Borun

Bor er verkfæri sem við notum til að skera göt eða holur í efni. Borar eru sívalir með beittri egg sem slípuð er í odd.

Þrjár tegundir af borum eru í smiðjunni okkar. Spíralborar, dósaborar, og spaðaborar

Spíralborar

Borar eru hannaðir til að gera göt eða holur i ýmis konar efni.

Allir spíralborar hafa egg, spíral, og legg.

Egg er beitti hluti borsins og sker í efnið.

Spírall er snúið holrými og efnið sem við fjarlægjum fer upp þennan spíral.

Leggur er hlutinn sem við festum í borvélina.

Við erum með þrjár útgáfur af spíralborum. Trébor til að bora í tré, Stálbor til að bora í málma, Steinbor til að bora í stein og keramík.

Tréborar eru með litlum oddi sem hjálpar okkur að miðja borinn (staðsetja borinn) og bora í gegnum tré.

Trébora má ALDREI nota til að bora í málma eða stein.

borar eru með stórum oddi sem hjálpar okkur að miðja borunina í málma.

Stálbora má ALDREI nota til að bora í stein.

Steinborar eru með hertum tönnum sem mylja steininn.

Steinbora má ALDREI nota til að bora í málma.

Spaðaborar eru með litlum oddi til að stýra í gegnum tré og breiðum tönnum til að skera stór göt í tré.

Spaðabora má ALDREI nota til að bora í málma eða stein.

Dósaborar eru með miðjubor til að stýra bornum og stórum bor með mörgum litlum tönnum. Dósabor vinnur eins og sög og sagar götin í tré.

Sérstakir dósaborar eru fáanlegir til að bora í tré, málma eða stein. Allir okkar dósaborar eru fyrir tré og á ALDREI að nota í málma eða stein.

Page updated

Google Sites

Report abuse