Atal honetan, irakaslegoak kontutan hartu behar dituen hainbat aspektu interesgarri aipatzen dira. Beren helburua, geletan egiten den lana ahal den hobekien egitea eta irakasle-taldean adostu diren aspektuak kontuan hartzea da.
KONTUAN HARTZEKO...
Programa egiteko behar diren artxiboak: gidoia sortzeko eredua eta sintonia, irakasle-taldeak konpartituta duen "Sanfranirratia" karpetan daude.
Gidoia prestatzeko ereduaren kopia egin behar da ikasleekin konpartitzeko. Artxibo berri hau izendatzeko, programaren data eta taldearen izena jarriko da. Ondoren, dagokion ikasturtearen karpetan gordeko da.
Irratsaioak txandaka egingo dira, egutegian jarritako ordenari jarraituz. Gela bakoitzean, talde txikiagoak egingo dira haien artean atalen prestaketa banatzeko.
Programen iraupena 15 minututakoa izango da. Beti haurrek irratirako sortu duten sintoniarekin hasi eta bukatuko da eta egitura berdina izanen du atal batzuk jorratuko direlarik, tartean musika jarrita.
Atal batzuk finkoak izango dira programa guztietan:
HASIERAKO SARRERA eta AGURRA:
Sintoniaren musika
Hasierako agurra (egunero sarrera bera edo antzekoa)
Sintoniaren musika
AGENDA (Iruñerrian datzoen egunetan egingo diren ekitaldien berri)
BERRIAK (eskolakoak)
GOMENDATZEKO MUSIKA EUSKARAZ:
“Herri kanta” bat
Modernoagoa den beste bat
"ASMAZAN, ASMAZAN" atala: Haurrek pista batzuk emanen dituzte, entzuleek asma dezaten. Programan asmakizuna esan ondoren, esanen dute erantzuna hurrengo programan jakinaraziko dutela, beraz hurrengo programan atal honen hasieran erantzuna eta irabazleen izenak esan behar dira.
BUKAERA eta AGURRA:
Sintoniaren musika
Bukaerako agurra (programa guztietan bukaerako agurra berdintsu eginen dute)
Sintoniaren musika
Aukerako 2 atal gehiago sar daitezke programa bakoitzean: Aukerak zabalak dira, esate baterako, eguraldia, literatur txokoa, zinema txokoa, elkarrizketa, ipuinaren ordua...
Garrantzitsua da kontuan hartzea, aurreko astearen lehiaketaren irabazleen izenak esan behar direla "Asmazan, asmazan" atalean. Horretarako, irratiaren gelatxo ondoan dagoen buzoian egongo diren erantzunak, aldez aurretik hartu beharko dira.
Eskolan, programa ostiraletan megafoniatik emitituko da eta web orri honetan pod-cast moduan argitaratuko da "Irratsaioak" atalean.
Irratsaioak zuzenean egingo balira bezala grabatuko dira irratirako eskolan atondu den gelan, barruan bakarrik atal bakoitzean hitz egingo duten pertsonak egonen dira, gainerakoak, bitartean kanpoan isil-isilik egon behar dute. Horretarako, kanpoan dagoen piloto gorriari kasu egin behar diote, gorria dagoenean grabatzen ari den seinalea baita.
Hurrengo atalean hitz egin behar duten pertsonek gelatxo barrura sartzeko aldaketa, musika jartzen den bitartean eginen dute.
Irakasle bakoitzak bera gelak sortu duen irratsaioaren ardura hartuko du, megafoniatik antenan jartzeko eta web orri honetan argitaratzeko.