第5課 茫茫渺渺的未來

歇熱 hioh-jua̍h/hioh-lua̍h
放暑假。例：恁學校當時開始歇熱？Lín ha̍k-hāu tang-sî khai-sí hioh-jua̍h? (你們學校什麼時候開始放暑假？) 

到今 kàu-tann
及今、如今、至今。到如今。例：到今你才知！Kàu-tann lí tsiah tsai! (你現在才知道啊！)　 

茫茫渺渺 bông-bông-biáu-biáu
本指遼闊而沒有邊際的樣子，今多用以形容沒有把握、難以捉摸的狀況。例：人生茫茫渺渺，毋知影對佗位來，嘛毋知影對佗位去。Jîn-sing bông-bông-biáu-biáu, m̄ tsai-iánn tuì tó-uī lâi, mā m̄ tsai-iánn tuì tó-uī khì. (人生很難預料、掌握，不知從哪裡來，也不知往哪裡去。) 

大學 tāi-ha̍k　又唸作tuā-o̍h
國家學制上最高單位，凡具備三學院者稱為大學，不足者則稱為獨立學院。例：大學畢業了後就愛揣頭路。Tāi-ha̍k pit-gia̍p liáu-āu tō ài tshuē thâu-lōo. (大學畢業以後就要找工作做。) 

科系 kho-hē 

看覓 khuànn-māi
1.看一看、看一下。例：你去看覓，才來共我講。Lí khì khuànn-māi, tsiah lâi kā guá kóng.(你去看一看，再來告訴我。)　
2.動詞後綴，表嘗試之意。例：食看覓　tsia̍h khuànn-māi(吃吃看)、鼻看覓　phīnn khuànn-māi(聞聞看)。 

無要緊 bô iàu-kín　合音唸作bua̋-kín
不要緊、沒關係。例：物件若好，較貴一點仔無要緊。Mi̍h-kiānn nā hó, khah kuì--tsi̍t-tiám-á bô iàu-kín. (東西如果品質好，貴一點沒關係。)　 

頭路 thâu-lōo
職業、工作。例：這馬的頭路真僫揣。Tsit-má ê thâu-lōo tsin oh tshuē. (現在的工作很難找。)；一暝全頭路，天光無半步。Tsi̍t mê tsuân thâu-lōo, thinn-kng bô puànn pōo. (夜裡腦子裡滿是工作的計畫，到天亮什麼也做不出來。比喻光說不練。)

揣頭路 tshuē thâu-lōo/tshē thâu-lōo
找工作。例：伊今年畢業，這馬當咧揣頭路。I kin-nî pit-gia̍p, tsit-má tng-teh tshuē thâu-lōo. (她今年畢業，現在正在找工作。)

食頭路 tsia̍h-thâu-lōo
上班、就業。例：伊佇𪜶阿叔遐食頭路。I tī in a-tsik hia tsia̍h-thâu-lōo. (他在他叔叔那裡上班。)

另日 līng-ji̍t/līng-li̍t
他日、改天。例：另日咱才做伙食飯。Līng-ji̍t lán tsiah tsò-hué tsia̍h-pn̄g. (改天我們再一起吃飯。) 

工 kang  
1.計算天數的單位。例：我一禮拜愛上班五工。Guá tsi̍t lé-pài ài siōng-pan gōo kang. (我一禮拜要上五天班。)　日

2.運用勞力、技能的工作者。例：勞工　lô-kang、工人　kang-lâng、木工　ba̍k-kang。

3.指生產勞務的工事。例：工程　kang-tîng。

4.工夫。工作需要花費的時間、精力。例：伊刻這粒印仔真了工。I khik tsit lia̍p ìn-á tsin liáu-kang. (他刻這顆印章花很多時間。)　

5.空閒時間。例：我無彼號閒工佮你開講。Guá bô hit-lō îng-kang kah lí khai-káng. (我沒有多餘的時間跟你聊天。)　
6.與機械、技術、製造相關的。例：工場　kang-tiûnn、工業　kang-gia̍p、化工　huà-kang。 

抑是 ia̍h-sī　又唸作iah-sī、a̍h-sī、ah-sī
或者、或是。例：你欲啉咖啡抑是欲啉茶？Lí beh lim ka-pi ia̍h-sī beh lim-tê? (你要喝咖啡還是要喝茶？) 

頭家 thâu-ke
1.老闆、僱主。[近]老板、[反]下跤手人、下司
2.丈夫、先生。例：阿娥佮𪜶頭家攏佇菜市仔賣物件。A-ngôo kah in thâu-ke lóng tī tshài-tshī-á bē mi̍h-kiānn. (阿娥和他先生都在菜市場賣東西。)　[近]翁婿

一年換二十四个頭家。  Tsi̍t nî uānn jī-tsa̍p-sì ê thâu-ke.
諷刺人沒有定性，常常換老闆。 

是無 sī bô
此句為是非問句。這本冊是你的，是無？

無 bô
1.沒有。例：無錢　bô tsînn。
2.不，修飾形容詞或動詞。例：無媠　bô suí(不美)、無去　bô khì(沒去)。
3.放在動詞與補語之間。未達成某種目標。例：洗無清氣。Sé bô tshing-khì. (洗了卻仍不乾淨。)　
4.表示語氣轉折。有「要不然」的意思。例：無，你是欲按怎？Bô, lí sī beh án-tsuánn? (不然你要怎麼樣？)；你無愛食麵，無咱來去食炒飯。Lí bô ài tsia̍h mī, bô lán lâi-khì tsia̍h tshá-pn̄g. (你不喜歡吃麵，要不然我們去吃炒飯。)　
5.句末疑問助詞，用來詢問是或否、有或無等，多讀為輕聲。例：你捌伊無？Lí bat--i--bô?(你認識他嗎？)；有影無？Ū-iánn--bô?(真的嗎？)　
6.不耐用。例：這種雪文真無洗。Tsit-tsióng sap-bûn tsin bô sé. (這種肥皂不耐洗。)　
7.表示提醒。例：恁彼个同事無，姓張的。Lín hit ê tông-sū bô, sènn Tiunn--ê. (你那個同事有沒有，姓張的。)；佇巷仔口無，彼間𥴊仔店。Tī hāng-á-kháu bô, hit king kám-á-tiàm. (在巷子口有沒有，那間雜貨店。)　

毋過 m̄-koh　又唸作m̄-kò、m̄-kù
不過、但是。例：雖然𪜶兜真散赤，毋過𪜶的囡仔攏真有出脫。Sui-jiân in tau tsin sàn-tshiah, m̄-koh in ê gín-á lóng tsin ū tshut-thuat. (雖然他家很窮，但是他的孩子都很傑出。)

掛心 khuà-sim　又唸作kuà-sim
操心、擔心。例：我的代誌免你掛心。Guá ê tāi-tsì bián lí khuà-sim. (我的事情不用你擔心。)

進前 tsìn-tsîng
1.以前、從前。例：伊進前蹛佇臺北。I tsìn-tsîng tuà tī Tâi-pak. (他以前住在臺北。)　[近]早日、往過、較早、以前 [反]後來、落尾
2.之前。例：你欲出門進前，愛會記得紮錢。Lí beh tshut-mn̂g tsìn-tsîng, ài ē kì-tit tsah-tsînn. (你要出門之前，要記得帶錢。)　
3.向前、前進。[近]向前

兄哥 hiann-ko
1.哥哥。稱謂。對兄長的稱呼。例：伊是阮兄哥。I sī guán hiann-ko. (他是我哥哥。)　[近]大兄、兄、哥哥
2.對男性的稱呼。例：內山兄哥　lāi-suann hiann-ko(住在深山裡的男性，又指老實的莊稼人。)　

允頭路 ín-thâu-lōo/ún-thâu-lōo
找工作。例：請朋友鬥允頭路　tshiánn pîng-iú tàu ín thâu lōo(請朋友幫忙介紹工作)。 

尾手 bué-tshiú/bé-tshiú
最後，手中剩下的。例：伊頭先講好，尾手閣講無愛。I thâu-sing kóng hó, bué-tshiú koh kóng bô ài. (他剛開始說好，之後又說不要了。)

冤家 uan-ke
1.爭吵。例：這兩个若見面就冤家。Tsit nn̄g-ê nā kìnn-bīn tō uan-ke. (這兩個人一見面就爭吵。)　[近]相罵、相嚷、諍喙
2.仇人。例：想袂到𪜶兩个會冤家變親家。Siūnn bē kàu in nn̄g ê ē uan-ke piàn tshin-ke. (想不到他們兩個人會冤家變親家。)　[近]冤仇人

冤家量債 uan-ke-niû-tsè
吵架。像冤家一樣爭吵不停。例：你做人大兄閣一日到暗佮小弟冤家量債，敢袂歹勢？Lí tsò lâng tuā-hiann koh tsi̍t-ji̍t-kàu-àm kah sió-tī uan-ke-niû-tsè, kám bē pháinn-sè? (你做人家大哥還一天到晚跟弟弟爭吵，難道不害臊嗎？)

原來 guân-lâi 

囝 kiánn
1.兒女、孩子。例：𪜶兩个囝攏咧讀大學矣。In nn̄g ê kiánn lóng teh tha̍k tāi-ha̍k--ah. (他兩個孩子都上大學了。)　[近]後生
2.專指男生。例：查埔囝做代誌愛有擔當。Tsa-poo-kiánn tsò tāi-tsì ài ū tam-tng. (男子漢做事要有擔當。)　
3.名詞後綴。強調小或少量。例：伊酒干焦啉一點仔囝爾爾就醉矣。I tsiú kan-na lim tsi̍t-tiám-á-kiánn niā-niā tō tsuì--ah. (他才喝一點點的酒就醉了。)　

天性 thian-sìng

煩惱 huân-ló
煩悶，不快活。例：醫生講伊無要緊，你毋免煩惱啦！I-sing kóng i bô-iàu-kín, lí m̄-bián huân-ló--lah! (醫生說他不要緊，你不用煩惱啦！)

驚  kiann
1.吃驚、害怕。例：我啥物攏毋驚。Guá siánn-mih lóng m̄ kiann. (我什麼都不怕。)；伊上驚蜘蛛。I siōng kiann ti-tu. (他最怕蜘蛛。)
2.驚嚇他人。例：你莫驚人。Lí mài kiann--lâng. (你不要嚇人。)
3.恐怕。例：驚伊毋肯來。Kiann i m̄ khíng lâi. (恐怕他不肯來。)

後擺 āu-pái
1.下次、下回。例：後擺你若閣脫箠，我就無愛共你鬥相共矣。Āu-pái lí nā koh thut-tshuê, guá tō bô ài kā lí tàu-sann-kāng--ah. (下回你再出差錯，我就不要幫你忙了。)　[近]下回、下改、後過 [反]往過、頂過、頂幫、頂擺
2.將來、未來。例：伊講伊後擺想欲做醫生。I kóng i āu-pái siūnn-beh tsò i-sing. (他說他將來想要當醫生。)　

枵 iau
餓。例：我腹肚枵矣。Guá pak-tóo iau--ah. (我肚子餓了。)

腹肚 pak-tóo　又唸作bak-tóo
肚子。例：你無代無誌哪會腹肚疼？Lí bô-tāi-bô-tsì ná ē pak-tóo thiànn? (你無緣無故怎麼會肚子痛？)

腹肚枵 pak-tóo-iau　又唸作bak-tóo-iau
肚子餓。例：伊腹肚枵咧揣物件食。I pak-tóo-iau teh tshuē mi̍h-kiānn tsia̍h. (他肚子餓正在找東西吃。) 

若 nā  
如果。例：早若知我就毋來矣。Tsá nā tsai guá tō m̄ lâi--ah. (如果早知道我就不來了。)

序大人 sī-tuā-lâng
父母親。例：咱做序細毋通予序大人操煩。Lán tsò sī-sè m̄-thang hōo sī-tuā-lâng tshau-huân. (我們做兒女的不要讓父母親為我們操心煩惱。)

著愛 tio̍h-ài
得、要、必須。例：恁阿母遮爾辛苦，你著愛較會曉想咧。Lín a-bú tsiah-nī sin-khóo, lí tio̍h-ài khah ē-hiáu siūnn--leh. (你媽媽這麼辛苦，你應該更加懂事才對。)

參詳 tsham-siông　又唸作tsham-siâng
商量、交換意見。例：我想欲佮你參詳一項代誌！Guá siūnn beh kah lí tsham-siông tsi̍t hāng tāi-tsì! (我有件事想和你商量一下！) 

興趣 hìng-tshù
1.樂於學習、注意的事。例：我的興趣是畫圖。Guá ê hìng-tshù sī uē-tôo. 　
2.對事情感到有興致，願意投入參與。例：你對政治敢有興趣？Lí tuì tsìng-tī kám ū hìng-tshù? (你對政治有興趣嗎？)

尊重 tsun-tiōng
敬重。例：做人的序細著愛尊重序大人。Tsò lâng ê sī-sè tio̍h-ài tsun-tiōng sī-tuā-lâng. (做人家的晚輩要敬重長輩。)　[反]侮辱

挐 jû/lû
1.雜亂。例：挐絞絞　jû-ká-ká(形容很亂)。
2.無理取鬧。例：走啦！莫閣挐矣啦！Tsáu--lah! Mài koh jû--ah--lah! (走開啦！不要再無理取鬧了啦！)　
3.形容人無理取鬧的樣子。例：你實在足挐的！Lí si̍t-tsāi tsiok jû--ê! (你實在很無理取鬧！)

挐氅氅 jû-tsháng-tsháng/lû-tsháng-tsháng
形容非常雜亂，毫無條理。例：規間厝舞甲挐氅氅。Kui king tshù bú kah jû-tsháng-tsháng. (整間房子弄得亂七八糟。) 

無法度 bô-huat-tōo
1.沒辦法、沒能力。例：真歹勢，我無法度共你鬥相共。Tsin pháinn-sè, guá bô-huat-tōo kā lí tàu-sann-kāng. (真不好意思，我沒辦法幫你。)　
2.表示無可奈何。例：伊欲按呢做，我嘛無法度。I beh án-ne tsò, guá mā bô-huat-tōo. (他要這樣做，我也無可奈何。)　

確定 khak-tīng
確實肯定。例：我已經確定欲來去做兵矣。Guá í-king khak-tīng beh lâi-khì tsò-ping--ah. (我已經確定要入伍當兵去了。)　 

無要緊 bô iàu-kín　合音唸作bua̋-kín
不要緊、沒關係。例：物件若好，較貴一點仔無要緊。Mi̍h-kiānn nā hó, khah kuì--tsi̍t-tiám-á bô iàu-kín. (東西如果品質好，貴一點沒關係。)　

網路 bāng-lōo 

利便 lī-piān
方便、便利。例：蹛佇都市交通較利便。Tuà tī too-tshī kau-thong khah lī-piān. (住在都市交通比較方便。)

網站 bāng-tsām 

資訊 tsu-sìn 

蓋 kài
1.超過、壓過、勝過。例：蓋世奇才　kài-sè kî-tsâi、武功蓋天下　bú-kong kài thian-hā。
2.十分、非常、極度。例：蓋巧的囡仔　kài khiáu ê gín-á(很聰明的小孩)、伊講話蓋心適。　I kóng-uē kài sim-sik. (他說話很有趣。)　
3.塗抹。例：蓋色　kài sik(塗色)、蓋蠟　kài la̍h(上蠟)。
4.胡扯、亂說。例：莫蓋矣！Mài kài--ah! (別胡扯了！)；亂蓋　luān kài(亂說)。[近]彈
5.覆蓋、閤上、遮蔽。例：蓋棺論定　kài kuan lūn tīng。

資料 tsu-liāu
可供參考或研究的材料或者記錄。

討論 thó-lūn
兩個人以上一起對事物等探討、研究並且尋求結論。例：拄著問題愛揣人討論。Tú-tio̍h būn-tê ài tshuē lâng thó-lūn. (遇到問題要找人討論。)　

知影 tsai-iánn
知道、懂得。例：你敢知影伊叫做啥物名？Lí kám tsai-iánn i kiò tsò siánn-mih miâ? (你知道他叫什麼名字嗎？)　

毋知影 m̄ tsai-iánn
不知、不知道。例：逐家攏毋知影伊走去佗位。Ta̍k-ke lóng m̄ tsai-iánn i tsáu khì tó-uī. (大家都不知道他跑到哪裡去了。)

關係 kuan-hē
1.人事物間的關連情形。例：親子關係　tshin-tsú kuan-hē。
2.對相關事物的影響、牽涉。例：這件代誌關係真重大，恁一定愛好好仔處理。Tsit-kiānn tāi-tsì kuan-hē tsin tiōng-tāi, lín it-tīng ài hó-hó-á tshú-lí. (這件事情關係很重大，你們一定要好好處理。)　

轉去 tńg--khì
回去。例：咱等一下轉去的時陣，你愛會記得買豆油喔！Lán tán--tsi̍t-ē tńg--khì ê sî-tsūn, lí ài ē kì-tit bé tāu-iû--ooh! (咱們等一下回去的時候，你要記得買醬油喔！)

掠 lia̍h
1.捕、抓。例：掠魚　lia̍h hî(捉魚)。
2.估計、估算。例：小掠一个大概仔。Sió lia̍h tsi̍t-ê tāi-khài-á. (稍微估個大概。)　
3.按摩、捏揉。例：肩胛頭共我掠一下。King-kah-thâu kā guá lia̍h--tsi̍t-ē. (肩膀幫我按摩一下。)　
4.計算拇指到其他指頭張開距離的單位。常用來當作簡便的測量工具。例：一掠長　tsi̍t-lia̍h tn̂g(一掌長)。
5.找出問題所在。例：掠漏　lia̍h-lāu(找出漏水的地方)。
6.控制使維持為某種狀態。例：掠予伊直　lia̍h hōo i ti̍t(控制使成為整齊的一直線)。
7.對著。例：掠伊金金看。Lia̍h i kim-kim-khuànn. (對著他目不轉睛地看。)　
8.購買牲畜。例：去市場掠一隻雞。Khì tshī-tiûnn lia̍h tsi̍t tsiah ke. (到市場買隻雞。)；掠豬仔囝來飼。Lia̍h ti-á-kiánn lâi tshī. (買小豬回來養。)　
9.下載。例：上網掠資料。Tsiūnn-bāng lia̍h tsu-liāu. (上網去下載資料。)

大概 tāi-khài　又唸作tāi-kài 

爸母 pē-bú
父母。稱謂。父親與母親。

欲 beh/bueh
1.要、想，表示意願。例：你欲去無？Lí beh khì--bô? (你要去嗎？)
2.將要、快要。例：欲落雨矣。Beh lo̍h-hōo--ah. (要下雨了。)；天欲光矣。Thinn beh kng--ah. (天要亮了。)　
3.若是、如果，表示假設。例：欲我，早就佮伊變面矣。Beh guá, tsá tō kah i pìnn-bīn--ah. (要是我，我早就跟他翻臉了。)　

到 kàu
1.抵達、到達。例：到位矣。Kàu-uī--ah. (到達了。)；到厝矣。Kàu tshù--ah. (到家了。)　
2.到了、到期。例：時間到矣。Sî-kan kàu--ah. (時間到了。)；到今為止　kàu-tann uî tsí(到現在為止)。
3.賭博時表示胡牌的用語。例：你拍五筒，我就到矣！Lí phah gōo-tông, guá tō kàu--ah! (你打五筒，我就胡了！)　

轉來 tńg--lâi
回來。例：你當時欲轉來？Lí tang-sî beh tńg--lâi? (你何時要回來？)

好好仔 hó-hó-á
好好地。例：無閒遮久矣，你著好好仔歇睏。Bô-îng tsiah kú--ah, lí tio̍h hó-hó-á hioh-khùn. (忙了這麼久，你要好好休息。)　

斟酌 tsim-tsiok
1.形容做事小心謹慎。例：這件代誌你愛想予斟酌。Tsit kiānn tāi-tsì lí ài siūnn hōo tsim-tsiok. (這件事你要想清楚。)　
2.詳細考慮。例：這件代誌請逐家斟酌一下，毋通凊彩就決定。Tsit kiānn tāi-tsì tshiánn ta̍k-ke tsim-tsiok--tsi̍t-ē, m̄-thang tshìn-tshái tō kuat-tīng. (這件事請大家詳細考慮一下，不要隨便就決定。)　[近]參詳
3.注意，特別仔細專注做某事。例：你斟酌一下，應該聽會著。Lí tsim-tsiok--tsi̍t-ē, ing-kai thiann ē tio̍h. (你注意一下，應該聽得到。)；斟酌看　tsim-tsiok khuànn(注意看)。