A materia de Técnicas de Expresión Gráfico-Plástica pretende que o alumnado adquira o coñecemento e a aplicación dos recursos, as técnicas, os métodos e as aplicacións instrumentais que utilizaron e seguen utilizando os/as artistas ao longo da historia.

A materia tamén permite o desenvolvemento de competencias, en especial a de conciencia e expresións culturais, posto que o alumnado vai afondar e entender como se desenvolveron ao longo da historia os procesos e as técnicas que permitiron aos/ás artistas manifestar as vivencias de cada época nas obras de arte. Así mesmo, a materia vai desenvolver no alumnado a capacidade de aprender a aprender, xa que, por ser unha materia de carácter teórico-práctico, permite mellorar os coñecementos propios a partir da observación de producións de artistas e a comparación coas súas propias producións.

Un coñecemento exhaustivo das técnicas gráfico-plásticas tradicionais nos campos do debuxo, a pintura e o gravado, así como noutras técnicas mixtas e alternativas máis recentes, achégalles aos alumnoes e ás alumnas a capacidade de expresaren e desenvolveren as súas propias ideas e plasmalas, da forma máis adecuada posible, creando obras gráficas tecnicamente adecuadas. Desde o coñecemento, o alumnado comunica a través da creación das súas propias imaxes e experimenta con materiais procurando solucións adecuadas aos seus obxectivos.

O desenvolvemento das capacidades creativas vaille permitir ao alumnado iniciarse no campo das artes gráficas, desenvolvendo un espírito crítico dentro do mundo da plástica. Ademais, a través dos coñecementos adquiridos, poderá apreciar cunha profundidade moito maior o valor do patrimonio artístico e, xa que logo, fomentar actitudes de respecto cara a este.

Esta materia estrutúrase en bloques: "Materiais", "Técnicas de debuxo", "Técnicas de pintura", "Técnicas de gravado e estampaxe" e "Técnicas mixtas e alternativas".

LOMCE

• CREA UN CARTAFOL DE DRIVE PARA ESTA MATERIA ( pon o teu nome e apelidos xunto o nome da MATERIA no cartafol)

1. Ve a drive. google. com no teu computador.

2. Fai click no cartafol que queiras compartir.

3. Fai clic en Compartir .

4. En "Persoas", escribe a dirección dos correos electrónicos cos que vas a compartir o cartafol: luzbelos@gmail.com, eduplasticaluzbeloso@gmail.com, audiovisualmorrazo@gmail.com, luzbelosorodriguez@gmail.com

5. UNHA VEZ CREADA ENCHER FORMULARIO, DATA LÍMITE 5 DE OUTUBRO https://forms.gle/M4b3GCZkffRwoWb57