AURREZAGUTZA
AURREZAGUTZAK AKTIBATZEN
ZARAUTZ
Urola kostako udalerria da, eskualdeko handiena. Aspaldikoa da turismoaren garrantzia herrian (gutxienez azken 150 urtetakoa), eta azken hamarkadetan igoera demografiko handia izan du. Hala ere, ondo eutsi dio euskarari, gizarteko askotariko eraginei aurre eginda.
Euskara da zarauztarren berezko hizkuntza, eta nortasunaren adierazgarri nagusia. Zarauztarren % 74,14 euskalduna da (eta % 85,11 euskaraz ulertzeko gai da), eta euskaraz bizi da nagusiki.
Euskarari eutsi diogu, mendez mende, urtez urte, hizkuntzaren eta kulturaren aldeko atxikimendua eta zaintza bizirik egon delako. Bide horretatik segika, gastronomia edota ondarea zaintzen ditugun moduan, hizkuntza ere zaindu egin nahi dugu. Hala ere, ondarea zaintzeko ezagutu egin behar den moduan, hizkuntza ere aurretik ezagutu egin behar da eta hori izango da xirrikitu honen helburu nagusia.
Goazen, bada, zirrikitutik argi bila!
Iñaki Eizmendi Manterola "Basarri" (1913-1999) zarauztar bertsolari handia izan zen, eta bertso famatu honen bitartez Zarautzekiko maitemina adierazi zuen:
Zarautz kutunari kantu agurra
Ene Zarautz maite
Nere amets laguna
Kantuz datorkizu
Hainbat maite zaituna.
Hain zera kutuna
Garbi ta txukuna
Gure alaitasuna...
Lore usaiduna
Indar daukazuna
Parerik ez dezuna!
Zeure zaindaritzat
daukazu "Talai-Mendi",
bestetik "Pagota"
otoizka goi Jaunari.
"Barbara-n" gain hori,
Torre Eiffel dirudi
bi pausora Getari...
Itsasoko begi
hor dezu Mollarri
guzion txoragarri!”
Bertso sorta osoa jatorrizko doinuan.
BADA ZARAUZTARTASUNA UMOREZ BIZI DUENIK ERE...
... ZUENTZAT, ZER DA ZARAUZTAR IZATEA?
![](https://www.google.com/images/icons/product/drive-32.png)