მიწის სტატუსის შეცვლა გურჯაანში 577 27 27 41 

გურჯაანი კახეთის მხარეში მდებარე მუნიციპალიტეტია. იგი უძველესი დროიდან ყოფილა დასახლებული, აღმოჩენილია ქვის ხანის ადამიანის სადგომი. მუნიციპალიტეტის ტერიტორია მჭიდროდ ყოფილა დასახლებული როგორც ბრინჯაოს, ისე ანტიკურ და ფეოდალურ ხანაში. ეს ისტორიული დასახლება მრავალი ბრძოლის მოწმეა: განსაკუთრებით აღსანიშნავია კახეთის 1812 წლის გლეხთა აჯანყება რუსეთის თვითმპყრობლური პოლიტიკის წინააღმდეგ.

სახელ გურჯაანს თურქული წარმოშობა აქვს: სიტყვა „გურჯ“ თურქულია და ქართველს ნიშნავს, ხოლო „გურჯაანი“ — ქართველთა სადგომს. რაიონში არის საშუალო პროფესიული და უმაღლესი სასწავლებლები, ასევე ბიბლიოთეკები, თეატრები და მუზეუმები.

გურჯაანში წამყვანი დარგი სოფლის მეურნეობაა, ძირითადად მევენახეობა და მეცხოველეობა. მუნიციპალიტეტში რამდენიმე ღვინის და სპირტის ქარხანაა, ასევე სხვა პროფილის მცირე საწარმოები. რაიონის ტერიტორიაზე გადის სარკინიგზო და საავტომობილო მაგისტრალები. გურჯაანი ძალიან ლამაზი და კულტურული ძეგლებით მდიდარი რაიონია. აქ ნახავთ სხვადასხვა პერიოდის ციხე-სიმაგრეებს, ნამოსახლარებსა და მნიშვნელოვან ტაძრებს.

განსაკუთრებით ცნობილია ორგუმბათიანი გურჯაანის ყველაწმინდა. რაიონის მნიშვნელოვანი ბუნებრივი სიმდიდრეა ფსევდოვულკანური სამკურნალო ტალახი, რომლის ბაზაზეც არის აშენებული კურორტი ახტალა. აქ არის მოზრდილთა და ბავშვთა სანატორიუმი, პოლიკლინიკა და ტალახსამკურნალო სააბაზანო. 

გეოგრაფია და კლიმატი 

გურჯაანის მუნიციპალიტეტი აღმოსავლეთ საქართველოში, კახეთის მხარეში მდებარეობს. მისი ადმინისტრაციული ცენტრია ქალაქი გურჯაანი. მუნიციპალიტეტი მოიცავს ქ. გურჯაანის, სოფელ ვაჩნაძიანისა და სოფელ კახიფარის, კალაურის, სოფელ შაშიანის, სოფელ ვაზისუბნის, სოფელ მუკუზნისა და სოფელ ზეგაანის, სოფელ ველისციხის, სოფელ ახაშნის, სოფელ ჩუმლაყისა და სოფელ ყიტაანის, გურჯაანის, ჭანდრის, სოფელ ძირკოკის, სოფელ ვეჯინის, სოფელ კოლაგის, სოფელ ბაკურციხის, სოფელ კარდენახის, სოფელ ჩალაუბნის, სოფელ მელაანის, სოფელ კაჭრეთის, სოფელ ზემო კაჭრეთის, სოფელ ნანიანის, სოფელ ჯიმითის, სოფელ არაშენდის, სოფელ ქოდალოს, სოფელ დარჩეთის, სოფელ ზიარისა და სოფელ ფხოველის, სოფელ ჭერემის ადმინისტრაციულ ერთეულებს.

გურჯაანს დასავლეთით ესაზღვრება საგარეჯოს მუნიციპალიტეტი, სამხრეთ-აღმოსავლეთით - სიღნაღის, ჩრდილო-დასავლეთით - თელავის, ჩრდილოეთით - ყვარლის, აღმოსავლეთით კი - ლაგოდეხის მუნიციპალიტეტები. გურჯაანის ტერიტორია უმეტესად დაბალმთიანია, ზოგან არის საშუალომთიანი რელიეფიც. მუნიციპალიტეტი მდინარე ალაზნის აუზშია მოქცეული, რომელიც რაიონის მთავარი სამდინარო არტერიაა. რაიონის შუა ნაწილში გომბორის საშუალომთიანი ქედია აღმართული, სამხრეთ-დასავლეთ ნაწილში ივრის ზეგნის მონაკვეთია შემოჭრილი, აღმოსავლეთით კი ვრცელდება ალაზნის მთათაშორისი ვაკე.

გურჯაანის მუნიციპალიტეტში ზომიერად ნოტიო სუბტროპიკული ჰავაა. აქ მკვეთრად გამოხატული ჰავის სიმაღლებრივი ზონალობაა. მუნიციპალიტეტის აღმოსავლეთით ვაკეზე ჩამოყალიბებულია ზომიერად ნოტიო ჰავა, ზომიერი ზამთრითა და ცხელი ზაფხულით, გომბორის ქედზე ხანგრძლივი ზაფხული იცის, ივრის ზეგანზე კი მშრალი სუბტროპიკული ჰავაა, ზომიერად ცივი ზამთრითა და საკმაოდ ცხელი ზაფხულით. საშუალო წლიური ტემპერატურაა 12.4 °C, იანვრის საშუალო ტემპერატურა 0.9 °C-ა, აგვისტოსი კი - 23.6 °C.

წყარო: https://georgiantravelguide.com/ka/gurjaani

👉 ბიზნეს გეგმების სრული სია იხილეთ >>> https://www.gen.ge/business-plans/