Emakumeen ugal aparatoa
1-Kanpoaldeko organoak:
Kanpoaldeko organoen multzoari, alua edo bulba deitzen zaio. Alua, ezpain handiak eta ezpain txikiak izeneko egitura batzuez estalita dago:
- Ezpain handiak: Ezpain txikiak tapatzen dituzte.
- Ezpain txikiak: Euren azpian, bi zulo agertzen dira:
1-Uretraren bukaera: Gernua kanporatzeko balio du.
2-Baginaren sarrera da.
- Klitoria: Uretraren gainean dagoen organotxoa da. Klitoria, nerbio-amaierez beteta dagoen organoa delako, oso sentikorra da. Sexu harremanetan emakumeak plazerra sentitzeko ezinbesteko organoa da.
2-Barruko organoak:
- Obulutegiak: 2 dira. Estrogenoak sortzen dituzte. Obuluak, ere: hilero bat askatzen dute, txandaka: hilabete batean, obulutegi batek eta hurrengo hilabetean, besteak.
- Falopioren tronpak: 2 dira. Obulutegitik atera den obuluak erabiltzen duen bidea da, umetokira iristeko.
- Umetokia: Bere paretetan fabrikatutako mukian, geratuko da itsatsita obulutegitik iritsi den obulua, espermatozoide baten zain.
- Bagina: Umetokiaren mukia eta espermatozoidearen zain zegoen obulua, hemendik ateratzen dira, odol pixka batekin: hilean behin gertatzen delako, hilekoa deitzen zaio.
