ລະບົບຈັດການຖານຂໍ້ມູນ ພາກ II
I. ທວນຄືນກ່ຽວກັບ ຂັ້ນຕອນຂອງການອອກແບບ ແລະ ໂຄງສ້າງຂອງຖານຂໍ້ມູນ
⁃ ການອອກແບບ
1. ຂັ້ນຕອນຂອນການອອກແບບລະບົບ ມີການເລີ່ມຕົ້ນຄືແນວໃດ? ການກໍານົດຄວາມຕ້ອງການ(ການກໍານົດບັນຫາ, ສາເຫດ ແລະ ວິທີການແກ້ໄຂ ກ່ຽວກັບລະບົບເກົ່າມແລະ ກໍານົດຄວາມຕ້ຶງການຂອງລະບົບໃຫມ່.
2. ການເກັບຂໍ້ມູນມີລັກສະນະແນວໃດ? ແມ່ນການເຈລະຈາລະຫວ່າງ ນັກພັດທະນາ ແລະ ຜູ້ຕິການໃຊ້ລະບົບ ໂດຍອີງໃສ່ຄວາມຕ້ອງການ ທາງດ້ານ ຜົນຮັບຈົນກວ່າຈະບັນລຸຄວາມຕ້ຶງການຂອງຜູ້ໃຊ້. ນັກພັດທະນາ ຕ້ອງສະເຫນີແນວຄວາມຄິດທີ່ເຫມາະສົມ ໃຫ້ກັບຜູ້ຕ້ອງການໃຊ້ລະບົບ (ລູກຄ້າ) ໂດຍຄິດສະເຫມີວ່າ ລູກຄ້ານັ້ນແມ່ນບໍ່ຮູ້ ກ່ຽວກັບ ຂັ້ນຕອນ ຫຼື ວິທີການພັດທະນາ.
3. ວິທີການເກັບຂໍ້ມູນ ມີວິທີໃດແດ່?
4. ຂັ້ນຕອນການອອກແບບໄດ້ແບ່ງຂໍ້ມູນອອກເປັນຈັກພສກສ່ວນ? ພາກສ່ວນໃດແດ່? ຈົ່ງອະທິບາຍແຕ່ລະພາກສ່ວນ.
5. ໃຫ້ນັກສຶກສາຈັດກຸ່ມ 3 ຄົນ ເພື້ອຄົ້ນຄວ້າ ອະທິບາຍ 4 ຄໍາຖາມຂ້າງເທິງນັ້ນ ແລະເລືອກ ຫົວຂໍ້ທີ່ຈະອອກແບບ ລະບົບຖານຂໍ້ມູນ, ຄົ້ນຄວ້າ ແລະເລືອກ ແບບວົງຈອນການພັດທະນາລະບົບ.
6. ນັກສຶກສາທັງຫມົດໃນກຸ່ມຂອງຕົນ ອີງໃສ່ທິດສະດີວົງຈອນການພັດທະນາໃດ ສໍາລັບ ການອອກແບບ? ວົງຈອນນັ້ນ ປະກອບດ້ວຍພາກສ່ວນໃດແດ່? ຈົ່ງອະທິບາຍຂັ້ນຕອນການປະຕິບັດແຕ່ລະພາກສ່ວນ.
7. ໃຫ້ນັກສຶກສາ ເຮັດກິຈະກໍາໃນຫ້ອງ ໂດຍກາຍການຈັດແຕ່ລະກຸ່ມເຂົ້າໃນ 2 ຈຸ ຄື: ຈຸ A ແລະ B. ກຸ່ມ A ເປັນກຸ່ມນັກພັດທະນາ ແລະ ກຸ່ມ B ເປັນກຸ່ມລູກຄ້າ. ໃຫ້ກຸ່ມ B ສະເຫນີຄວາມຕ້ອງການຂອງຕົນໃນເບື້ອງຕົ້ນວ່າ ຕ້ອງການຈັດການຂໍ້ມູນ ກ່ຽວກັບ ກິຈະການໃດ. ຕໍ່ມາໃຫ້ກຸ່ມ A ໃຊ້ວິທີການເກັບຂໍ້ມູນດ້ວຍຮູບແບບຕ່າງໆ ທີ່ເຫມາະສົມ ແຕ່ຕ້ອງຈໍາກັດເວລາ.
⁃ ການກໍານົດໂຄງສ້າງ
1. ໂຄງສ້າງຂອງ ລະບົບຖານຂໍ້ມູນແບ່ງອອກເປັນຈັກລະດັບ? ລະດັບໃດແດ່?
2. ລະດັບສຸງສຸດຂອງ ລະບົບໂຄງສ້າງຖານຊໍ້ມູນແມ່ນລະດັບໃດ?
3. ຜົນຮັບທີ່ຕ້ອງການໃນໄລຍະສຸດທ້າຍຂອງລະບົບຖານຂໍ້ມູນແມ່ນຫຍັງ?
4. ນັກສຶກສາ ເຮັດກິດຈະກໍາ 2 ໂດຍໃຊ້ກຸ່ມເກົ່າ ເພື່ອເອົາຂໍ້ມູນ ທີ່ກຸ່ມ A ເກັບມາໄດ້ ຈາກ B ຫລື ທີ່ B ໄດ້ເອົາໃຫ້ກັບ A ເພື້ອກໍານົດ ເອັນຕິຕີ້ ແລະ ແອັດທຣິບບິວ ຂອງລະບົບ ແລະ ສ້າງຄວາມສໍາພັນໃຫ້ກັບແຕ່ລະເອັນຕິຕີ້. ໃຫ້ນໍາໃຊ້ທິດສະດີ Normalization Form 1, 2, ແລະ 3 ຢ່າງມີປະສິດທິພາບ. ຈົ່ງຈໍາວ່າ ບໍ່ມີເອັນຕິຕີ້ໃດຈະຢູ່ໂດດດ່ຽວ. ການກໍານົດຂໍ້ມູນເຂົ້ນໃນລະບົບຕ້ອງມີຄວາມເຫມາະສົມ, ບໍ່ຄວນເກັບຂໍ້ມູນທີ່ບໍ່ຈໍາເປັນ. ນໍາໃຊ້ທິດສະດີຂອງ ການກໍານົດບັນດາຄີຕ່າງໆ ໃຫ້ເຫມາະສົມ ແລະ ຕາມແຕ່ລຂັ້ນຕອນເຊັ່ນ: ຄີທີ່ເປັນແຄນດິເດດ, ຄີຫລັກ, ຄີຮອງ, ຄີທີ່ເປັນຟໍເຮັນ ແລະອື່ນໆ.
5. ດາຕ້າດິກຊັນແນຣີ ແມ່ນຫຍັງ? ໃຫ້ນັກສຶກສາແຕ່ລະກຸ່ມ ສດາຕ້າດິກຊັນແນຣີ ຈາກແຜນວາດຄວາມສລໍາພັນຂອງຕົນ.
6. ລະບົບພາຍໃນມີລັກສະນະແນວໃດ? ມັນຖືກຈັດການດ້ວຍເຄື່ອງມືໃດ? ໃຫ້ແຕ່ລະກຸ່ມ ໃຊ້ແຜນວາດຄວາມສໍາພັນຂອງຕົນິ ສ້າງລະບົບພາຍໃນ.
II. ຂະບວນການຂອງການພັດທະນາຊອບແວ ດ້ວຍລະບົບຖານຂໍ້ມູນ
ລະບົບຂໍ້ມູນໃນທປະຈຸບັນ ປະກອບດ້ວຍ ລະບົບຖານຂໍ້ມູນ, ດາຕ້າແວເຮົາ ແລະ ບິກດາຕ້າ. ໃນນີ້ຈະລົງເລິກສະເພາະ ລະບົບຖານຂໍ້ມູນ ແບບສໍາພັນ ໂດຍໃຊ້ພາສາ SQL. ແນວໃດກໍ່ຕາມ, ການພັດທະນາລະບົບຖານຂໍ້ມູນທີ່ນໍາໃຊ້ໄດ້ແທ້ຈິງ, ພາສາ SQL ຕົວດຽວນັ້ນ ມັນບໍ່ສະຫລາດພໍທີ່ຈະ ຈັດການຫລື ປະມວນຜົນຂໍ້ມູນໄດ້ຕາມຄວາມຕ້ອງການຂອງຜູ້ໃຊ້ງານ. ສະນັ້ນ, ການສ້າງຊອບແວໃຊ້ງານຈິງ, ມັນຈໍາເປັນຕ້ອງມີການພັດທະນາ ຮ່ວມກັບ ພາາອື່ນ. ໃນພາກນີ້, ນັກສຶກສາຈະໄດ້ຮຽນ:
1. ການນໍາໃຊ້ ພາສາ Data Definition Language (DDL)
2. ການນໍາໃຊ້ພາສາ Data Manipulation Language (DML)
3. ການນໍາໃຊ້ ພາສາ Java + SQL ເພື່ອພັດທະນາ Window Application ( ກ່ອນການພັດທະນາລະບົບ, ນັກສຶກສາທຸກຄົນຄົນສາມາດອະທິບາຍໂຄງສ້າງຕໍ່ໄປນີ້:
Hardware => OS => App => User ລວມທັງການສ້າງຄວາມເຂົ້າໃຈ ກ່ຽວກັບ Storage Device ແລະ DBMS.
4. ການນໍາໃຊ້ ພາສາ ພັດທະນາເວັບໄຊທ໌ + ພາສາ SQL ເພື້ອພັດທະນາເວັບແອັບພຣິເຄຊັນ
5. ຈົ່ງສ່າງຄວາມເຂົ້າໃຈ ແລະ ອະທິບາຍ ຄໍາສັບແລະວະລີ ລຸ່ມນີ້; ພວກມັນແມ່ນຫຍັງ, ມີວິທີການສ້າງ ແລະ ການນໍາໃຊ້ແນວໃດ:
⁃ ຕົວປ່ຽນ
⁃ ປະເພດຂອຂໍ້ມູນ
⁃ ຕົວດໍາເນີນການທາງຄະນິດສາດ
⁃ ຕົວດໍາເນີນການທາງຕັກກະສາດ
⁃ ເງື່ອນໄຂ (conditional statement)
⁃ ການວົນຫລູບ (loop)
⁃ ອາເຣ (array)
⁃ ລາຍການຂໍ້ມູນໃ(List)