UVigoTV

Resumen da xuntanza habida na sede da UvigoTV no Campus das Lagoas o día 20 de xaneiro de 2013 para organizar os preparativos da experiencia educativa on-line que se pretende levar a cabo de forma conxunta pola Facultade de Educación e as Escolas UNESCO.

Participantes:

Vicente Goyanes de Miguel e Iria Díaz (UvigoTV)

Xabier Prado (Escolas UNESCO)

Despois das explicacións da idea e das posibilidades e limitacións técnicas para levala a cabo, resolvimos centrarnos na plataforma Adobe Connect, na que a UvigoTV xa ten unha experiencia acumulada, tendo en conta as suas posibilidades e as limitacións, centradas principalmente na imposibilidade de traballar simultáneamente con streaming de video, pois para iso precísase un software de videoconferencia que é incompatible co de webinar.

As características da proposta non coinciden co que se entende como webinar, principalmente porque estes céntranse máis en compartir conceptos e discutir ideas (como se fose unha sesión de claustro virtual), mentres que a actividade proposta céntrase máis en compartir traballos dos alumnos.

Nomes como "Festival on-line pola Paz ", ou "Celebración virtual do Día da Paz" serían preferibles ao de "webinar pola paz".

Identificáronse os seguintes papeis para realizar a experiencia:

Participantes

Pode haber ata un máximo de 100. Poden ver a actividade, e participar a través do chat (estarán identificados).

Cada participante pode ser unha clase agrupada nun aula equipada cun videoproxector con altavoces, e un ordenador conectado a Internet (mellor por cable ADSL que por wifi, para ter ancho de banda dabondo). No ordenador haberá un representante (un profesor/a ou un alumno/a) que irá colocando no chat os comentarios relevantes que saian na aula.

Nesto da colocación de mensaxes polo chat ten que haber algo de autocontrol, para non disparar as entradas recibidas sen que se poida reaccionar axeitadamente ás mesmas.

Presentadores

Serán a "alma" da actividade. Aparecen todos simultáneamente na pantalla (cada un nun cadriño, tal vez cun tope de 12 en total), e deben ter moi claro tanto o aspecto técnico (audio e sonido ben configurados) como organizativo (seguimento dos turnos e instrucións do moderador e interlocución co facilitador en caso necesario).

Será un/ha alumno/a de cada centro, acompañado dun profesor (que estará en contacto por móbil co resto de presentadores) nun aula separada daquela na que están os participantes (para non haber ruido de fondo), e debe ter un ordenador con webcam e uns auriculares con micrófono incorporado (para minimizar as interferencias). O ordenador debe ter unha conexión óptima a Internet (desaconséllase usar un portátil).

Os presentadores terán enviado o día anterior o power point (fundamentalmente con imáxenes escaneadas e fotografías de actividades realizadas ou espazos decorados para a ocasión, así como do texto con signos da frase de Mandela que vai presentar con xestos) por email para o facilitador (impreso en formato pdf e sen efectos especiais), quen o irá colocando cando corresponda.

Nese momento, o presentador ("activo") irá comentando as diapositivas que aparecen na pantalla.

Cada presentador debe contar cun axudante que estará atento ás indicacións do moderador e ao contido do chat.

Se algún outro dos presentadores levanta a man (ou, a través do chat, algún dos participantes fai algún comentario que é considerado relevante), o moderador poderá cederlle a palabra mediante un xesto ou un sinal consensuado, e despois da sua intervención continuará coa palabra o presentador "activo".

O presentador pode ser relevado por outro alumno dese mesmo centro ou doutro centro veciño (acompañado do seu profesor).

Moderador

Na pantalla, sería un presentador mais (non se pode facer doutra forma), que contaría co consenso dos demais presentadores para aceptar os turnos de palabra (e, sobre todo, de silencio) que este fose establecendo. De ser posble, as suas indicacións faríaas visualmente, reservando a palabra para casos excepcionais.

O moderador debe estar acompañado por un profesor/a que lle axude colocando en pantalla un cartaz co nome do centro "activo" en cada momento.

Facilitador

Estaría na sede da UvigoTV, e supervisaría os aspectos técnicos (subida dos power points de cada participante, previamente recibidos e ordenados en escaleta temporal, procuraría axudar a resolver problemas puntuais de conexión, etc)

Tanto o moderador (ou o seu profesor acompañante) como o facilitador comunicaríanse co resto de presentadores (a través dos profesores acompañantes) por chat privado, e para casos de emerxencia terían tamén os números dos móviles de todo o resto de profesores participantes.

De media hora a unha hora antes do inicio do evento, os presentadores deben estar nos seus postos e configurar o video e o audio (para iso, Iria nos enviará a todos en manual de instrucións, e ademais teremos unha sesión de proba o día 17 de xaneiro ao mediodía).

Unha proposta en relación coa composición dos presentadores podería ser:

Da Facultade de Educación: un presentador na propia Facultade, e outro nun centro da Estrada. Tanto nun lugar como no outro poderíanse rotar os presentadores, de xeito que cada un estivese un certo tempo, tal vez entre media hora e unha hora.

Das escoias UNESCO galegas: arredor de 5 presentadores (un nas Neves ou en Ponteareas, dous ou tres entre Pontevedra e Poio e tal vez un nouta localidade onde hai escolas UNESCO como Ourense ). Ao igual que antes, nun mesmo lugar pódense ir turnando os presentadores, cabe incluso a posibilidade de que participen como presentadores profesores e alumnos de escolas veciñas (os simples participantes, ao non haber unha limitación en número, faríano desde as suas escolas).

De outras partes, podería haber un presentador en Cabra (Andalucía), outro en Madrid, tal vez un en Andorra e un ou dous en Portugal.

Deste xeito, con 12 presentadores en pantalla poderíamos realizar unha actividade áxil na que se fosen sucedendo imáxenes, fotografías e citas de Mandela en diversas línguas, todo elo comentado polos participantes, tanto directamente (outros presentadores) como por chat (os participantes)

De chegar a este número de 12 presentadores, se cada un usa 5 minutos de tempo, ao cabo dunha hora xa interviñeron todos.

Na seguinte hora, poden ocupar o seu lugar outros presentadores (profes e alumnos do mesmo centro ou doutros veciños) e iniciar a rolda de novo. De non haber mais intervencións previstas, poderíase pasar a comentar o acontecido ata o remate do tempo total.

Todo o que se emitise neste evento sería gravado tal e como se emitiu, e podería despois trocearse para deixalo nun repositorio organizado como se quixese.

Para poder facer as cousas ben, propóñense as seguintes datas:

Ata o 17 de xaneiro: decidir cales serán os presentadores, e cada un recibirá por email o manual e o enlace correspondente. A partir de aí xa poden facer por si mesmos probas de audio e video seguindo as instrucións do manual (a ser posible, para evitar sorpresas, cos mesmos equipos que serán usados no evento)

Tamén se poden ir identificando o resto de participantes, e cada un recibirá tamén un enlace (diferente do dos presentadores)

Antes do día 17, cada presentador debe enviar un pequeno power point de proba (4 ou 5 diapos) pasado a pdf para a facilitadora.

17 de xaneiro (venres) a mediodía: sesión de proba, na que alomenos todos os presentadores (e os participantes que o desexen) deberán comprobar que son capaces de preparar os seus ordenadores, entrar na sesión e intervir cando a facilitadora coloque o seu power point. Haberá problemas inevitablemente, e nese caso ainda contaríamos con tempo para que esas personas poidan quedar para facer unha segunda sesión e comprobar que resolveron as dificultades. Tal vez nesa segunda sesión previa tamén se pudese integrar algún centro dos de fora se avisa mais tarde do previsto de que quere participar.

31 de xaneiro (Día da Paz)

Teríamos arredor de 12 centros de presentación, polos que poderían pasar ata tres turnos nas tres horas do evento, co que teríamos mais de 30 presentacións diferentes (o que coincide moi ben coa cifra de 36 citas de Mandela coas que estamos a traballar).

Nese tempo, por cada centro "presentador" debería haber un "participante" noutra aula do centro na que se irían tamén turnando diversos grupos de alumnos cos seus profesores.

Ademáis destes participantes, pode haber outros centros que participen simplemente como observadores (e "comentadores" por chat) que non terían que estar activos todo o tempo.

Poderíamos ter mais de mil alumnos como participantes. neste evento.

21 de marzo (Día Internacional da Poesía)

O formato anterior ampliaríase a outros países de calquera parte do mundo.

Para iso, en principio, habería que contar con duas sesións, unha pola mañá en inglés, na que en función da participación entrarían centros de Oriente Medio, Europa Oriental, Europa e Africa) e outra pola tarde en castelán-portugués, para os participantes de América Latina (tamén poderían participar desde a Península, se abren pola tarde).

Habería que identificar os presentadores para cada sesión, os cales funcionarían de xeito parecido a como se fixo o 30 de xaneiro. Tal vez sexa necesario un esforzo adicional para capacitar aos presenatdores deses países, mais aí xa teríamos profesores/as que poderían axudar por ter participado en xaneiro.