Dakizunez, eskolan irratsaioak sortzen eta emititzen hasiko gara. Noizbait entzun al duzu irratsaioren bat? Ba al dakizu zer egiten den irratsaioa antenan jarri baino lehen? Nola planifikatzen den? Ze hizkuntza erregistroa erabiltzen den?...
Hauxe da, hain zuzen ere, jarduera honetan egingo duguna: irratsaio bat entzun eta aztertu. Modu honetan, gurea egiten dugunean, nola egin behar dugun jakiteko.
Jarrai ditzagun pausuak!!
---------------------------------------------------------------------------------------------------------------------
ZER DAKIGU IRRATSAIOEI BURUZ?
Gelan sortuko den elkarrizketan parte hartu, zure ideiak besteekin partekatu eta besteenak arretaz eta errespetoz entzun. Bitartean, zure irakasleak kartulina batetan "ZER DAKIGU?" jartzen duen zutabean, esaten duzuen guztia idatziko du.
Ondoren, gure eskolan grabatutako irratsaio bat entzungo dugu, (2017-03-28-koa https://www.ivoox.com/17767232 ) eredu bezala erabiliko dugu gurea prestatzeko. Beraz, irratsaioaren planifikazioan arituko gara oraingoan. Hausnarketa eginen dugu konturatzeko, batez ere, informazio bat ahoz ematen denean, ze nolako aspektuak hartu behar diren kontutan. Horretarako entzun-gida jarraituko dugu eta entzundako irratsaioaren ebaluazioa errubrikarekin eginen dugu. Horrela, garbi edukiko dugu zer den lortu nahi duguna.
Irratsaioa zatika entzungo dugu; bitartean, entzun-gidak eskatzen duena betetzen joaten zara. Aurrera!
(Erantsitako artxiboetatik deskargatzeko aukera)
Berriz, kartulinan ikasitako aspektu berriak beste zutabe batean apuntako ditugu (ZER IKASI DUGU?). Kartulina hau oso lagungarria izango da guretzako, gure irratsaioa prestatzen dugunean.
ZER MODUZ? ASKO IKASI AL DUZU? ZER?
PROZESU OSOAN ZEHAR ERABILIKO DEN ERRUBRIKA
