СЯЛЯНСКАЯ КАМОРА

Апярэджваем ваша пытанне: а ці ёсць у музеі мужчынскі кут?

Вядома! Так мы называем нашу сялянскую камору!

Уяўляеце, колькі загадак хаваецца ў нашай каморы?!

Вось дзе ў нас сярод гэтых прылад працы тая,
пра якую казалі: бацька з сажань, маці з пядзень,
а дзетак – жменька?!

Так! Гэта — граблі!

Тут знайдзіце адказ на загадку:
брат з братам б’ецца, бела кроў ліецца

Вось яны — жорны! Імі сяляне малолі муку.

Гэта вырабы бондара...

Бондарства — рамяство па вырабу ёмістасцей і посуду з драўляных клёпак. Бондар – майстар па вырабу драўлянага посуду (бочак, дзежак, цаброў)

Гэта — работа лозапляцельшчыка...

Лозапляценне — народны промысел па вырабе рэчаў з лазы.
Раней з лазы рабілі загарадзі, кузавы саней і вазкоў, посуд, пасткі для птушак і звяроў і нават рыбалоўныя сеткі