Simboliek: Kruis staan sentraal op die pad saam met God. Gemeente se geloof is nie in vaste kennis of belydenisse vervat nie maar op ’n deurlopende verhouding wat ons as gemeente en elkeen afsonderlik met God kan bou. Geloof is nie net die versameling van waarheid nie maar om te leer om in ’n lewe van dissipelskap dit elke dag uit te leef. Op hierdie reis is die waardes belangrik en daarom word al die simbole van die waardes in die embleem saamgevat. Ons glo ook dat God ons ’n poort na die wêreld wil maak en dat die reis saam met Hom nie net oor individue gaan nie maar oor ons roeping in die wêreld.