Tema 2
TEMA 2: (Resumo dos contidos)
A nutrición: o noso corpo necesita nutrientes e enerxía para funcionar. Obtéñense grazas a función de nutrición.
Aparellos e sistemas que interveñen na función de nutrición. Son catro (4) que traballan de forma coordinada: dixestivo, respiratorio, circulatorio, excretor. Cada un destes aparatos realiza unha tarefa:
O aparato dixestivo transforma en nutrientes os alimentos e expulsa os residuos ao exterior en forma de feces.
O aparato respiratorio toma o osíxeno do aire a través dos pulmóns e expulsa ao exterior o dióxido de carbono, que é un residuo que se produce en todas as células.
O aparato circulatorio leva os nutrientes e o osíxeno ás células. Tamén se encarga de transportar os refugallos para eliminalos.
O aparato excretor está formado polo sistema urinario e as glándulas sudoríparas. Encárgase de eliminar os refugallos producidos polas células. Mestúraos con auga para producir a urina e a suor.
1.-A función de NUTRICIÓN: teñen lugar distintos procesos:
O noso organismo toma o osíxeno do aire e transforma os alimentos en substancias máis sinxelas, chamadas nutrientes.
Nas células, o osíxeno e os nutrientes transfórmanse en enerxía para realizar as funcións vitais.
O osíxeno e os nutrientes tamén se transforman en materia, necesaria crecer e renovarse. Durante todo este proceso, prodúcense substancias de refugallo que o corpo expulsa ao exterior.
A).-O PROCESO DIXESTIVO:
Ten varias fases e prodúcese nos diferentes sistemas:
1.-Unha vez que se produce a inxesta de alimentos pola boca, transformanse no aparato dixestivo (tubo dixestivo+glándulas disxestivas) e parte deles saen polo aparato excretor (feces, ouriños, suor..)
2.-Parte dos nutrientes dos alimentos pasan ao sangue e de ahí ao resto do corpo.
Fases do proceso dixestivo (son 3):
1.Dixestión. 2.Absorción. 3.Saída dos refugallos.
*Tubo dixestivo: é o conduto polo que pasan os alimentos. Está composto pola boca,farinxe, esófago, estomago, intestino delgado, intestino groso e polo ano.
*Glándulas dixestivas: Son órganos que xeran substancias que facilitan a dixestión no tubo dixestivo. Son: glándulas salivares (na boca), fígado e páncreas.
*Órganos do aparato dixestivo = tubo dixestivo + glándulas dixestivas. É dicir, boca, glándulas salivares, farinxe, esófago, estómago, fígado, páncreas, intestino delgado e groso e ano.
*Quimo (no estómago): está formado polo bolo alimenticio + os zumes gástricos.
*Quilo (no intestino delgado, é a fase de absorción) formado polo Quimo + os zumes segregados polo fígado e páncreas.
B).-A RESPIRACIÓN:
O aparato respiratorio obten osíxeno do aire (inspiración) e expulsa dióxido de carbono (coa expiración), que son transportados polo sangue.
Formado polas: fosas nasais, a larinxe, a traquea, os bronquios, os bronquiolos, os pulmóns (2) e no seu interior,os alvéolos pulmonares onde se produce o intercambio de gases.
*Intercambio de gases: prodúcese nun saquiños chamados alvéolos pulmonares.
Neles, o osíxeno do aire pasa ao sangue e o dióxido de carbono do sangue é expulsado ao exterior.
C).-A CIRCULACIÓN: (a viaxe dos alimentos).
O aparato circulatorio: transporta os nutrientes e osíxeno a todas as células do organismo e recolle os produtos de refugallos para expulsalos.
Está formado polo: corazón, os vasos sanguíneos (veas, arterias e capilares) e o sangue (líquido vermello que transporta nutrientes e gases e recolle os refugallos).
O corazón é o órgano que bombea o sangue. Formado por 2 cavidades superiores, aurículas e 2 inferiores ou ventrículos (ambas dereita e esquerda).
A circulación pode ser:
1.- Xeral ou maior: leva o sangue desde o corazón (ventrículo esquerdo, pola arteria aorta) e chega ás células de todos os órganos, onde desde os capilares, cede o osíxeno e recolle os refugallos. Ou o que é mesmo, leva o sangue osixenada a todo o corpo agás aos pulmóns e retorna desosixenada ao corazón (pola aurícula dereita).
2.- Pulmonar ou menor: é o recorrido que fai o sangue pobre en osíxeno desde o corazón dereito aos pulmóns a través da arteria pulmonar e volve osixenada ao corazón esquerdo a través da vea pulmonar.
D).-A EXCRECIÓN: (eliminación de refugallos do noso corpo)
Formado polo sistema urinario (riles (2), uretra, uréteres e vexiga urinaria) e as glándulas sudoríporas.
As glándulas sudoríporas:
-Repartidas pola pel.
- Producen e eliminan suor.
- A suor contén substancias tóxicas e axuda a regular a temperatura do noso corpo.
Fonte: libro SM editorial
2.-Función de RELACIÓN (interven o sistema nervioso e o aparato locomotor).
É a que permite captar estímulos procedentes do exterior do noso corpo e responder a eles.
(Explicación: "podemos dicir que mediante esta función, o noso organismo capta o que ocorre tanto no medio externo coma no noso propio corpo por medio dos receptores, e responde de maneira máis axeitada (adecuada) grazas ao sistema nervioso e ao aparato locomotor").
Os sentidos: os receptores externos agrúpanse nos órganos dos sentidos: ollos, nariz, lingua, oídos e pel (reciben a información do exterior).
Os sentidos son: a vista, o olfacto, o gusto, o oído e o tacto.
O sistema nervioso: recibe a información que captan os sentidos, interprétaa e elabora as respostas apropiadas a cada situación.
Sistema nervioso está formado por :
Sistemas Nervioso Central (SNC) + Sistema Nervioso Periférico (SNP)
1.-Sistema Nervioso Central (SNC): está formado polo encéfalo + médula espiñal.
A.-Encéfalo (protexido polo cranio), está formado polo: cerebro + cerebelo + bulbo raquídeo.
B.-Medula espiñal: atópase no interior da columna vertebral.
A.-Encéfalo: (cerebro + cerebelo + bulbo raquídeo).
Cerebro: interpreta as sensacións que recollen os sentidos. Controla a memoria, emocións e accións voluntarias.
Cerebelo: coordina os movementos e o equilibrio
Bulbo raquídeo: une o encéfalo coa medula espiñal e controla os movementos involuntarios.
B.-Medula espiñal: é un cordón de tecido nervioso que, a través dos nervios, conduce a información do encéfalo ao resto do corpo, e viveversa.
2.-Sistema Nervioso Periférico (SNP):
Está constituído por un conxunto de nervios, que percorren o corpo e conectan o sistema nervioso central (SNC) cos órganos.