Praza das Matemáticas

Con esta exposición inícianse as actividades 11F no centro.#11F2024

Historicamente relegadas da educación, da política, da participación social, da cidadanía... a sociedade impuxo ás mulleres o exercicio duns roles moi definidos, relacionados normalmente co coidado, a educación dos fillos e fillas, a alimentación, a familia... as tarefas do ámbito privado, doméstico.

Un ámbito importante, sen o que non existiría todo o demáis, pero desvalorizado socialmente. Agora ben, desde os inicios da civilización atopamos a mulleres que loitaron por saír da esfera do privado e ser recoñecidas no ámbito público.

Foi unha tarefa moi complicada que se ten que recoñecer a mulleres de todos os séculos e clases sociais. Só algunhas o tiveron un pouco máis sinxelo, debido a unhas especiais condicións familiares favorables.

Aínda así, a historia volveu a discriminalas invisibilizando o seu nome e as súas achegas á Cultura da humanidade.

Preténdese deixar constancia do esforzo e das achegas de mulleres, ao longo da historia, para que o alumnado as coñeza e identifique.

👰👩🏻‍🔧🧑‍🏭👩🏼‍🌾👩‍🎓🧑🏽‍🔬🧑‍✈️