«ЁН ПАБУДАВАЎ САБЕ ПОМНІК»

За сваю нястомную працу меў мноства ўзнагарод. Сярод іх падзякі і Ганаровыя граматы розных узроўняў, медалі «За працоўныя заслугі», «Выстава народнай гаспадаркі СССР», ордэны «Кастрычніцкай рэвалюцыі», «Знак пашаны», «Працоўнага сцяга». Неаднаразова абіраўся ў прадстаўнічыя органы ўлады - мясцовы, раённы і абласны Саветы, быў дэпутатам Вярхоўнага Савета БССР Х склікання. 

Задоўга да сучаснай праграмы па адраджэнню вёскі Аляксандр Аляксандравіч стварыў у Бердаўцы сапраўдны аграгарадок з добраўпарадкаваным жыллём і інфраструктурай, якія па тых часах ні ў чым не саступалі гарадскім. 

У гонар Аляксандра Аляксандравіча Каранюка яшчэ пры жыцці названа вуліца ў аграгарадку Бердаўцы. 

Яго імя занесена ў раённую Кнігу Народнай Славы. У 2013 г. удастоены звання «Ганаровы грамадзянін Лідскага раёна». «Іменная» зорка змешчана на памятным знаку «Гордасць Лідчыны» (г.Ліда, пляцоўка перад Лідскім гісторыка-мастацкім музеем)

Аўтар кнігі «Сэнс жыцця» (2014).