EXPOSICIÓNS
EXPOSICIÓN PRINCIPAL SOBRE
O MAR
O martes, día 9 de outubro, montamos a exposición permanente O MAR.
Para levala a cabo contamos coa inestimable colaboración dos exalumnos e irmáns Suso e Toni Fernández Fernández, naturais de Celeiro, bandeira dos colaboradores sempre implicados en todo tipo da actividades referente á cultura e difusión da marca Celeiro.
O material fotográfico foi cedido polo Seminario de Estudos “Terra de Viveiro”, con imaxes do seu arquivo e do fotógrafo Xavier Lombardero.
A mostra preséntase na entrada principal do colexio.
Na parte esquerda pretendemos representar a réplica dunha chabola cos aparellos propios necesarios para a pesca: redes, agullas de coser o aparello, remos, risón… así coma unha retrospectiva con imaxes da actividade pesqueira nas súas variadas artes: cerco, arrastre, bonito…
Na parte dereita expóñense as roupas de augas e de salvamento marítimo, ademáis dos aparellos relativos á navegación, comunicación e pesca: alidada, compás, sestante, radar, sonda, bitácora, libro de navegación coas páxinas de acaecimentos…
Complétase a exposición cunha mostra de bivalvos e crustáceos do noso litoral e todo ilustrado con fotografías da memoria colectiva mariñeira do noso porto.
Nunha segunda achega de material correspondente á navegación, o Capitán da Mariña Mercante e Práctico de Porto, Andrés Díaz Ferro, colaborou coa mostra aportando cartas náuticas e aparellos de navegación. A súa implicación no proxecto O MAR completarase cunha visita a bordo dun barco mercante, prevista para o vindeiro mes de Novembro. A colaboración dos profesionais do mar seguirá cunha visita guiada ao barco arrastreiro no que nos “embarcará” o Capitán de Pesca José Pino González, ademais dunha explicación práctica que levará a cabo o xefe de cancha de Puerto Celeiro S.A., José Míguez Fernández.
Dende o Centro invitamos ás familias a visitar esta exposición.
CARPINTERÍA DE RIBEIRA
AS FAMILIAS TAMÉN PARTICIPAN
EXPOSICIÓN DE DEBUXOS DE NÓS
SEVERINO BALSEIRO PARDO
RENOVAMOS A EXPOSICIÓN PRINCIPAL
LITORAL E MULLER TRABALLADORA
MULLER TRABALLADORA E MULLER MARIÑEIRA
NO TERCEIRO TRIMESTRE RENOVAMOS A EXPOSICIÓN CON FOTOGRAFÍAS DE
BARCOS, TRIPULACIÓNS E
ARTES DE PESCA