ಕೈಮರದ ನೆರಳಲ್ಲಿ.
೧.ತಬ್ಬಲಿ.
ಬೀದಿಯಲಿ ಬಂದ ಮಗುವನು ನಾನು ಕೇಳಿದೆ
'ನಿಮ್ಮಪ್ಪನೆಲ್ಲೆ'ಂದು. ತಲೆಯಾಡಿಸಿತು, ತನಗೆ
ತಿಳಿಯದೆಂದು. ಮತ್ತೆ ಕೇಳಿದೆನು 'ತಾಯಾರು?'
ಎಂದು. 'ಗೊತ್ತಿಲ್ಲ' ಎಂದಿತು, ಕಣ್ಣಲ್ಲಿ ನೀರು.
ತಾನು ಹುಟ್ಟಿದ ಮನೆಯೆ ಮರೆತು ಹೋಗಿದೆ ಅದಕೆ,
ಅಣ್ಣ ತಮ್ಮಂದಿರಾರೊ ಅಕ್ಕ ತಂಗಿಯರಾರೊ
ತಿಳಿಯದದಕೆ. ತೊಟ್ಟಂಗಿ ಹರಿದಿತ್ತು, ಬಂತು
ಅದು ನನ್ನೆಡೆಗೆ, ಗಾಯವಗಿತ್ತದರ ಗಲ್ಲದ ಬಳಿ.
ನನ್ನ ಬದುಕಿನ ಅರಿವು ನನಗೆ ತಿಳಿಯದು ನೋಡಿ,
ಆದರೂ ಪ್ರಶ್ನೆ ಏಳುತ್ತಲಿದೆ ತಲೆಬಾಗಿ.
ಬಂದ ಮಗುವಿನ ವಿವರ ತಿಳಿದಿಲ್ಲ; ಆ ಮಗು
ಬೀದಿಯುದ್ದಕು ಅಳುತ ಬಂತು ಬಳಿಗೆ.
ಆಮಗುವಿನಂತೆಯೆ ನಾನೂ ತಬ್ಬಲಿಯಹುದು;
ಅದರ ಬೆನ್ನ ತಟ್ಟಿದೆ ನಾನು ದಾರಿಯೊಳಗೆ...
೨.ಅನುಭವವೋ ಕನಸೋ.
ಎಲ್ಲ ಅಳುತಿರುವಾಗ ನಾನು ನುಗುವುದು ಹೇಗೆ,
ಎದ್ದು ಹೋದೆನು ಮತ್ತುಸಂಜೆಯೊಳಗೆ...
ಜ್ವರ ಬಂದ ಮಗು ತೊಟ್ಟಿಲಲ್ಲಿ ಮಲಗಿರುವುದನು
ನಾ ಕಂಡೆ, ಅದರ ತುಟಿ ಅದುರುತ್ತಿತ್ತು.
ಹೊರಗೆ ನಡೆಯುತ್ತಿತ್ತು ಲೋಕಾಂತದ ಚರ್ಚೆ,
ಭಾಗಿಯಾಗದೆ ದೂರ ಕುಳಿತೆ ನಾನು;
ಸಮಸ್ಯೆಯೇ ಬೇರೆ,ಪರಿಹಾರ ಅಲ್ಲಿಗೆ ದೂರ
ಹಣೆಯಲ್ಲಿ ಬೆವರ ಹನಿ ಕಂಡು ಬಂತು.
ಸಂತಸದ ಹಾಡು ಇಲ್ಲಿಗೆ ದೂರ ಎನಿಸಿತ್ತು,
ಬೆಳಕು ಅರಿತು ಇರುಳು ತುಂಬಿಕೊಂಡು;
ನಕ್ಷತ್ರಗಳ ಚೆಲ್ಲಿ ಆಕಾಶ ಹೊಳೆದಿತ್ತು,
ತೇಲಿ ಬಂದಿತು ಯಾರ ಹಾಡೊ ಕಿವಿಗೆ.
ತಾಯಿ ಬಂದಳು ಬಳೀಗೆ, ಎತ್ತಿಕೊಂಡಳು ಮಗುವ
ಅದರ ತುಟಿಯನ್ನಿಟ್ಟು ತನ್ನ ಮೊಲೆಗೆ;
ಇರುಳು ಬೆಳೆಯಿತು, ನನಗೆ ನಿದ್ದೆಯೇ ಬರಲಿಲ್ಲ
ಅನುಭವವೊ ಕನಸೊ ಇದು ತಿಲೀಯಲಿಲ್ಲ .