Embedded Files
Úr Aðalnámskrá Grunnskóla, endurskoðun 2024
Úr Aðalnámskrá Grunnskóla, endurskoðun 2024
21.2.3
Alls staðar í umhverfi okkar er sjónrænt áreiti sem mikilvægt er fyrir nemendur okkar að læra að lesa og greina. Í sjónlistum er unnið markvisst með skynjun, greiningu og túlkun sem veitir nemendum forsendur til að sjá það sem þeir horfa á, heyra það sem þeir hlusta á, finna það sem þeir snerta og skapa út frá reynslunni.
Í sjónlistum öðlast nemendur tækifæri til að tjá sig án orða, vinna á gagnrýninn hátt með málefni daglegs lífs og með ímyndunaraflið. Slík reynsla veitir nemendum forsendur til að læra að þekkja sjálfa sig bæði í tengslum við náttúruna og efnisheiminn.
Um sjónlistir í Aðalnámskrá grunnskóla
Áhersluatriði Engjaskóla í sjónlistum:
Áhersluatriði Engjaskóla í sjónlistum:
Nemendur fá tækifæri til að skapa, tjá sig og þróa eigin fagurfræðilega sýn með fjölbreyttum miðlum, efnum og tækni í sjónlistum.
Lögð er áhersla á að efla sköpunarhæfni, ímyndunarafl og tilraunagleði þar sem nemendur fá að rannsaka, prófa og þróa eigin myndrænar lausnir.
Nemendur læra að lesa, túlka og ræða myndmál, sjónræna tjáningu og umhverfi sitt og átta sig á hvernig myndir og sjónrænir miðlar hafa áhrif á hugsun, menningu og samfélag.
Kennslan styrkir færni nemenda í að nota hugtök og orðaforða sjónlista til að lýsa eigin verkum, útskýra val og ræða listaverk annarra af virðingu og forvitni.
Verkefni eru fjölbreytt, merkingarbær og tengd bæði reynsluheimi nemenda og samfélagslegum eða menningarlegum viðfangsefnum.
Samvinna, samtal og sameiginleg skapandi vinnubrögð eru í fyrirrúmi og styðja við félagsfærni, ábyrgð og virðingu í skapandi ferli.
Nemendur kynnast fjölbreyttri listsköpun frá ólíkum tímum, menningarheimum og samfélögum og öðlast skilning á gildi sjónlista í menningu og daglegu lífi.
Page updated
Report abuse