Mes das Bibliotecas Escolares
BOLSIÑAS PARA LEVAR O LIBRO PARA A CASA
LIBROS PARA A BIBLIOSOÑOS
Para celebrar o Día da Biblioteca mercamos libros novos que podemos ver na seguinte presentación.
Como xa nos chegaron as novas bolsas para levar os libros para a casa, todos os alumn@s de Infantil participaron nun acto onde as profesoras lles explicaron todo o procedemento para levar os libros da Bibliosoños e como teñen que cuidar as bolsiñas azuis.Tamén tiveron tempo para escoitar e ver os vídeos da última canción para a Biblioteca e unha sesión de contacontos da profesora Cristina.
DRAMATIZACIÓN DO LIBRO NADARÍN
Leo Lionni
AS MOCHILAS VIAXEIRAS
Os libros gustan da viaxe e da sorpresa, agardan nos andeis ou nos expositores por esa man que, ao abrilos, poña en funcionamento a maxia da lectura.
A mochila viaxeira está pensada para que, desde a Biblioteca Escolar, se poida organizar unha actividade que implique ás familias, e así proporcionar un motivo de encontro entre os distintos membros desta, tomando como motivo o mundo dos libros e da lectura.
A mochila é o soporte que permite aos rapaces e rapazas levar á súa casa, en préstamo temporal, uns materiais que reforcen o vínculo entre familia e escola na súa labor común para a formación dos lectores máis novos.
A fórmula para decidir quen se leva a mochila para a casa será variada: unhas veces por orde alfabética outras por sorteo ou por orde de petición...
En canto á periodicidade non sobrepasará dunha semana, tamén dependerá do número de alumnos e alumnas do curso.
No mes de outubro preparamos moitas actividades para celebrar o Mes das Bibliotecas Escolares.
O mércores, 10 de outubro, fixemos entrega dos carnets de Biblioteca aos alumnos de primaria e tamén puxemos en marcha as
MOCHILAS VIAXEIRAS...BOA VIAXE!
VISUALIZACIÓN DOS VÍDEOS SOBRE O MAR
A autoría dos vídeos corresponde a Adrián Míguez García, ex alumno do CEIP Antonio Pedrosa Latas.
Nesta primeira achega de vídeos trátase de cinco capítulos adicados ao MAR
MARCAPÁXINAS
Como todos os anos, dende a Bibliosoños, convocamos a todos os alumnos a elaborar os Marcapáxinas con motivo da celebración do Día da Biblioteca.
Este ano o tema está relacionado co Mar.