電筒收藏、維修

收藏品建議使用防潮箱。因為反光杯、玻璃有機會發霉，舊式電筒密封性唔太好，而且可能有鐵或者銅質材料，比較容易生鏽。防潮箱設置濕度大約60度或以下就可以。或者用個大型密封盒，放個吸濕大笨象就OK。至於日常用既電筒，就不需要放防潮箱。長期唔使用電筒，需要取出電池，以防安全性問題。如果可以旋轉既地方例如螺牙唔夠滑，加些少 silicon grease 就可以。電筒既 O ring 需要加 silicon grease 以確保操作順滑以及防水。

另外，再次強調，唔好用鹼性或者碳性電池，用返 Eneloop叉電！

傳統電筒結構上基本唔會壞，就算壞都好容易可以修理好。通常唔着燈都係接觸不良或者燒燈泡。如果你支傳統電筒、家傳之寶壞左，或者搵唔到燈泡，可以聯絡我。