Zientzia-proposamenak

Tantaka

Jatorria: Josune Mendia, “Lurra egarri da”

Zenbait kasutan iturria tantaka geratzen zaigu. Ondo itxi gabe utzi dugulako edo iturria egoera onean ez dagoelako. Ba al dakizu tantaka dagoen iturriak zenbat ur galtzen duen urtebetean? Kalkula dezagun!

Eta, Txorrota-aurrezgailua erabiltzen badugu?

Materiala:

Zure etxeko iturri bat
Litro bat ontzia
Kronometroa

Prozedura:

Ireki iturria ura tantaz tanta eror dadin.
Jarri litro bateko ontzia iturri azpian.
Kronometro edo ordularia esku artean duzula, neurtu zenbat denbora behar den ontzia betetzeko.
Iturritik litro bat xahutzeko behar den denbora jakinik, kalkulatu zenbat litro galtzen diren egun batean eta urtebetean.

Txorrota-aurrezgailua harraska eta konketetako txorrotaren muturrean jartzen den pieza da . Pieza honen bitartez, ur-emaria gutxitu egiten da, baina ur-zurrusta kalitatea mantenduz. Aurrezgailuarekin iturria irekitzean ez du ematen ur gutxiago ateratzen denik edo indar gutxiago duenik, ura airearekin nahasten baita ur-presioa mantenduz.

Baina, zenbat ur aurrezten da gailu honen bitartez? Iker dezagun!

Materiala:

Zure etxeko iturri bat
Txorrota-aurrezgailu bat
Litro bat ontzia
Kronometroa

Prozedura:

1. Jarri iturriaren azpian litro bateko ontzia.

2. Ireki iturria (ahal den gehien) eta neurtu zenbat denbora behar duen ontzia betetzeko (d1).

3. Aurrezgailua jarri eta proba bera egin (d2).

4. Kalkulatu aurreztutako ur-portzentaia eragiketa hau eginez: aurreztutako ur-portzentaia=100-100(d1/d2)

Deskargatzeko dokumentua

Tantaka

Google Sites

Report abuse