له‌م ساڵانه‌ی دوایدا، به‌هۆی زۆربوونی ژماره‌ی دانیشتوان و زیادبوونی پێویستیه‌كانیان، هاوكات هه‌وڵدانی به‌شێكی زۆری وڵاتان و كۆمپانیاكانی كار بۆ دۆزینه‌وه‌ی كاری نوێ و جۆراوجۆركردنی سه‌رچاوه‌ی داهاتیان، به‌بازاڕكردن به‌شێوه‌یه‌كی به‌رچاو به به‌راورد به زانسته مرۆییه‌كانی تر گه‌شه‌یكردووه‌و به‌كارده‌برێت. تاكو له ڕێگه‌گه‌یه‌وه بتوانرێت لێشاوه‌كانی شمه‌ك و كاڵاو به‌رهه‌م و توانسته‌كان به‌ڕووی به‌كاربه‌ران و كڕیاراندا ئاراسته‌بكرێن.
به‌بازاڕكردن، پرۆسه‌یه‌كه تێیدا (شیكاری، ڕێكخستن، پلاندانان، كۆنترۆڵكردن) گه‌یشتۆته كۆتایی، ده‌توانین بڵێین قۆناغی به‌رهه‌مهێنانی كاڵایه بۆ بازاڕه‌كان به‌ئامانجی گونجاندنیان له‌گه‌ڵ كڕیاردا، بۆ پڕكردنه‌وه‌ی پێویستی و خواسته‌كانیان، تاكو له كۆتایدا بگه‌ینه قازانجێكی ئابووریی چاوه‌ڕوانكراوو.
یاخود ئاماده‌كاری و پلاندانانه، تاكو ده‌رامه‌تێكی سروشتی یان مرۆیی (كه پێشتر وه‌ك پێویست سودی ئابووریی لێوه‌رنه‌گیراوه)، دووباره له‌ڕێگه‌ی هه‌وڵێكی ڕێكخراوو و كارامه‌وه بكرێته سه‌رچاوه‌یه‌كی تری داهات و به‌هۆیه‌وه كه‌رته ئابووریه‌كانی تر گه‌شه‌بكه‌ن و ده‌رفه‌تی كاركردن بۆ هاوڵاتیانیش فه‌راهه‌م بكات.