Plantando froiteiras

MAPAS

Dadas as condicións de minifundio no entorno rural de Guillade, as parcelas dun mesmo propietario/a soen estar separadas fisicamente por parcelas doutros propietarios/as e acostuman posuír unha extensión mínima, dunhas poucas áreas. É raro atopar unha parcela que supere as 10 áreas. A seguir figuran as parcelas nas que imos prantando árbores.

FONDÓN

Superficie aproximada 3 áreas (30 por 10 metros).

En decembro de 2013, plantamos 12 maceiras de variedades autóctonas galegas, a maioría mazás de mesa, en dúas fileiras de 6 maceiras cada unha.

A primeira fileira (sur), en orientación oeste-leste, leva 3 Camoesas, 1 San Isidro e 2 Roxelias.

A segunda fileira (norte), en orientación oeste-leste, leva 1 Sangue de Touro, 1 Príncipe, 2 Repinaldo, 1 Xosé Antonio, 1 Tornadela.

PORTECELOS

Superficie aproximada 1,5 áreas (30 por 5 metros)

En decembro de 2013 plantamos 6 maceiras nunha única fileira, en orientación leste-oeste leva: 1 Granny Smith, 1 Xosé Antonio, 1 Sangue de Touro, 2 Mingán, 1 de nome descoñecido, de cor branca, máis ben pequena, de novembro-decembro, traída de Marín (Branca de Marín).

Decembro 2014:

Secou a maceira Granny Smith. Reemprázase por unha Sangue de Toura. Secou a de cor branca e substitúese por unha Mingán.

Marzo 2015:

Auméntase a superficie plantada unhas 4 áreas máis (400 metros), con 16 maceiras, en tres fileiras:

- 3 Regona, 2 peros brancos; 2 prieta, 2 marafonsa, 2 tres en cunca, 2 ollo mouro, 3 reineta raiada (do país).

Outubro 2017:

As maceiras referidas antes arden a causa dun incendio.

Marzo 2019:

Sobre os brotes renacidos enxértanse variedades autóctonas locais: de Natal, De Pebida, Colorada de outubro, etc.

CERRADA

Superficie aproximada 7,5 áreas (50 por 15 metros, forma irregular). Plantáronse 2 castiñeiros e 2 nogueiras do país compradas de 2 anos, outras dúas nogueiras de 1 ano, 1 cerdeira para enxertar (decembro 2013).

Decembro 2014

Plántanse de estaca 11 maceiras variedade Salgueiriña, para sidra. Facemos 8 buracos para plantar nogueiras e polo momento prantáronse 2 nogueiras ventureiras (en total hai xa 6 nogueiras plantadas).

SORRIBAS

Superficie aproximada de 2,5 áreas (30 por 8 metros)

En decembro de 2012, plantamos 5 aguacates (de semente, para enxertar), 2 abeleiras, 2 nésperos, 2 milgrandeiras

BUCIO

Superficie aproximada de 8 áreas (dúas parcelas, de 20 por 25 m + 30 por 10 m). Plantamos en decembro de 2012:

4 maceiras: 1 Royal Gala, 1 Fuji, 1 Reineta branca, 1 Reineta (de setembro-outubro)

5 pexegueiros para enxertar (melocotón e peladillo)

2 cerdeiras (1 Burlat e 1 do país)

1 ameixa verde autóctona

1 paraguaio

1 laranxa navelina

1 clementina

2 nésperos

2 aguacates

2 guindeiras

En decembro de 2013:

2 mirabeles do país

2 ameixas cor vermellizo, comerciais (Fortuna e Santa Rosa)

1 ameixa morada pequena

2 pereiras comerciais (Victoria e Willians)

1 milgrandeira

Decembro 2014:

Plántase un limoeiro, 1 pexegueiro para enxertar e 2 claudias verdes.

A CHAROLA

Superficie aproximada 3,5 áreas (30 por 12 metros).

En xaneiro de 2014 plántanse 14 froiteiras (11 maceiras, 2 cerdeiras, 1 mirabel), en dúas fileiras, con orientación este-oeste.

Na primeira fileira, do lado sur, e dende abaixo a arriba plántanse: 1 cerdeira, 6 maceiras (2 maceiras repinaldo, 1 raíña de reinetas, 1 reineta encarnada, 1 sangue de touro, 1 príncipe)

Na segunda fileira, do lado norte, e dende abaixo a arriba, plántanse: 1 cerdeira, 1 mirabel, 5 maceiras (1 maceira mingán, 1 porta da loja, 1 de san xoán encarnada, 1 san isidro, 1príncipe).

Decembro 2014:

Plántase unha maceira reineta encarnada no lugar dunha cerdeira que secou.

O TALLO

Superficie aproximada 1,5 áreas (30 por 5 metros)

Plantadas, 2 laranxeiras navelinas (no 2011), 1 ameixa verde (autóctona, no 2012), 1 cerdeira (no 2011), 1 maceira enxertada (rosada de xullo, en 2012), 1 pexegueiro para enxertar, 1 cítrico para enxertar, 1 nogueira (en 2005, de noz, xa en produción), 1 limoeiro (en decembro 2103).

O LEDO

Superficie aproximada 10 áreas (dúas parcelas, a primeira de 40 por 15 metros, e outra máis recente de 20 por 20 metros)

O eido do Ledo sitúase nunha ladeira de monte, de orientación oeste (dálle o sol pola tarde), en varios socalcos. Meu pai prantou alí maceiras cando ía á escola en Guillade, é dicir, haberá como pouco 60 ou 65 anos, por suxestión do seu mestre. A maceira máis prantada era a coñecida como Salgueiriña, que madura en agosto e que tamén foi utilizada para sidra. Daquela tíñase por costume prantar as maceiras nos matos improdutivos dalgunhas veigas.

Na primeira parcela podemos atopar 4 ou 5 maceiras Salgueiriñas xa moi vellas (60/70 anos), 2 maceiras riscadas de novembro, 2 maceiras do Natal, e outras máis novas como unha maceira de San Xoán (enxertada por min hai máis de 10 anos), dúas tabardillas de setembro-outubro, unha Royal Gala de 4 anos, unha Fuji de 4 anos, unha Reineta (ou Tabardilla) verde-amarela de maduración en Agosto. Mezcladas no pomar hai outras árbores tales como:

Pexegueiros varios, ao menos media ducia, maduración desde fins de agosto a outubro.

3 Melocotoneiros, todos enxertados en pexegueiro, dunha variedade durácea (carne pegada ao óso) que madura en xullo-agosto.

3 Peladilleiros, enxertados, de dúas variedades, unha de San Xoán e outra de Agosto.

Pereiras de varias variedades (urraca, limoeiras de agosto, de xullo)

2 Pereiros de fins de xullo (cerquiños)

2 pereiras carneiras (outubro-novembro)

2 peros de Natal

2 guindeiras

1 néspero

2 abeleiras

1 oliveira

1 albaricoqueiro

1 mandarina

2 laranxeiras do país

1 figueira

3 feixoas

1 fatoeiro

1 ameixa verde

.....

Na segunda parcela, de terra máis cha e fértil as árbores son novas, menos de 10 anos, e podemos atopar:

3 claudias amarelas de maduración en xullo

1 claudia verde de agosto

2 melocotoeiros de comezos de agosto

1 peladilleiro de San Xoán

2 peladilleiros de comezos de agosto

2 peladilleiros brancos e duráceos de agosto

1 maceira rosada de xullo

1 albaricoque

1 néspero

1 laranxa navelina

1 limoeiro

Framboesas

1 pereira de San Xoán

1 paraguaio

1 maceira Golden

2 kiwis

3 portainxertos M9 para maceiras

O REGATEIRO

En xaneiro de 2015 plantamos 14 árbores: 1 mirabel, 9 maceiras e 4 pereiras:

. Un mirabel, 1 reineta encarnada, 1 reina de reinetas, 1 reineta gris, 1 reineta branca, 1 Xosé Antonio, 1 Camoesa.

. Unha pereira bigán, 1 caruxa, 1 urraca grande, 1 willians, unha maceira sangue de touro, 1 repinaldo, 1 golden.

Outubro 2017:

As maceiras arden por causa dun incendio. Son repostas con variedades similares.