì, guá lóng bē-kì--tit--ah. (有許多過去的事情，我都忘記了。)；我袂記得幾點欲開會。Guá bē-kì-tit kuí-tiám beh khui-huē. (我忘記幾點要開會。)　 

連鞭 liâm-mi　又唸作liâm-pinn
馬上，立刻。即時。例：你小等一下，連鞭就好矣。Lí sió-tán--tsi̍t-ē, liâm-mi tō hó--ah. (你稍等一下，馬上就好了。)　 

遮爾 tsiah-nī
多麼、這麼。例：恁阿母遮爾惜你，你敢袂當較有孝咧？Lín a-bú tsiah-nī sioh--lí, lí kám bē-tàng khah iú-hàu--leh? (你媽媽這麼疼你，你不能孝順一點嗎？) 

會使 ē-sái
可以、能夠。例：我功課若寫好就會使去看電影矣。Guá kong-khò nā siá hó tō ē-sái khì khuànn tiān-iánn--ah. (我功課如果寫好就可以去看電影了。)　 

綴 tuè/tè
跟、隨。例：你莫綴前綴後。Lí mài tuè-tsîng-tuè-āu. (你不要跟前跟後。)；綴我來。Tuè guá lâi. (隨我來。)；綴人講　tuè lâng kóng(跟著別人說)、綴人走　tuè-lâng-tsáu(跟別人跑，即私奔之意)。

鬥跤手 tàu-kha-tshiú
幫忙。幫助他人做事或者解決困難。例：你緊來共我鬥跤手。Lí kín lâi kā guá tàu-kha-tshiú. (你快來幫我。)　 

是講 sī-kóng
用於引介轉折的話題。例：這袂歹啉，是講，啉了對身體敢無敗害？Tse bē pháinn lim, sī-kóng, lim-liáu tuì sin-thé kám bô pāi-hāi? (這個不難喝，話說回來，喝了對身體不會有害嗎？)　 

好玄 hònn-hiân
好奇。對於自己所不了解的事，覺得新奇而感興趣或去探查原由。例：囡仔人攏真好玄。Gín-á-lâng lóng tsin hònn-hiân. (小孩子都很好奇。)　 

所在 sóo-tsāi
地方。例：這个所在真鬧熱。Tsit ê sóo-tsāi tsin lāu-jia̍t. (這個地方很熱鬧。)

講笑詼 kóng-tshiò-khue/kóng-tshiò-khe
打諢、逗笑、講笑話。例：無，你是佇咧講笑詼是毋？Bô, lí sī tī-leh kóng-tshiò-khue sī--m̄? (不然你是在說笑是嗎？)　 

身軀 sin-khu
身體。例：伊耍甲規身軀烏趖趖。I sńg kah kui-sin-khu oo-sô-sô. (他玩得全身髒兮兮。)　 

捌 bat　又唸作pat
1.懂、知道、明白。例：做人就愛捌道理。Tsò-lâng tō ài bat tō-lí. (做人要懂道理。)　

2.認識。例：這个人你敢捌伊？Tsit ê lâng lí kám bat--i? (這個人你認識他嗎？)　
3.曾經。例：我捌聽過白賊七仔的故事。Guá bat thiann-kuè Pe̍h-tsha̍t-tshit--á ê kòo-sū. (我曾聽過白賊七的故事。)　 

喙鬚 tshuì-tshiu
鬍鬚。例：伊的喙鬚攏白矣。I ê tshuì-tshiu lóng pe̍h--ah. (他的鬍鬚都白了。)　 

拍結 phah-kat
打結。可以用在頭腦打結，表示不靈活，也可用在錢財打結，表示吝嗇。例：鞋穿好鞋帶愛拍結。Ê tshīng hó ê-tuà ài phah-kat. (鞋子穿好鞋帶要打結。)；想欲開喙，雄雄喙舌煞拍結。Siūnn beh khui-tshuì, hiông-hiông tshuì-tsi̍h suah phah-kat. (想開口說話，舌頭卻突然打結。)　 

種 tsìng
1.栽植。例：種花　tsìng-hue。
2.把疫苗注入人體。例：種珠　tsìng-tsu(種牛痘，即施打天花疫苗)。 

當咧 tng-teh　又唸作tng-tih
正在、正值。表示進行貌與持續貌。例：我當咧無閒，你莫共我吵。Guá tng-teh bô-îng, lí mài kā guá tshá. (我正在忙，你不要吵我。)　 

面 bīn
1.臉。例：伊的面真圓。I ê bīn tsin înn. (他的臉很圓。)
2.計算平面物體的單位。例：一面鏡　tsi̍t bīn kiànn(一面鏡子)。

枋 pang
1.木板。例：這塊眠床枋足𠕇的。Tsit tè bîn-tshn̂g-pang tsiok tīng--ê. (這張床板很硬。)　
2.似板狀的物體。例：烏枋　oo-pang(黑板)、鐵枋　thih-pang(鐵板)、糖枋　thn̂g-pang(板塊狀的糖)。
3.計算整塊物體的單位。例：兩枋豆腐　nn̄g pang tāu-hū(兩板豆腐)。

日頭 ji̍t-thâu/li̍t-thâu
1.太陽。例：今仔日的日頭真猛。Kin-á-ji̍t ê ji̍t-thâu tsin mé. (今天的太陽真大。)　日頭公、日
2.日子。指訂婚後，男方送結婚日子給女方參考的單子。例：送日頭　sàng ji̍t-thâu(送日子。指男方通知女方結婚日。)　

會當 ē-tàng
可以。能夠、做得到。例：第一个要求我會當答應你，第二个我就愛閣考慮一下。Tē-it ê iau-kiû guá ē-tàng tah-ìng--lí, tē-jī ê guá tō ài koh khó-lī--tsi̍t-ē. (第一個要求我可以答應你，第二個要求我就得再考慮一下才行。)　

毋但 m̄-nā　又唸作m̄-niā
1.不只、不但。例：我看伊做的歹代誌毋但按呢爾爾。Guá khuànn i tsò ê pháinn tāi-tsì m̄-nā án-ne niā-niā. (我看他做的壞事不只這樣而已。)　
2.不只。表示前一句話的語意尚未完結，還有承接下面的語意。例：伊毋但寄付錢，閣去做義工。I m̄-nā kià-hù tsînn, koh khì tsò gī-kang. (他不只捐錢，還去當義工。)　不但

儉 khiām
1.節儉。例：伊真儉。I tsin khiām. (他很節儉。)　
2.存下金錢。例：儉錢　khiām-tsînn(存錢)、逐月日儉萬五想欲買厝。　Ta̍k gue̍h-ji̍t khiām bān gōo siūnn-beh bé tshù. (每個月存一萬五想買房子。)　

趨勢 tshu-sè 

妥當 thò-tòng
穩當、適當。例：代誌交予伊處理穩妥當的。Tāi-tsì kau hōo i tshú-lí ún thò-tòng--ê. (事情交給他處理一定穩當的。)　 

無毋著 bô m̄-tio̍h
沒錯。例：你按呢講無毋著。Lí án-ne kóng bô m̄-tio̍h. (你這麼說沒錯。) 

鹽埕 iâm-tiânn
海邊曬鹽的地方。 

曝鹽 pha̍k iâm
將海水引入鹽田，利用陽光曝晒取鹽。例：臺南有所在專門咧曝鹽。Tâi-lâm ū sóo-tsāi tsuan-bûn teh pha̍k iâm. (臺南有些地方專門在曬鹽。)　

厝頂 tshù-tíng
屋頂。例：厝頂破甲遐大空，莫怪會漏雨。Tshù-tíng phuà kah hiah tuā khang, bo̍k-kuài ē lāu hōo. (屋頂破了那麼大一個洞，難怪雨天會漏水。)　 

𠕇篤 tīng-tauh
1.結實、堅固。例：這隻椅仔做甲不止仔𠕇篤。Tsit tsiah í-á tsò kah put-tsí-á tīng-tauh. (這張椅子做得相當堅固。)　
2.穩健。例：伊比𪜶阿兄較𠕇篤。I pí in a-hiann khah tīng-tauh. (他比他哥哥穩健。)　

餌 jī/lī
誘捕動物的食物，也引申為引誘人的事物。例：釣餌　tiò-jī、藥餌　io̍h-jī。

逝 tsuā
1.趟、回。計算路程、路途的單位。例：一逝路　tsi̍t tsuā lōo(一趟路)、行三逝　kiânn sann tsuā(走三趟)。
2.條、行。計算線條或條列文字的單位。例：一逝線　tsi̍t tsuā suànn(一條線)、一逝字　tsi̍t tsuā jī(一行字)。近義詞：條、巡
3.路程、路途。例：長逝　tn̂g tsuā(長途、長程)、短逝　té tsuā(短途、短程)。近義詞：途

猶閣 iáu-koh　又唸作iah-koh、ah-koh、á-koh、iá-koh
還、依然、仍舊。例：代誌到這个地步矣，你猶閣有啥物話通講？Tāi-tsì kàu tsit ê tē-pōo--ah, lí iáu-koh ū siánn-mih uē thang kóng? (事情都到這個地步了，你還有什麼話說？)　 

偌久 guā-kú　又唸作juā-kú、luā-kú
多久。通常問時間經過或需要多久。例：你偌久無來矣？Lí guā-kú bô lâi--ah? (你多久沒來了？)；修理好，愛偌久？Siu-lí hó, ài guā-kú? ( 修到好，要多久？)　 

不止仔 put-tsí-á
非常、相當的意思。例：你穿這領衫閣不止仔媠。Lí tshīng tsit niá sann koh put-tsí-á suí. (你穿這件衣服相當漂亮。)　

紲落來 suà--lo̍h-lâi
接下來、接著。例：這條提案逐家已經討論好勢，紲落來咱就來表決。Tsit tiâu thê-àn ta̍k-ke í-king thó-lūn hó-sè, suà--lo̍h-lâi lán tō lâi piáu-kuat. (這條提案大家已經討論完畢，接下來咱們就來表決。)

魚塭 hî-ùn/hû-ùn
在沿海地區的平地上，掘土作池，引水養魚，此種養殖魚類的池塘稱為「魚塭」。

頂懸 tíng-kuân
上面、上頭。例：酒囥下跤格，汽水囥頂懸格。Tsiú khǹg ē-kha keh, khì-tsuí khǹg tíng-kuân keh. (酒放下格，汽水放上格。)

塗 thôo
1.泥土。例：塗沙　thôo-sua(泥沙)、塗炭　thôo-thuànn(煤炭)。
2.土壤、土地。例：塗州　thôo-tsiu (黃泉)、塗空　thôo-khang(地洞)。
3.形容事情一團糟、完蛋了。例：這聲真正是塗塗塗。Tsit-siann tsin-tsiànn sī thôo-thôo-thôo. (這下子真的是一團糟了。)；塗去矣　thôo--khì--ah(完蛋了、糟糕了)。

料想袂到 liāu-sióng-bē-kàu/liāu-sióng-buē-kàu
意外、意想不到。例：這件代誌予人料想袂到。Tsit kiānn tāi-tsì hōo lâng liāu-sióng-bē-kàu. (這件事令人意想不到。)

袂赴 bē-hù/buē-hù
來不及、趕不上。例：車咧欲開矣，你若無較緊咧就袂赴矣。Tshia teh-beh khui--ah, lí nā bô khah kín--leh tō bē-hù--ah. (車子快開了，你如果不快點就來不及了。) 

那 ná
1.一邊……一邊……。以「那……那……」(ná……ná……)形式出現。例：那行那看　ná kiânn ná khuànn(一邊走一邊看)。
2.愈……愈……。例：伊那來那媠。I ná lâi ná suí. (她愈來愈漂亮。)