GGKE

Garapenerako Gobernuz Kanpoko Erakundea

Proiektu hau taldean egiteko jarduera da; ikasleek hiru edo lau lagunen artean osatuko dute lana.

Talde-lana

• Planifikatu proiektua, adostutako denbora-tartearen arabera.
• Lan hau burutzeko guztion elkarlana beharrezkoa da.
• Entzun eta errespetatu besteen ideiak, zureak inposatu gabe.
• Lan egin ganoraz.
• Taldekide batek zerbait txarto egiten badu, modu onean zuzendu.
• Eutsi giro onari; alegia, elkar errespetatu.
• Bakoitzak bere ideiak aurkeztu behar ditu; horretarako, kontrolatu zeure burua.
• Elkarrekin ikasten dugu, eta elkarrekin lan egiten ikasten dugu.

Astean behin, irakurketa izaten da gaia Euskara eta Literatura arloan. Talde handian eta ozenki irakurtzen dugu aukeratutako liburua, ebaluazio bakoitzean, bat. Ikasleek hainbat jarduera egiten dituzte; izan daiteke era dialogikoan irakurtzea, lexikoa lantzea..., baina ezinbestekoa da ikasleek irakurritakoaren laburpena idaztea bukaeran (10-15 lerro).

Behin, Carlotaren egunkari morea izeneko liburuan irakurri genituen GGKE siglak, baina klaseko inork ez zekien horren esanahia, ezta erdarazko baliokidea ere; eta ezjakintasun horretatik abiatzen gara proiektu hau garatzeko.

Bestalde, erabaki genuen gaur gure gizartean dagoen errealitate hori ezagutarazi behar geniela ikasleei, eta beheko aurkezpenean zehaztuta dagoen bezala prestatuko dute proiektua.

Egin klik, eta irakur ezazu Euskadiko GGKE-en Kordinakundeen webgunean dagoen informazioa: